24th Jun2016

ລມຕ ສຳເລັດການເຄື່ອນໄຫວຢ້ຽມຢາມ ແລະ ເຮັດວຽກ ຢູ່ສະຫະລັດອາເມລິກາ ແລະ ສາທາລະນະລັດ ເກົາຫຼີ

by somchan

ການນຳຂັ້ນສູງກະຊວງປ້ອງກັນຄວາມສະຫງົບລາວ ນຳໂດຍ ພົນ ຕີ ສົມແກ້ວ ສີລາວົງ ລັດຖະມົນຕີກະຊວງປ້ອງກັນຄວາມສະຫງົບ ໄດ້ສຳເລັດການເຄື່ອນໄຫວຢ້ຽມຢາມ ແລະ ເຮັດວຽກ ຢູ່ສະຫະລັດອາເມລິກາ ແລະ ສາທາລະນະລັດ ເກົາຫຼີ ໃນລະຫວ່າງວັນທີ 5-14 ມິຖຸນາ 2016ນີ້.

ການເຄື່ອນໄຫວຢ້ຽມຢາມ ແລະ ເຮັດວຽກ ຢູ່ສະຫະລັດອາເມລິກາ ແລະ ສາທາລະນະລັດ ເກົາຫຼີຂອງການນຳຂັ້ນສູງກະຊວງປ້ອງກັນຄວາມສະຫງົບລາວໃນເທື່ອນີ້້ ໄດ້ພົບປະເຮັດວຽກຮ່ວມກັບການນຳຂັ້ນສູງຕຳຫຼວດສະຫະລັດອາເມລິການ ແລະ ສາທາລະນະລັດ ເກົາຫຼີ ກ່ຽວກັບການພົວພັນຮ່ວມມືວຽກງານປ້ອງກັນຄວາມສະຫງົບ ຮັກສາຄວາມເປັນລະບຽບຮຽບຮ້ອຍທາງສັງຄົມ ເຊັ່ນ: ຕ້ານ ແລະ ສະກັດກັ້ນ ແລະ ແກ້ໄຂບັນຫາຢາເສບຕິດ, ອາຊະຍະກຳຂ້າມຊາດ, ການເຂົ້າອອກເມືອງຜິດກົດໝາຍ. ລວມເຖິງການຄຸ້ມຄອງ, ການປົກປ້ອງສິດຜົນປະໂຫຍດ ແລະ ຄວາມປອດໄພຂອງປະຊາຊົນ ທີ່ດຳເນີນທຸລະກິດ, ພັກເຊົ່າ, ທ່ອງທ່ຽວ ແລະ ດຳລົງຊີວິດຢູ່ແຕ່ລະປະເທດ. ເພື່ອປະກອບສ່ວນເຮັດໃຫ້ແຕ່ລະປະເທດມີຄວາມໝັ້ນຄົງ, ສະຫງົບ, ປອດໄພ ເປັນລະບຽບຮຽບຮ້ອຍ ແລະ ສ້າງເງື່ອນໄຂໃຫ້ແກ່ການພັດທະນາປະເທດຊາດ.

Off

Comments are closed.