24th Jun2016

ປະກາດແຕ່ງຕັ້ງຄະນະຮັບຜິດຊອບຊີ້ນຳ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່

by somchan

ກະຊວງປ້ອງກັນຄວາມສະຫງົບໄດ້ຈັດປະກາດແຕ່ງຕັ້ງຄະນະຮັບຜິດຊອບຊີ້ນຳຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ຜູ້ແທນອົງຄະນະພັກກະຊວງປ້ອງກັນຄວາມສະຫງົບ ຄັ້ງທີ IV. ໃນວັນທີ 17 ມິຖຸນາ 2016 ນີ້.

ໂດຍການເປັນປະທານຂອງພົນຕີ ສົມແກ້ວ ສີລາວົງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ, ມີຄະນະພັກ ຄະນະບັນຊາແລະ ພະນັກງານຫລັກແຫຼ່ງເຂົ້າຮ່ວມ.

ພົຈວ ອາລູ ວາລີຊື່ ຄະນະພັກກະຊວງ ຫົວໜ້າກົມໃຫຍ່ການເມືອງ ປກສ ໄດ້ຜ່ານມະຕິຕົກລົງຂອງຄະນະພັກກະຊວງ ປກສ ວ່າດ້ວຍການແຕ່ງຕັ້ງ ຄະນະຮັບຜິດຊອບຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ຜູ້ແທນອົງຄະນະພັກກະຊວງປ້ອງກັນຄວາມສະຫງົບ ຄັ້ງທີ IV. ໃນນີ້ໄດ້ແຕ່ງຕັ້ງຄະນະຊີ້ນຳລວມ ຕະນະບັນດາອານຸກຳມະການເຊັ່ນ: ແຕ່ງຕັ້ງອານຸກຳມະການຮັບຜິດຊອບຄົ້ນຄວ້ານິຕິກຳລະບອບແບບແຜນວິທີເຮັດວຽກ ແລະ ແຜນດຳເນີນງານຂອງຄະນະບໍລິຫານງານພັກກະຊວງ ປກສ ອານຸກຳມະການຮັບຜິດຊອບແຜນງານຮັບປະກັນໃຫ້ປະເທດຊາດມີສະຖຽນລະພາບທາງດ້ານການເມືອງ, ມີຄວາມສະຫງົບ ແລະເປັນລະບຽບຮຽບຮ້ອຍທາງສັງຄົມ, ອະນຸກຳມະການຮັບຜິດຊອບແຜນງານວຽກປັບປຸງ-ກໍ່ສ້າງກຳລັງໃຫ້ປອດໃສ, ໜັກແໜ້ນແລະ ເຂັ້ມແຂງຮອບດ້ານ, ອະນຸກຳມະການຮັບຜິດຊອບແຜນງານວຽກຮັບປະກັນດ້ານພະລາທິການ ແລະ ອະນຸກຳມະການຮັບຜິດຊອບແຜນງານວຽກງານຍົກສູງຄຸນນະພາບເປັນເສນາທິການ ໃຫ້ຄະນະພັກ ຄະນະບັນຊາແຕ່ລະຂັ້ນໃຫ້ເຂົ້າສູ່ລະບອບ, ລະບຽບ ແລະ ຄຸນະພາບໃຫມ່. ທັງນີ້ເພື່ອເຮັດໃຫ້ການຜັນຂະຫຍາຍເນື້ອໃນມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ຜູ້ແທນ ຄັ້ງທີ IV ຂອງອົງຄະນະພັກກະຊວງປ້ອງກັນຄວາມສະຫງົບ ເຂົ້າສູ່ຊີວິຕົວຈິງ ແລະ ແຜນດຳເນີນງານລວມຂອງຄະນະບໍລິຫານງານພັກກະຊວງປ້ອງກັນຄວາມສະຫງົບເຂົ້າສູ່ລວງເລີກ ແລະ ບັນລຸຜົນສຳເລັດຕາມລະດັບຄາດໝາຍ

Off

Comments are closed.