24th Jun2016

ມ້າງກຸ່ມແກ້ງສໍ້ໂກງຊັບພົນລະເມືອງ ທາງອິນເດີເນັດ

by somchan

ໃນວັນທີ 17 ມິຖຸນາ 2016 ເຈົ້າໜ້າທີ່ຕຳຫຼວດກົມສືບສວນ-ສອບສວນ ກົມໃຫຍ່ຕຳຫຼວດກະຊວງປ້ອງກັນຄວາມສະຫງົບ ໄດ້ສົມທົບກັບເຈົ້າໜ້າທີ່ທີ່ກ່ຽວຂ້ອງ ມ້າງກຸ່ມແກ້ງສໍ້ໂກງຊັບພົນລະເມືອງທາງອິນເດີເນັດ ທີ່ພົວພັນກັບຊາວຕ່າງປະເທດ ທີ່ເຂົ້າມາໃນນາມນັກທ່ອງທ່ຽວຢູ່ ສປປ ລາວ ຢູ່ເຂດບ້ານໜອງປີງເມືອງຈັນທະບູລີ ນະຄອນຫຼວງວຽງຈັນ 2 ຈຸດ ແລະ ບ້ານໂພສີໃຕ້ ເມືອງໂພນໂຮງ ແຂວງວຽງຈັນ ສາມາກັກຕົວຜູ້ກະທຳຜິດ 42 ຄົນ ຍິງ 7 ຄົນ, ເປັນຄົນ ສປ ຈີນ ພ້ອມທັງອຸປະກອນຕ່າງໆທີ່ນຳໃຊ້ເຂົ້າໃນການກະທຳຜິດ, ໃນນັ້ນ ມີຄອມພິວເຕີໂນ໋ດບຸກ 29 ເຄື່ອງ, ຄອມພິວເຕີຕັ້ງໂຕະ 14 ເຄື່ອງ, ເງິນໂດລາ 5ພັນກວ່າໂດລາ ເງິນກີບ 26 ລ້ານກວ່າກີບ, ເງິນຢວນ 5 ພັນກວ່າຢວນ, ເງິນບາດ 5 ພັນກວ່າບາດ, ລົດໃຫຍ່ 1 ຄັນ ແລະ ລົດຈັກ 4 ຄັນ. ເຊິ່ງເປົ້າໝາຍຫຼັກຂອງພວກກ່ຽວ ທີ່ມາເຄື່ອນໄຫວກະທຳຜິດຢູ່ ສປປລາວ ໃນຄັ້ງນີ້ ແມ່ນເພື່ອເຈາະຫາຂໍ້ມູນເລັ່ງໃສ່ທະນະຄານ, ບັດເອທີເອັມ ແລະດ້ານການສື່ສານທາງໂທລະສັບຕ່າງໆ ໂດຍນຳໃຊ້ເຄື່ອງເອເລັກໂຕນິດເຂົ້າໃນການກໍ່ອາຊະຍາກຳທາງອິນເຕີເນັດ ຊຶ່ງສ້າງຜົນເສຍຫາຍຢ່າງຫຼວງຫຼາຍ ຢູ່ຫຼາຍປະເທດໃນອາຊຽນ. ສຳລັບວິທີການເຄື່ອນໄຫວຂອງພວກກ່ຽວແມ່ນເຂົ້າມາໃນນາມນັກທ່ອງທ່ຽວ ແລ້ວອາໄສເຮືອນເຊົ່າຂອງປະຊາຊົນ ເພື່ອເປັນບ່ອນລີ້ຊ່ອນໃນການກໍ່ອາຊະຍາກຳທາງອິນເຕີເນັດ

Off

Comments are closed.