11th Jul2016

ລມຕ ເນັ້ນໜັກກຳລັງກໍ່ສ້າງຮາກຖານ ປະຈຳຢູ່ ນ.ວ ເອົາໃຈໃສ່ປ້ອງກັນກອງປະຊຸມສຸດຍອດອາຊຽນ

by somchan

ພົນຕີ ສົມແກ້ວ ສີລາວົງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ ໄດ້ໂອ້ລົມບັນດາຄະນະຊີ້ນຳວຽກງານ ກໍ່ສ້າງຮາກຖານນະຄອນຫຼວງວຽງຈັນ, ປກສ ນະຄອນຫຼວງວຽງຈັນ, ປກສ ເມືອງ, ປກສກຸ່ມບ້ານ, ປກສ ບ້ານ ແລະ ກຳລັງກໍ່ສ້າງຮາກຖານປະຈຳຢູ່ 9 ຕົວເມືອງ ພາຍໃນນະຄອນຫຼວງວຽງຈັນ, ຢູ່ໃນກອງປະຊຸມສະຫຼຸບວຽກງານກໍ່ສ້າງຮາກຖານປະຈຳນະຄອນຫຼວງວຽງຈັນ 6 ເດືອນຕົ້ນປີ 2016 ທີ່ຈັດຂຶ້ນໃນວັນທີ 7 ກໍລະກົດ 2016ນີ້.

ເຊິ່ງທ່ານໄດ້ເນັ້ນໜັກຫຼາຍບັນຫາ, ໃນນັ້ນ, ໃຫ້ເອົາໃຈໃສ່ເປັນພິເສດ ໃນການກະກຽມຄວາມພ້ອມ ໃຫ້ແກ່ການຮັກສາຄວາມສະຫງົບ ຄວາມເປັນລະບຽບຮຽບຮ້ອຍທຸກດ້ານ ໃຫ້ຮັບປະກັນຄວາມສະຫງົບ 100%. ໃນໂອກາດທີ່ ສປປ ລາວ ໄດ້ເປັນເຈົ້າພາບ ຈັດກອງປະຊຸມສຸດຍອດອາຊຽນ ໃນທ້າຍປີ 2016 ໃນນີ້ ໂດຍສະເພາະແມ່ນ ຈະຕ້ອງສຸມໃສ່ໃນການປຸກລະດົມຂົນຂວາຍປະຊາຊົນ ໃຫ້ມີສ່ວນຮ່ວມໃນວຽກງານປ້ອງກັນຄວາມສະຫງົບ, ພ້ອມທັງ ປັບປຸງວຽກງານຂັ້ນຮາກຖານ ປກສ ກຸ່ມ ປກສ ບ້ານ ໃຫ້ມີຄວາມເຂັ້ມແຂງ, ປະຕິບັດໜ້າທີ່ຖືກຕາມຫຼັກການວິຊາສະເພາະຂອງຕົນ, ເປັນຕົ້ນແມ່ນວຽກງານກວດກາຄຸ້ມຄອງສຳມະໂນຄົວ, ຄຸ້ມຄອງອາຊີບພິເສດ, ພາຫະນະພິເສດ, ອາວຸດ-ທາດລະເບີດ, ວຽກງານປັບປຸງ ປກສກຸ່ມ ປກສ ບ້ານ , ວຽກງານຈັດສັນຄວາມເປັນລະບຽບຮຽບຮ້ອຍ, ຫຼຸດຜ່ອນອຸປະຕີເຫດຕາມທ້ອງຖະໜົນ ແລະ ແກ້ໄຂກຸ່ມແກ້ງກວນເມືອງ, ວຽກງານປ້ອງກັນ ແລະ ສະກັດກັ້ນອັກຄີໄພ, ວຽກງານປ້ອງກັນສະກັດກັ້ນຢາເສບຕິດ, ວຽກງານສະກັດກັ້ນ ແລະແກ້ໄຂ ອາຊະຍາກຳທາງອາຍາ ແລະ ວຽກງານຄຸ້ມຄອງ ແລະ ແກ້ໄຂຄົນຕ່າງປະເທດ.

Off

Comments are closed.