04th Aug2016

ກອງປະຊຸມລັດຖະມົນຕີເສດຖະກິດອາຊຽນ ຄັ້ງທີ 48

by somchan

ກອງປະຊຸມລັດຖະມົນຕີເສດຖະກິດອາຊຽນ ຄັ້ງທີ 48 ໄດ້ຈັດຂຶ້ນໃນວັນທີ 03 ສິງຫາ 2016 ທີ່ໂຮງແຮມດອນຈັນພຣາເລດ ນະຄອນຫຼວງວຽງຈັນ ໂດຍການເປັນກຽດເຂົ້າຮ່ວມ ຂອງທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ. ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ມີບັນດາລັດຖະມົນຕີຈາກປະເທດສະມາຊິກອາຊຽນ, ທຸຕານຸທູດ ແລະ ອົງການຈັດຕັ້ງສາກົນເຂົ້າຮ່ວມ.

DSC_4437(002)

ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ມີຄຳເຫັນກ່າວໃນກອງປະຊຸມ ເຊິ່ງທ່ານໄດ້ຍົກໃຫ້ເຫັນຜົນສຳເລັດໃນແຕ່ລະດ້ານ ຂອງການສ້າງປະຊາຄົມອາຊຽນໃນ 2015 ຜ່ານມາ ເຊິ່ງເປັນຈຸດເລີ່ມຕົ້ນຂອງການເຊື່ອມໂຍງເສດຖະກິດອາຊຽນ ທີ່ປະເທດສະມາຊິກອາຊຽນ ຍັງຈະໄດ້ສືບຕໍ່ກ້າວເດີນໄປຂ້າງໜ້າຢ່າງມີຍຸດທະສາດ, ໃນກອງປະຊຸມສຸດຍອດອາຊຽນ ຄັ້ງທີ 27 ຈັດຂຶ້ນໃນເດືອນພະຈິກ 2015 ຜ່ານມາ ທີ່ນະຄອນຫຼວງ ກົວລາລຳເປິ ປະເທດມາເລເຊຍ ຜູ້ນຳອາຊຽນໄດ້ຮັບຮອງເອົາແຜນງານປະຊາຄົມເສດຖະກິດອາຊຽນໃນໄລຍະ 10 ປີ ແຕ່ປີ 2016-2025 ຊື່ງໄດ້ກໍານົດເອົາ 5 ເປົ້າໝາຍຫຼັກຄື: ປະເທດສະມາຊິກອາຊຽນມີລະບົບເສດຖະກິດທີ່ເຊື່ອມໂຍງ ແລະ ຍັບເຂົ້າຫາກັນສູງຂຶ້ນ,​ ມີວັດຕະກຳ ແລະ ເຂັ້ມແຂງ, ສົ່ງເສີມການເຊື່ອມຈອດດ້ານເສດຖະກິດ ແລະ ການຮ່ວມມືຂອງຂະແໜງການ, ປະຊາຄົມເສດຖະກິດອາຊຽນ ມີຄວາມສາມາດປັບຕົວເດີນໄປພ້ອມກັນ ຂອງທຸກພາກສ່ວນ ແລະ ມີປະຊາຊົນເປັນຈຸດສູນກາງ; ພ້ອມນີ້, ປະຊາຄົນເສດຖະກິດອາຊຽນ ຍັງເປັນສ່ວນສຳຄັນ ແລະ ມີບົດບາດດີເດັ່ນ ໃນປະຊາຄົມໂລກ ເພື່ອບັນລຸເປົ້າໝາຍ, ກອງປະຊຸມລັດຖະມົນຕີເສດຖະກິດອາຊຽນຄັ້ງນີ້ ຈະໄດ້ພ້ອມກັນພິຈາລະນາປຶກສາຫາລືບັນດາກົນໄກ ແລະ ມາດຕະການຕ່າງໆທີ່ເໝາະກັບສະພາບຕົວຈິງ ເພື່ອຜັນຂະຫຍາຍເນື້ອໃນແຜນງານເລົ່ານີ້ ມາຈັດຕັ້ງປະຕິບັດຢ່າງມີຜົນສຳເລັດສູງ.

Off

Comments are closed.