06th Sep2016

ກອງປະຊຸມເຈົ້າໜ້າທີ່ອາວຸດໂສອາຊຽນ

by somchan

ໃນວັນທີ 5 ກັນຍາ 2016 ນີ້ ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ ທ່ານ ອາລຸນແກ້ວ ກິດຕິຄຸນ ລັດຖະມົນຕີ ປະຈຳສຳນັກງານນາຍົກລັດຖະມົນຕີ, ຫົວໜ້າເຈົ້າໜ້າທີ່ອາວຸໂສຂອງ ສປປລາວ ໄດ້ເປັນປະທານກອງປະຊຸມເຈົ້າໜ້າທີ່ ອາວຸໂສອາຊຽນ ໂດຍມີຫົວໜ້າເຈົ້າໜ້າທີ່ ອາວຸໂສຈາກປະເທດສະມາຊິກອາຊຽນ ຮັບຜິດຊອບເສົ້າຄ້ຳການເມືອງ -ຄວາມໝັ້ນຄວາມອາຊຽນ ພ້ອມດ້ວຍຄະນະຜູ້ແທນເຂົ້າຮ່ວມ.

ກອງປະຊຸມຄັ້ງນີ້ ໄດ້ປຶກສາຫາລືຄົ້ນຄວ້າເນື້ອໃນເອກະສານສຳຄັນຕ່າງໆ ເພື່ອກະກຽມໃຫ້ແກ່ກອງປະຊຸມສຸດຍອດຕ່າງໆ ແລະ ກິດຈະກຳອື່ນໆກ່ຽວຂ້ອງ ທີ່ຈະຈັດຂຶ້ນໃນວັນທີ 6-8 ກັນຍາ 2016ນີ້ ທີ່ນະຄອນຫຼວງວຍງຈັນ ເຊັ່ນ: ການກະກຽມໃຫ້ແກ່ການລົງນາມຮັບເອົາຊີເລ, ເອຍິບ ແລະ ມາຣົກ ເຂົ້າເປັນພາຄີຂອງສົນທິສັນຍາໄມຕີມິດ ແລະ ການຮ່ວມມືໃນ, ກອງປະຊຸມສະພາປະຊາຄົມການເມືອງ -ຄວາມໝັ້ນຄົງອາຊຽນ ຄັ້ງທີ 14, ກອງປະຊຸມປະສານງານອາຊຽນຄັ້ງທີ 18, ກອງປະຊຸມສຸດຍອດອາຊຽນ ຄັ້ງທີ 28 ແລະ 29; ການພົບປະລະຫວ່າງຜູ້ນຳອາຊຽນ ກັບຜູ້ຕາງໜ້າສະມັດຊາລັດຖະສະພາ ລະຫວ່າງຊາດອາຊຽນ, ຊາວໜຸ່ມອາຊຽນ ແລະ ສະພາທີ່ປຶກສາທຸລະກິດອາຊຽນ; ກອງປະຊຸມສຸດຍອດອາຊຽນ-ອົດສະຕາລີ ທຸກໆ 2 ປີ ຄັ້ງທີ 1, ກອງປະຊຸມສຸດຍອດ ອາຊຽນ-ຈີນ ຄັ້ງທີ 19, ເພື່ອສະເຫຼີມສະຫຼອງສາຍພົວພັນ ອາຊຽນ-ຈີນ ຄົບຮອບ 25 ປີ, ກອງປະຊຸມສຸດຍອດອາຊຽນ-ສະຫະລັດອາເມລິກາ ຄັ້ງທີ 4, ກອງປະຊຸມສຸດຍອດອາຊຽນ-ຍີ່ປຸ່ນ ຄັ້ງທີ 18, ກອງປະຊຸມສຸດຍອດອາຊຽນ-ສ ເກົາຫຼີຄັ້ງທີ 18, ກອງປະຊຸມສຸດຍອດອາຊຽນ-ອົງການສະຫະປະຊາຊາດ ຄັ້ງທີ 8, ກອງປະຊຸມສຸດຍອດອາຊຽນ-ອິນເດຍຄັ້ງທີ 14, ກອງປະຊຸມສຸດຍອດອາຊຽນບວກສາມຄັ້ງທີ 19 ແລະ ກອງປະຊຸມສຸດຍອດອາຊີຕາເວັນອອກຄັ້ງທີ 11.

Off

Comments are closed.