07th Sep2016

ລາວ-ຟີລິບປິນ ຮັດແໜ້ນການພົວພັນຮ່ວມມືຫຼາຍດ້ານ

by somchan

ໃນວັນທີ 6 ກັນຍາ 2016 ນີ້ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ຮ່ວພົບປະສອງຝ່າຍ ກັບທ່ານ ໂຣດຮິໂກ ດຸຍແຕກເຕ ປະທານາທິບໍດີ ແຫ່ງ ສ ຟີລີບປິນ. ໂດຍທ່ານນາຍົກລັດຖະມົນຕີ ໄດ້ສະແດງຄວາມຊົມເຊີຍ ແລະ ຕີລາຄາສູງ ຕໍ່ປະທານາທິບໍດີ ທີ່ໄດ້ໃຫ້ກຽດຢ້ຽມຢາມ ແລະ ເຮັດວຽກຢູ່ ສປປ ລາວ ພາຍຫຼັງທີ່ໄດ້ຮັບການເລືອກຕັ້ງເປັນປະທານາທິບໍດີ ຄົນໃຫມ່ ທີ 16 ແຫ່ງ ສ ຟີລິບປິນ.
ທ່ານ ນາຍົກລັດຖະມົນຕີ ໄດ້ສະແດງຄວາມເຫັນໃຈຕໍ່ເຫດການລະເບີດແຕກ ທີ່ເມືອງດາວອນ ໃນວັນທີ 2 ກັນຍາ 2016 ທີ່ຜ່ານມາ ເຊິ່ງເຮັດໃຫ້ພົນລະເມືອງເສຍຊີວິດ 14 ຄົນ ແລະ ບາດເຈັດ 67 ຄົນ ແຕ່ກໍຫ່ວງຢ່າງຍິ່ງວ່າລັດຖະບານ ແລະ ຄອບຄົວຂອງຜູ້ຖືກເຄາະຮ້າຍ ຈະຜ່ານຄວາມທຸກໂສກ ທີ່ເກີດຂຶ້ນຈາກການໂຈມຕີດັ່ງກ່າວ. ທ່ານ ນາຍົກລັດຖະມົນຕີ ທອງລຸນ ສີສຸລິດ ໄດ້ລາຄາສູງຕໍ່ສາຍພົວພັນມິດຕະພາບ ແລະ ການຮ່ມມືຖານປະເທດເພື່ອນມິດ ແລະ ຄອບຄົວອາຊຽນ ທີ່ເປັນມູນເຊື້ອອັນດີງາມ ລະຫວ່າງສອງປະເທດ ລາວ-ຟີລິບປິນ ໄດ້ຮັບການເສີມຂະຫຍາຍໃຫ້ດີຂຶ້ນຕາມລຳດັບ. ພ້ອມນີ້ ສອງປະເທດໄດ້ມີການສະໜັບສະໜູນຊ່ວຍເຫຼືອກັນ ໃນຂອບການຮ່ວມມືສອງຝ່າຍ ກໍຄືຫຼາຍຝ່າຍ.
ທ່ານ ນາຍົກລັດຖະມົນຕີ ໄດ້ສະເໜີໃຫ້ສອງຝ່າຍຊຸກຍູ້ການຮ່ວມມືໃນຂົງເຂດເສດຖະກິດ ການຄ້າ, ການລົງທຶນໃນຂົງເຂດອຸດສາຫະກຳ ຂະໜາດນ້ອຍ ແລະ ຂະໜາດກາງ (SME), ນັບທັງຂົງເຂດການສຶກສາໃຫ້ມີການຂະຫຍາຍຕົວເພີ່ມຂຶ້ນ, ພ້ອມນັ້ນ ກໍຊອກຫາຊ່ອງທາງເພື່ອເສີມຂະຫຍາຍການຮ່ວມມື ໃຫ້ກວ້າງຂວາງໄປສູ່ຂົງເຂດອື່ນໆ ທີ່ທັງສອງຝ່າຍມີທ່າແຮງ ແລະ ຍັງບໍ່ທັນມີການຮ່ວມມືນຳກັນ ເຊັ່ນ: ການສົ່ງເສີມການທ່ອງທ່ຽວ, ການແພດ, ການບໍລິການ ແລະ ອື່ນໆ ເພື່ອສືບຕໍ່ເສີມຂະຫຍາຍການຮ່ວມມື ແລະ ຮັດແໜ້ນສາຍຮ່ວມພັນຮ່ວມມືມິດຕະພາບ ລະຫວ່າງສອງປະເທດ ໃຫ້ກວ້າງຂວາງຂຶ້ນໄປເລື່ອຍໆ. ຊຸກຍູ້ໃຫ້ກະຊວງແຮງງານ ແລະ ສະຫວັດດີການສັງຄົມ ລາວ-ຟີລິບປິນ ມີການຝຶກອົບຮົມດ້ານສີມືແຮງງານ ຊຸກຍູ້ໃຫ້ພາກສ່ວນກ່ຽວຂ້ອງຂອງສອງຝ່າຍປະສານສົມທົບກັນ ເພື່ອຄົ້ນຄວ້າ ແລະ ກະກຽມຄວາມພ້ອມ ໃນການເປີດສາຍການປິນໂດຍກົງ ລະຫວ່າງ ນະຄອນຫຼວງວານິລາ ແລະ ນະຄອນຫຼວງວຽງຈັນ ເພື່ອອຳນວຍຄວາມສະດວກໃນການໄປມາຫາສູ່ກັນ ແລະ ການສົ່ງເສີມການຮ່ວມມືໃນດ້ານຕ່າງໆ ໂດຍສະເພາະ ດ້ານການທ່ອງທ່ຽວ. ນອກຈາກນີ້ ຍັງສະເໜີໃຫ້ສອງຝ່າຍ ລາວ-ຟີລິບປິນ ຄັ້ງປະຖົມມະລຶກ ໃຫ້ປະກົດຜົນເປັນຈິງ.

Off

Comments are closed.