18th Oct2016

ເຈົ້າໜ້າທີ່ ປກສ ແຂວງ ສົມທົບທະຫານແດນ ສະກັດກັ້ນເປົ້າໝາຍຄ້າຂາຍຢາເສບຕິດ

by somchan

ໃນວັນທີ 12 ຕຸລາ 2016 ເຈົ້າໜ້າທີ່ຕຳຫຼວດ ປະຈຳຈຸດຢູ່ບ້ານຕ້າງອໍ້ ເມືອງຕົ້ນເຜິ້ງ ແຂວງບໍ່ແກ້ວ ໄດ້ສົມທົບກັບທະຫານຊາຍແດນ ສະກັດກັ້ນເປົ້າໝາຍຄ້າຂາຍຢາເສບຕິດ ໄດ້ 2 ຄົນ ພ້ອມຂອງກາງສານທີ່ປະກອບໃນການຜະລິດຢາເສບຕິດ 20 ເປົາ ໜັກ 500 ກວ່າກິໂລກຣາມ ພ້ອມປືນ 3 ກະບອກ ແລະ ເຄື່ອງອື່ນອີກຈຳນວນໜຶ່ງ.

ຜູ້ຖືກຫາທັງ 2 ຄົນຄື: ທ້າວ ພົມມະລີ ອາຍຸ 51 ປີ ຢູ່ບ້ານໃຫມ່ພູຄາ ເມືອງຫ້ວຍຊາຍ ແລະ ທ້າວແກ້ວເງິນ ອາຍຸ 40ປີ ຢູ່ບ້າໃຫຍ່ຕົ້ນເຜິ້ງ ເມືອງຕົ້ນເຜິ້ງ ແຂວງບໍ່ແກ້ວ, ເຈົ້າໜ້າທີ່ຕຳຫຼວດ ປກສ ແຂວງບໍ່ແກ້ວ ໄດ້ເປີດເຜີຍວ່າ: ໃນວັນທີ 12 ຕຸລາ 2016 ໄດ້ຮັບລາຍງານວ່າ: ຈະມີການລັກລອບຂົນສົ່ງຢາເສບຕິດ ຜ່ານບ້ານຕ້າງອໍ້ ເມືອງຕົ້ນເຜິ້ງ ຈຶ່ງໄດ້ແຕ່ງຕັ້ງພະນັກງານລົງສົມທົບກັບທະຫານຊາຍແດນຕັ້ງດ່ານກວດເພື່ອແກ້ໄຂ ຮອດເວລາ 8:30 ໂມງ ໄດ້ເຫັນລົດເປົ້າໝາຍ ເຊິ່ງເປັນລົດກະບະວີໂກ້ ສີປອນ ໝາຍເລກທະບຽນ ກກ 0090 ບໍ່ແກ້ວ, ຈຶ່ງໄດ້ທຳການກວດລົດ ຜ່ານການກວດຄົ້ນ ຈຶ່ງໄດ້ເຫັນສານຜະລິດ ຢາເສບຕິດ ຈຳນວນ 20 ເປົາ ໜັກ 500 ກວ່າກິໂລກຣາມ ແລະ ປືນ AK:1 ກະບອກ ພ້ອມລູກປືນ 30 ລູກ, ປືນ K59: 1 ກະບອກ, ປືນສັ້ນດັດແປງ ຍິງລູດອັດ 1 ກະບອກ, ສາຍຄໍຄ້າຄືຄຳ 2 ເສັ້ນ, ແຫວນຄ້າຍຄືຄຳ 1 ວົງ, ເງິນ 519.000 ກີບ, ເງີນບາດ 8.930 ບາດ ແລະ ເຄື່ອງອື່ນໆອີກຈຳນວນໜຶ່ງ.

ຜ່ານການສືບສວນໃນເບື້ອງຕົ້ນຂອງເຈົ້າໜ້າທີ່ ພວກກ່ຽວຮັບສາລະພາບວ່າ: ສານຜະລິດຢາເສບຕິດຈຳນວນດັ່ງກ່າວ ແມ່ນຂອງພວກກ່ຽວແທ້ ເຊິ່ງໃນວັນທີ 11 ຕຸລາ 2016 ຜູ້ກ່ຽວໄດ້ຂີ່ລົດໄປຮັບເອົານຳທ້າວແກ້ວເງິນ ຢູ່ບ້ານໃຫຍ່ຕົ້ນເຜິ້ງ ເພື່ອຈະນຳໄປຕໍ່ຢູ່ເມືອງເມີງ ແຂວງບໍ່ແກ້ວ ພໍເດີນທາງມາຮອດເຂດບ້ານຕ້າງອໍ້ ເມືອງຕົ້ນເຜິ້ງ ເຈົ້າໜ້າທີ່ ປກສ ກວດຄົ້ນພົບເຫັນຂອງກາງ ຈຶ່ງໄດ້ຖືກກັກຕົວມາດຳເນີນຄະດີ.

 

Off

Comments are closed.