13th Jan2017

ເຈົ້າໜ້າທີ່ຕຳຫຼວດ ແຂວງສະຫວັນນະເຂດ ກັກຕົວພວກຂ້າຂາຍຢາເສບຕິດ 7 ຄົນ ພ້ອມຢາບ້າ 8.000 ເມັດ

by somchan

ໃນວັນທີ 9 ມັງກອນ 2017 ເຈົ້າໜ້າທີ່ຕຳຫຼວດສະກັດກັ້ນແລະຕ້ານຢາເສບຕິດ ແຂວງສະຫວັນນະເຂດ ໄດ້ແກ້ໄຂກຸມແກ້ງຄ້າຂາຍຢາເສບຕິດ ທີ່ພວມເຄື່ອນໄຫວຄ້າຂາຍຢາເສບຕິດ ຢູ່ເຂດບ້ານອຸ່ມໜາມຄອງ ເມືອງສອງຄອນ ແຂວງສະຫວັນນະເຂດ ສາມາດຍຶດຢາບ້າໄດ້ 3 ມັດ ເທົ່າກັບ 6.000 ເມັດ, ເງີນກີບ 500.000 ກີບ, ເງີນບາດ 142.500 ບາດ, ລົດກະບະຮຸນໄດ 1 ຄັນ ແລະ ລົດຈັກ 2 ຄັນ ພ້ອມທັງກັກຕົວຜູ້ກະທຳຜິດໄດ້ 6 ຄົນຄື ທ້າວພົມມາ ອາຍຸ 52 ປີ, ທ້າວທອງສາ ອາຍຸ 39ປີ, ນາງແຫຼ້ ອາຍຸ 35 ປີ ທ້າວກຸ້ງ ອາຍຸ 26 ປີ, ທ້າວຈຸ້ຍ ອາຍຸ 19 ປີ ທັງ 5 ຄົນເປັນປະຊາຊົນຢູ່ບ້ານ ໜອງຫວ້າ ເມືອງສອງຄອນ ແລະ ນາງໜູຮັກ ອາຍຸ 39 ປີ ປະຊາຊົນຢູ່ບ້ານສຸນັນທາ ເມືອງໄກສອນພົມວິຫານ.

ໄລຍະດຽວກັນເຈົ້າໜ້າທີ່ຕຳຫຼວດສະກັດກັ້ນແລະຕ້ານຢາເສບຕິດ ແຂວງສະຫວັນນະເຂດ ຍັງໄດ້ກັກຕົວ ຜູ້ຕ້ອງຫາລັກລອບຄ້າຂາຍຢາເສບຕິດ 1 ຄົນ ຄື ທ້າວຫຼຽວ ອາຍຸ 28 ປີ ປະຊາຊົນບ້ານຫີນກອງ ເມືອງສອງຄອນ ແຂວງສະຫວັນນະເຂດ ພ້ອມທັງຍຶດຢາບ້າໄດ້ 1 ມັດ ເທົ່າກັບ 2000 ເມັດ, ເງີນບາດ 150.000 ບາດ ແລະ ລົດກະບະຍີ່ຫໍ້ ມັດສະດາ 1 ຄັນ.

Off

Comments are closed.