18th Jan2017

ກະຊວງ ປກສ ປາຖະກະຖາ ວັນສ້າງຕັ້ງ ກອງທັບປະຊາຊົນລາວ ແລະ ກຳມະບານລາວ.

by somchan

ກະຊວງປ້ອງກັນຄວາມສະຫງົບ ຈັດຕັ້ງປາຖະກະຖາມູນເຊື້ອ ການກຳເນີດເຕີບໃຫ່ຍ ຂອງກອງທັບປະຊາຊົນລາວ ແລະ ອົງການຈັດຕັ້ງກຳມະບານລາວ ໃນວັນທີ່ 17 ມັງກອນ 2017 ນີ້ ໂດຍໃຫ້ກຽດປາຖະກາຖາ ໂດຍ ພົຕ ສີນທະວົງ ໄຊຍະກອນ ກຳມະການສູນກາງພັກ ຮອງລັດຖະມົນຕີກະຊວງ ປກສ ມີຄະນະພັກ-ຄະນະບັນຊາ, ກົມກອງ, ວິທະຍາຄານ ແລະ ບໍລິສັດອ້ອມຂ້າງກະຊວງ ປກສ ເຂົ້າຮ່ວມຮັບຟັງ.

ທ່ານຮອງ ລັດຖະມົນຕີກະຊວງ ປກສ ໄດ້ຍົກໃຫ້ເຫັນຜົນງານ ການເຄຶ່ອນໄຫວຂອງກຳລັງປະກອບອາວຸດ ທີ່ເຂັ້ມແຂງໃນການຕໍ່ສູ້ຕ້ານ ຈັກກະພັດລ່າເມືອງຂື້ນ ຂອງການປະຕິວັດ ພາຍໃຕ້ການນຳພາ ຂອງພັກປະຊາປະຕິ ວັດລາວ ເຊີ່ງກອງທັບປະຊາຊົນລາວ ໄດ້ຮັບການສ້າງຕັ້ງຂື້ນ ໃນວັນທີ່ 20 ມັງກອນ 1949 ຢູ່ເຂດລາວ ຮຸ່ງພຽງສາ ເມືອງຊຽງຄໍ້ ແຂວງຫົວພັນ ໂດຍແມ່ນ ປະທານ ໄກສອນ ພົມວິຫານ ເປັນຜູ້ປະກາດ ແລະ ບັນຊາໂດຍ ກົງ ຈາກນັ້ນ ກອງທັບປະຊາຊົນລາວ ໄດ້ເຕີບໃຫ່ຍເຂັ້ມແຂງ ສາມາດຍາດໄດ້ໄຊຊະນະ ທີ່ຍີ່ງໃຫ່ຍຢ່າງເນື່ອງນິດລຽນຕິດ ຈົນສາມາດປົດປ່ອຍປະເທດຊາດ ໄດ້ຢ່າງສົມບູນ ໃນວັນທີ່ 2 ທັນວາ 1975 ພ້ອມກັນນີ້ ກອງທັບປະຊາຊົນ ລາວ ຍັງໄດ້ປະກອບສ່ວນ ເຂົ້າໃນພາລະກິດປົກປັກຮັກສາ ແລະ ສ້າງສາພັດຖະນາປະເທດຊາດ ສາມາດສ້າງໄດ້ຜົນງານໃນຫຼາຍດ້ານ ອັນພົ້ນເດັ່ນແມ່ນ ສາມາດປ້ອງກັນ, ປົກປັກຮັກສາເຂດນ້ຳແດນດີນ, ອຳນາດອະທິປະໄຕ ແລະ ຜືນແຜ່ນ ດີນອັນຄົບຖ້ວນໄດ້ຢ່າງໝັ້ນຄົງ.

ໂອກາດດຽວກັນ ທ່ານຮອງ ລັດຖະມົນຕີກະຊວງ ປກສ ຍັງໄດ້ຍົກໃຫ້ເຫັນມູນເຊືອຜົນງານ ແລະ ຄວາມເຕີບໃຫ່ຍຂະຫຍາຍຕົວ ຂອງອົງການຈັດຕັ້ງ ກຳມະບານລາວ ການປົກປ້ອງສິດ ຜົນປະໂຫຍດ ຂອງຊາວຜູ້ອອກ ແຮງງານລາວ.

ການຈັດຕັ້ງ ປາຖະກະຖາມູນເຊື້ອ ຜົນງານຂອງ ກອງທັບປະຊາຊົນລາວ ແລະ ອົງການຈັດຕັ້ງ ກຳມະບານລາວ ໃນຄັ້ງນີ້  ເປັນການສ້າງຄວາມຮັບຮູ້ ເຂົ້າໃຈໃຫ້ ກຳລັງ ປກສ ຕໍ່ຄວາມໝາຍສຳຄັນ 2 ວັນສຳຄັນ ດັ່ງກ່າວ ເພືອ ສ້າງສະຕິ ໃຫ້ມີຄວາມເຂົ້າໃຈ ຮັກຊາດ ຮັກບ້ານເກີດເມືອງນອນ ເນື່ອງໃນໂອກາດ ກຽມຂ່ຳນັບຮັບຕ້ອນ ແລະ ສະເຫຼີມສະຫຼອງ ວັນສ້າງຕັ້ງ ກອງທັບປະຊາຊົນລາວ ວັນທີ່ 20ມັງກອນ ຄົບຮອບ 68 ປີ ແລະ ວັນສ້າງຕັ້ງ ອົງການຈັດຕັ້ງ ກຳມະບານ ວັນທີ່ 2 ກຸມພາ ຄົບຮອບ 61 ປີ.

Off

Comments are closed.