19th Jan2017

ລາວ-ຈີນ ປືກສາຫາລືວາງແຜນບູລິມະສິດ ຮ່ວມມືສະກັດກັ້ນ ແລະ ຕ້ານການຄ້າມະນຸດ ໄລຍະ 2017-2020 ຄັ້ງທີ່ໜື່ງ.

by somchan

ກອງເລຂາຄະນະ ກຳມະການຊີ້ນຳລະດັບຊາດ ຕ້ານການຄ້າມະນຸດ ສປປ ລາວ ແລະ ສປປ ຈີນ ໄດ້ຮ່ວມກັນປືກສາຫາລື ກ່ຽວກັບການວາງແຜນ ບູລິມະສິດ ໃນການຈັດຕັ້ງປະຕິບັດ ສັນຍາສອງຝ່າຍວ່າດ້ວຍ ການສະກັດກັ້ນ ແລະ ຕ້ານການຄ້າມະນຸດ ໄລຍະປີ2017-2020 ຄັ້ງທີ່ໜືງ.ໃນລະຫວ່າງວັນທີ່ 17-18 ມັງກອນ 2017 ນີ້ຢູ່ທີ່ໂຮງແຮມສັນຕິ ແຂວງຫຼວງພະບາງ ໂດຍການເປັນປະທານ ຂອງ ທ່ານ ພັອ ເພັງສະຫວັນ ທິບພະວົງໄຊ ຮອງຫົວໜ້າກົມໃຫ່ຍຕຳຫຼວດ ກະຊວງ ປກສ ທັງເປັນຫົວໜ້າ ກອງເລຂາຄະນະ ກຳມະ ການ ຊີ້ນຳລະດັບຊາດ ຕ້ານການຄ້າມະນຸດ ແລະ ທ່ານເຊິນຊີຈູ່ ຮອງຫົວໜ້າກົມຕຳຫຼວດ ສຶບສວນ-ສອບສວນ ກະຊວງສັນຕິບານຈີນ ພ້ອມທັງຄະນະ ຜູ້ແທນທັງສອງຝ່າຍເຂົ້າຮ່ວມ.

 ກອງປະຊຸມປືກສາຫາລື ກ່ຽວກັບການວາງແຜນ ບູລິມະສິດ ໃນການຈັດຕັ້ງປະຕິບັດສັນຍາ ວ່າດ້ວຍການສະກັດກັ້ນ ແລະ ຕ້ານການຄ້າມະນຸດ ລະຫວ່າງລາວ-ຈີນ ໃນຄັ້ງນີແມ່ນຄັ້ງທຳອິດ ຂອງການຈັດຕັ້ງປະຕິບັດ ແຜນການຮ່ວມມື ໄລຍະປີ 2017-2020 ເຊີ່ງຜູ້ແທນ ທັງສອງຝ່າຍ ໄດ້ຮັບຟັງການລາຍງານ ສະພາບການເຄືອນໄຫວ ຂອງເປົ້າໝາຍກະທຳຜິດໃນຂະບວນ ການຄ້າມະນຸດ ຢູ່ທັງສອງປະເທດ. ຂໍ້ສະດວກ ແລະ ຫຍຸ້ງຍາກ ໃນການຮ່ວມມື ສະກັດກັ້ນ ແລະ ຕ້ານການຄ້າມະນຸດ ໃນໄລຍະຜ່ານມາ ແລະ ໄດ້ແລກປ່ຽນ ຄວາມຄິດເຫັນຫຼາຍບັນຫາ ທີ່ສຳຄັນໃນນີ້ຜູ້ແທນທັງສອງຝ່າຍ ຕ່າງກໍ່ໃຫ້ທັດສະນະວ່າ ບັນຫາການຄ້າມະນຸດ ແມ່ນອາຊະຍາກຳ ຫຼື ປະກົດການຫຍໍ້ທໍ້ທີ່ເກີດຈາກພືດຕິກຳ ທີ່ຂັດຕໍ່ລະບຽບກົດໝາຍ ແຕະຕ້ອງເຖີງຄວາມສະຫງົບ, ປອດໄພ,ຄ ວາມເປັນລະບຽບ ຮຽບ ຮ້ອຍ ຂອງສັງຄົມ ແລະ ມີລັກຊະນະຂ້າມຊາດ ທັງເປັນບັນຫາ ທີ່ຈະຕ້ອງໄດ້ຮ່ວມມືກັນຢ່າງຈິງຈັງ ໃນການສະກັດກັ້ນ ຕ້ານເລ່ລ່ຽມການເຄື່ອນໄຫວ ຂອງຂະບວນການຄ້າມະນຸດ.

ຜູ້ແທນທັງສອງຝ່າຍ ຍັງໄດ້ຄົ້ນຄ້ວາປືກສາຫາລື ວາງແຜນ ການຮ່ວມມືໃນຕໍ່ໜ້າ ເພື່ອໃຫ້ສາມາດຊອກຮູ້ ເກັບກຳສະພາບການເຄືອນໄຫວ ຂອງພວກກະທຳຜິດ ມາດຳເນີນຄະດີ ຕາມລະບຽບກົດໝາຍ ພ້ອມທັງສາມາດຊ່ວຍເຫຼືອ ຜູ້ເຄາະຮ້າຍໄດ້ຢ່າງທັນການ ແລະ ການຮ່ວມມື ດ້ານອື່ນໆ ແນ່ໃສ່ເພື່ອຈັດຕັ້ງຜັນຂະຫຍາຍ ສັນຍາຮ່ວມມືທີ່ລັດຖະບານລາວ ແລະ ຈີນ ໄດ້ລົງນາມຮ່ວມກັນ ໃນປີ2020 ໃຫ້ປະກົດຜົນເປັນຈິງຂື້ນເລື້ອຍໆ.

 

Off

Comments are closed.