03rd Feb2017

ກົມໃຫຍ່ການເມືອງ ປກສ ສະຫຼຸບວຽກງານປະຈຳປີ 2016.

by somchan

ກົມໃຫຍ່ການເມືອງ ປ້ອງກັນຄວາມສະຫງົບ ໄດ້ຈັດກອງປະຊຸມສະຫຼຸບການເຄື່ອນໄຫວ ປະຕິບັດວຽກງານ ປະຈຳປີ 2016 ແລະ ທິດທາງແຜນການ ປີ 2017. ໃນວັນທີ 1 ກຸມພາ 2017 ນີ້, ໂດຍການເປັນປະທານຂອງ ພົຈວ ອາລູ ວາລີຊື ຄະນະພັກກະຊວງ ຫົວໜ້າກົມໃຫຍ່ການເມືອງ ປ້ອງກັນຄວາມສະຫງົບ, ໃຫ້ກຽດເຂົ້າຮ່ວມໂດຍ ພົຈວ ປອ ສົມຫວັງ ທຳມະສິດ ຄະນະປະຈຳພັກກະຊວງ ປະທານກວດກາພັກ ຮອງລັດຖະມົນຕີກະຊວງປ້ອງກັນຄວາມສະຫງົບ, ມີຄະນະພັກກົມໃຫຍ່ ແລະ ບັນດາກົມກອງອ້ອມຂ້າງກົມໃຫຍ່ການເມືອງປ້ອງກັນຄວາມສະຫງົບເຂົ້າຮ່ວມ.

ກອງປະຊຸມຄັ້ງນີ້, ໄດ້ສະຫຼຸບຕີລາຄາການຈັດຕັ້ງປະຕິບັດບັນດາວຽກງານຈຸດສຸມໃນປີຜ່ານມາເຊັ່ນ: ວຽກງານສຶກສາອົບຮົມການເມືອງແນວຄິດ, ວຽກງານກໍ່ສ້າງພັກ, ວຽກງານຈັດຕັ້ງ-ພະນັກງານ, ວຽກງານກໍ່ສ້າງກຳລັງ, ປ້ອງກັນກຳລັງ, ນະໂຍບາຍ, ວຽກງານເສນາທິການ-ພະລາທິການ ແລະ ວຽກງານພົວພັນຕ່າງປະເທດ; ເຊິ່ງຄະນະພັກ-ຄະນະບັນຊາທຸກຂັ້ນ ໄດ້ເອົາໃຈໃສ່ສຶກສາອົບຮົມການເມືອງແນວຄິດ, ຕິດພັນກັບການຄົ້ນຄວ້າເຊື່ອມຊຶມມະຕິກອງປະຊຸມໃຫຍ່ ຄັ້ງທີ 10 ຂອງພັກ, ກອງປະຊຸມໃຫຍ່ຄັ້ງທີ 4 ຂອງກະຊວງປ້ອງກັນຄວາມສະຫງົບ.

ພ້ອມກັນນີ້, ສື່ມວນຊົນປ້ອງກັນຄວາມສະຫງົບ ຍັງໄດ້ເປັນກະບອກສຽງໃນການເຜີຍແຜ່ແນວທາງນະໂນບາຍຂອງພັກ, ກົດໝາຍຂອງລັດ, ແນວທາງປ້ອງກັນຊາດ-ປ້ອງກັນຄວາມສະຫງົບ ແລະ ຜົນງານຂອງກຳລັງປ້ອງກັນຄວາມສະຫງົບ; ໄດ້ຄົ້ນຄວ້າບົ່ງຕົວແຕ່ງຕັ້ງຄະນະພັກຮາກຖານຂັ້ນຕ່າງໆ 20 ສະຫາຍ, ໄດ້ຄົ້ນຄວ້າປັບປຸງກົງຈັດການຈັດຕັ້ງ ຢູ່ກົມກອງອ້ອມຂ້າງກະຊວງ ແລະ ທ້ອງຖິ່ນ 6.304 ສະຫາຍ, ໄດ້ຄົ້ນຄວ້າສົ່ງພະນັກງານ-ນັກຮົບ ໄປຍົກລະດັບວິຊາສະເພາະຢູ່ພາຍໃນ ແລະ ຕ່າງປະເທດ 8.327ຄົນ. ນອກນີ້ ຍັງໄດ້ເອົາໃຈໃສ່ຕິດຕາມກວດກາ ພິສູດຫ່າງສຽງວິພາກວິຈານຂອງສັງຄົມ ແລະ ແກ້ໄຂປະກົດການຫຍໍ້ທໍ້ໃນກຳລັງປ້ອງກັນຄວາມສະຫງົບໄດ້ 14 ເລື່ອງ ແລະອື່ນໆ.

ພ້ອມນີ້, ກອງປະຊຸມຍັງໄດ້ວາງຈຸດສຸມໃນການປະຕິບັດວຽກງານດ້ານຕ່າງໆ ໃນປີ 2017 ເພື່ອໃຫ້ກົມກອງອ້ອມຂ້າງກົມໃຫຍ່ການເມືອງ ປກສ ພ້ອມກັນຈັດຕັ້ງປະຕິບັດໃຫ້ສຳເລັດຜົນ.

 

Off

Comments are closed.