21st Feb2017

ເຈົ້າໜ້າທີ່ຕຳຫຼວດ ແຂວງອຸດົມໄຊ ຈັບຜູ້ຄ້າຂາຍຢາເສບຕິດ ຂອງກາງຢາບ້າ 9000 ກ່ວາເມັດ

by somchan

ໃນວັນທີ່ 15 ກຸມພາ 2017  ນີ້ເຈົ້າໜ້າທີ່ຕຳຫຼວດ ແຂວງອຸດົມໄຊ ໄດ້ກັກຕົວ ທ້າວບຸນໄຊ ຢາງ ອາຍຸ 34 ປີ ປະຊາຊົນ ຢູ່ບ້ານໜອງແບງດາ ເມືອງໄຊ ແຂວງອຸດົມໄຊ ພ້ອມຢາບ້າ 9.200 ເມັດ ເພື່ອດຳເນີນຄະດີ ຕາມລະບຽບກົດໝາຍ.

ຕາມການລາຍງານ ຂອງເຈົ້າໜ້າທີ່ຕຳຫຼວດ ແຂວງອຸດົມໄຊ ໃຫ້ຮູ້ວ່າ ໃນວັນທີ່ 15 ກຸມພານີ້ ເຈົ້າໜ້າທີ່ຕຳຫຼວດ ໄດ້ກວດຄົ້ນລົດກະບະວີໂກ ໝາຍເລກທະບຽນ ກສ 5284 ກຳແພງນະຄອນ ຢູ່ເສັ້ນເລກທີ່ 13 ເໜືອ ໄລຍະທາງລະຫວ່າງເທດສະບານ ແຂວງອຸດົມໄຊ ຫາ ຫຼວງພະບາງ ເຂດບ້ານຫ້ວຍກຸມ ເມືອງໄຊ ແຂວງອຸດົມໄຊ; ຜ່ານການກວດຄົ້ນ ໄດ້ພົບເຫັນຢາບ້າ 9.200 ເມັດ ຊຸກເຊື່ອງ ຢູ່ໃນລົດດັງນັ້ນ ເຈົ້າໜ້າທີ່ ຕຳຫຼວດ ຈືງໄດ້ກັກຕົວ ທ້າວບຸນໄຊຢາງ ຜູ້ຂັບຂີ່ລົດ ພ້ອມທັງຍຶດລົດ ແລະ ຢາບ້າ ຈຳນວນດັງກ່າວ ເພື່ອດຳເນີນຄະດີ ຕາມລະບຽບກົດໝາຍ.

Off

Comments are closed.