28th Feb2017

ກະຊວງ ປກສ ຫາລືຄວາມພ້ອມ ການເປັນ ເຈົ້າພາບ ຈັດກອງປະຊຸມ ເຈົ້າໜ້າທີ່ອາວຸໂສ ອາຊຽນ ວ່າດ້ວຍ ອາຊະຍາກຳ ຂ້າມຊາດ ຄັ້ງທີ່ 17

by somchan

ວັນ​ທີ 24 ກຸມພາ ນີ້ ກະຊວງ​ປ້ອງ​ກັນ​ຄວາມ​ສະຫງົບ ​ໄດ້​ຈັດ​ກອງ​ປະຊຸມ​ ປຶກສາ​ຫາລື ການ​ກະກຽມ ຄວາມ​ພ້ອມ ​ໃຫ້​ແກ່​ການ​ປ້ອງ​ກັນ​ກອງ​ປະຊຸມ ​ເຈົ້າ​ໜ້າ​ທີ່​ ອາວຸ​ໂສ​ອາ​ຊຽນ ອາ​ຊະ​ຍາກຳ​ຂ້າມ​ຊາດ ຄັ້ງ​ທີ 17 ທີ່​ຈະ​ຈັດ​ຂື້ນ​ ໃນ​ມໍ່ໆ​ນີ້ ​ໂດຍ​ການ​ເຂົ້າ​ຮ່ວມ​ຂອງ ພົຕ ສິນ​ທະ​ວົງ ​ໄຊ​ຍະ​ກອນ ຮອງ​ລັດຖະມົນຕີ​ກະຊວງ ປກສ ພ້ອມ​ດ້ວຍ​ບັນດາ​ອາ​ນຸກຳມະການ​ຕ່າງໆ​ເຂົ້າ​ຮ່ວມ.

ພັອ ອານຸ​ເດດ ຄູນ​ຄຳ ຮອງຫົວໜ້າ​ຫ້ອງ​ວ່າການ ກະຊວງ ປກສ ​ໄດ້​ຕາງໜ້າ​ບັນດາ​ອາ​ນຸກຳມະການ​ຕ່າງໆ​ຂອງ ກະຊວງ​ປ້ອງ​ກັນ​ຄວາມ​ສະຫງົບ ທີ່​ໄດ້​ຮັບ​ການ​ແຕ່ງ​ຕັ້ງ​ມອບ​ໝາຍ ​ເພື່ອ​ກະກຽມ​ຄວາມ​ພ້ອມ​ໃຫ້​ແກ່​ການ​ເປັນ​ເຈົ້າພາບ​ຈັດ​ກອງ​ປະຊຸມ ​ເຈົ້າ​ໜ້າ​ທີ່​ອາວຸ​ໂສ​ອາ​ຊຽນ ວ່າ​ດ້ວຍ​ອາ​ຊະ​ຍາ​ກຳ​ຂ້າມ​ຊາດ ຄັ້ງ​ທີ 17 ທີ່​ຈະ​ຈັດ​ຂື້ນ​ໃນ​ໄລຍະ​ເດືອນ ພຶດສະພາ 2017 ນີ້ ລາຍ​ງານ​ຄວາມ​ຄືບ​ໜ້າ​ຂອງ​ແຕ່ລະ​ໜ້າ​ວຽກ​ເຊັ່ນ: ອາ​ນຸກຳມະການ​ປ້ອງ​ກັນ ​ໄດ້​ສຳ​ເລັດ​ການ​ຮ່າງ ​ແຜນການ ບັນຈຸ​ກຳລັງ​ໃນ​ຂົງ​ເຂດ​ຄວາມ​ຮັບຜິດຊອບ ​ເພື່ອ​ຮັບປະກັນ​ເຮັດ​ໃຫ້​ກອງ​ປະຊຸມ​ມີ​ຄວາມ​ສະຫງົບ ປອດ​ໄພ​ຮອບດ້ານ.​ນອກ​ນີ້​ອາ​ນຸກຳມະການ​ເນື້ອ​ໃນ, ພິທີການ,​ເສດຖະກິດ ​ແລະ ຂະ​ບວນການ ກໍ່​ໄດ້​ມີ​ການ​ປະສານ​ສົມທົບ ການ​ກະກຽ​​ມ ​ແຕ່ລະ​ໜ້າ​ວຽກ​ຕາມ​ຄວາມ​ຮັບຜິດຊອບ ສຳ​ເລັດ​ໂດຍ​ພື້ນຖານ.ນອກ​ນີ້​ໃນ​ກອງ​ປະຊຸມ ​ແຕ່ລະ​ອາ​ນຸກຳມະການ ກໍ່​ໄດ້​ມີ​ການ​ປະກອບ​ຄຳ​ຄິດ​ຄຳເຫັນ​ໃສ່​ແຕ່ລະ​ໜ້າ​ວຽກ​ກໍ່ຄື ​ແຜນການ​ວຽກ​ງານ​ແຕ່ລະ​ຂົງ​ເຂດ ​ເພື່ອ​ເຮັດ​ໃຫ້ ​ແຜນການ​ໃນ​ການ​ກະກຽມ​ປ້ອງ​ກັນ​ກອງ​ປະຊຸມ​ດັ່ງກ່າວ ມີ​ຄວາມພ້ອມຮັບປະກັນຄວາມ​ສະຫງົບ​ປອດ​ໄພ.

​ໃນ​​ໂອກາດ​ນີ້ ພົຕ ສິນ​ທະ​ວົງ ​ໄຊ​ຍະ​ກອນ ຮອງ​ລັດ​ຖະມົນຕີ​ກະຊວງ ປກສ ຍັງ​ໄດ້​ເນັ້ນ​ໜັກ​ໃຫ້​ແຕ່​ລະອາ​ນຸກຳມະການ ​ເພີ່ມ​ຄວາມ​ຮັບຜິດຊອບ ​ໃນ​ການ​ກະກຽມ​ຄວາມ​ພ້ອມ ​ແຕ່​ລະ​ດ້ານ​ໃຫ້​ສຳ​ເລັດ​ຕາມ​ກຳນົດ

Off

Comments are closed.