13th Mar2017

ເກີດເຫດໄຟໄໝ້ເຮືອນປະຊາຊົນ 5 ຫຼັງ ຢູ່ເຂດບ້ານຍາພະ

by somchan

ເຈົ້າໜ້າທີ່ຕຳຫຼວດສະກັດກັ້ນ ແລະ ຕ້ານອັກຄີໄພ ກອງບັນຊາການ ປກສ ນະຄອນຫຼວງວຽງຈັນ ໄດ້ລາຍງານໃຫ້ຮູ້ວ່າ ໃນວັນທີ 11 ມີນາ 2017 ນີ້ ໄດ້ເຫດເກີດໄຟໄໝ້ເຮືອນປະຊາຊົນ ຢູ່ບ້ານຍາພະ ເມືອງສີສັດຕະນາກ ນະຄອນຫຼວງວຽງຈັນ ຜົນເສຍຫາຍມີເຮືອນຖືກໄຟໄໝ້ 5 ຫຼັງ ໃນນີ້ໄຟໄໝ້ໝົດຫຼັງມີ 3 ຫຼັງ;  ສ່ວນອີກ 2 ຫຼັງແມ່ນຖືກໄຟລວກ ເສຍຫາຍເລັກນ້ອຍ ແລະ ສາມາດສອມແປງຄືນໄດ້.ລວມມູນຄ່າ 600 ກ່ວາລ້ານກີບ

ເຈົ້າໜ້າທີ່ ຍັງໄດ້ໃຫ້ຮູ້ອີກວ່າຕົ້ນເພີງຂອງເຫດການໄຟໄໝ້ຄັ້ງນີ ແມ່ນເລີມຈາກເຮືອນ ຂອງທ້າວທອງພັນ ອາຍຸ 61 ປີ ແຕ່ເນື່ອງຈາກສະພາບອາກາດຮ້ອນອົບເອົ້າ ຈື່ງເຮັດໃຫ້ໄຟລຸກລາມໃສ່ເຮືອນ ທີ່ຢູ່ອ້ອມຂ້າງອີກ 4 ຫຼັງ ຢ່າງ ໄວວາ;ເຈົ້າໜ້າທີ່ ໄດ້ໃຊ້ລົດມອດໄຟ ແລະ ໃຊ້ເວລາ 3 ຊົ່ວໂມງ ຈື່ງສາມາດຄວມຄຸມໄຟໄວ້ໄດ້; ສ່ວນສາເຫດ ແມ່ນຍັງຢູ່ໃນຂັ້ນຕອນສືບສວນ – ສອບສວນ ຂອງເຈົ້າໜ້າທີ່.

Off

Comments are closed.