21st Mar2017

ເຈົ້າໜ້າທີ່ຕຳຫຼວດ ເມືອງວຽງພູຄາ ສາມາດ ຍຶດໄມ້ຜິດກົດໝາຍໄດ້ຫຼາຍແມັດກ້ອນ

by somchan

​ເຈົ້າ​ໜ້າ​ທີ່​ຕຳຫຼວດ ​ເມືອງ​ວຽງ​ພູ​ຄາ ​ແຂວງ​ຫຼວງ​ນ້ຳ​ທາ ​ໄດ້​ລາຍ​ງານ​ໃຫ້​ຮູ້​ວ່າ ​ໃນ​ວັນ​ທີ 13 ມີນາ 2017 ນີ້ ​ເຈົ້າ​ໜ້າ​ທີ່​ຕຳຫຼວດ ​ເມືອງ​ວຽງ​ພູ​ຄາ ​ໄດ້​ສົມທົບ​ກັບ​ກອງ​ກວດກາ​ປ່າ​ໄມ້​ເມືອງ ​ແລະ ປກສ ກຸ່ມ​ບ້ານ​ນ້ຳ​ແພ ລົງ​ກວດກາ ​ແລະ ທຳ​ການ​ອາ​ຍັດ​ໄມ້ ຢູ່​ເຮືອນ​ຂອງ​ ທ້າວ​ຕານ ອາຍຸ 37 ປີ ປະຊາຊົນ ບ້ານ​ນ້ຳ​ຈິ ​ເມືອງ​ວຽງ​ພູ​ຄາ ​ແຂວງ​ຫຼວງ​ນ້ຳ​ທາ ​ໄມ້​ທີ່​ອັດ​ຍັດ​ໃນ​ຄັ້ງ​ນີ້ ​ແມ່ນ​ໄມ້​ດູ່​ຈຳນວນ 7 ​ແມັດ​ກ້ອນ ທີ່​ມີ​ການ​ຄຸ້ມ​ຄອງ ​ໂດຍ​ບໍ່​ໄດ້​ຖືກຕ້ອງ​ຕາມ​​ກົດໝາຍ.

ພັຕ ທອງ​ຫອມ ທັນ​ອໍລະ​ພິມ ຫົວໜ້າ​ພະ​ແນ​ກຕຳຫຼວດ ກອງ​ບັນຊາ​ການ ປກສ ​ເມືອງ​ວຽງ​ພູ​ຄາ ຍັງ​ໄດ້​ໃຫ້​ຮູ້​ອີກ​ວ່າ ຜ່ານ​ມາ​ເຈົ້າ​ໜ້າ​ທີ່​ຕຳຫຼວດ ​ເມືອງ​ວຽງ​ພູ​ຄາ ຍັງ​ໄດ້​ສົມທົບ​ກັບ​ພາກສ່ວນ​ທີ່​ກ່ຽວຂ້ອງ ລົງ​ເຄື່ອນ​ໄຫວ​ກວດກາ-​ສະກັດ​ກັ້ນ ​ແລະ ​ແກ້​ໄຂ​ບັນຫາ​ການ​ລັກລອບ​ຂຸດ​ຄົ້ນ​ໄມ້ ການ​ເຄື່ອນຍ້າຍ​ໄມ້ ​ແລະ ການ​ຄຸ້ມ​ຄອງ​ໄມ້​ທີ່​ບໍ່​ຖືກຕ້ອງ​ຕາມ​ກົດໝາຍ ​ໂດຍ​ອີງ​ໃສ່​ຄຳ​ສັ່ງ ​ເລກທີ 15 ຂອງ​ນາຍ​ຍົກ​ລັດຖະມົນຕີ ສາມາດ​ຍຶດ​ໄມ້ ​ໄດ້​ທັງ​ໝົດ 16.161 ​ແມັດ​ກ້ອນ ພ້ອມ​ທັງ​ກັກ​ຕົວ​ຜູ້​ກະທຳ​ຜິດ ​ໃນ​ຂະ​ບວນການ​ຄ້າ​ໄມ້​ຜິດ​ກົດໝາຍ​ໄດ້ 2 ຄົນ.

Off

Comments are closed.