21st Mar2017

ເມືອງໃຫ່ມຈູດທຳລາຍອາວຸດລ່າເນື້ອ, ຢາເສບຕິດ ແລະ ເງີນປອມ

by somchan

​ໃນ​ວັນ​ທີ 13 ມີນາ 2017 ນີ້ ກອງ​ບັນຊາ​ການ ປກສ ​ເມືອງ​ໃຫ່ມ ​ແຂວງ​ຜົ້ງ​ສາລີ ​ໄດ້​ມີ​ການ​ຈູດ​ທຳລາຍ​ອາວຸດ​ລ່າ​ເນື້ອ ​ແລະ ຢາ​ເສບ​ຕິດ ​ໃນ​ນັ້ນ​ມີ​ອາວຸດ ປະ​ເພດ​ປືນ​ແກັບ 1.105 ກະບອກ, ຢາ​ບ້າ 2.933 ​ເມັດ, ​ເງີ​ນປອມ 50 ລ້ານ​ກວ່າ​ກີບ ​ແລະ ວັດຖຸ​​ຜິດ​ກົດໝາຍ​ອື່ນໆ ທີ່​ເຈົ້າ​ໜ້າ​ທີ່​ຕຳຫຼວດ​ສາມາດ​ຍຶດ​ໄດ້​ຈາກ​ການ​ກວດກາ ​ແລະ ມ້າງ​ລາຍຄະດີ​ໃນ 1 ປີ ຜ່ານ​ມາ ​ໂດຍ​ການ​ເຂົ້າ​ຮ່ວມ​ຂອງ ພັອ ຄຳ​ເພັງ ​ເຈັນ​ຄຳ​ເຫຼັກ ຫົວໜ້າ​ກອງ​ບັນຊາ​ການ ປກສ ​ແຂວງ​ຜົ້ງ​ສາລີ ​ແລະ ທ່ານ ​ແສນ​ທ​ອງ ​ແກ້ວ​ນາລີ ​ເຈົ້າ​ເມືອງ ​ເມືອງ​ໃຫ່ມ ພ້ອມ​ດ້ວຍ​ການ​ນຳ​ຂັ້ນ​ເມືອງ ​ແລະ ຄະ​ນະ​ບັນຊາ​ກຳລັງ​ປ້ອງ​ກັນ​ຄວາມ​ສະຫງົບ ​ເມືອງ​ໃຫ່ມ ​ເຂົ້າ​ຮ່ວມ.

ພັທ ບຸນ​ລຽນ ​ແສນ​ວົງ ຫົວໜ້າ​ກອງ​ບັນຊາ​ການ ປກສ ​ເມືອງ​ໃຫ່ມ ​ໄດ້​ກ່າວ​ວ່າ ອາວຸດ​ລ່າ​ເນື້ອ​ປະ​ເພດ​ປືນ​ແກັບ 1.105 ກະບອກ, ຢາ​ບ້າ 2.933 ​ເມັດ, ​ເງີ​ນປອມ 50 ລ້ານ​ກວ່າ​ກີບ ​ແລະ ວັດຖຸ​ຜິດ​ກົດໝາຍ​ອື່ນໆ ທີ່​ເຈົ້າ​ໜ້າ​ທີ່​ຕຳ​ຫຼວດ​ໄດ້​ເກັບ​ກູ້ ​ແລະ ຍຶດ​ໄດ້​ຈາກ​ການ​ປະຕິບັດ​ໜ້າ​ທີ່ ​ໃນ 1 ປີຜ່ານມາ ທີ່ນຳ​ມາ​ຈູດ​ທຳລາຍ​ໃນ​ຄັ້ງ​ນີ້ ນອກຈາກ​ຈະ​ເປັນ​ສິ່ງ​ທີ່ຜິດ​ກົດໝາຍ​ແລ້ວ ຍັງ​ເປັນ​ສິ່ງ​ທີ່​ເປັນ​ໄພ​ອັນຕະລາຍ ​ແລະ ກໍ່​ໃຫ້​ເກີດ​ປະກົດ​ການ​ຫຍໍ້​ທໍ້​ຕ່າງໆ ທີ່​ສົ່ງ​ຜົນ​ກະທົບຕໍ່​ຄວາມ​ສະຫງົບ​ສຸກ ​ແລະ ຄວາມ​ເປັນ​ລະບຽບ​ຮຽບຮ້ອຍ​ໃນ​ສັງຄົມ.

Off

Comments are closed.