29th Mar2017

ປຶກສາ​ຫາລື​ກ່ຽວ​ກັບ ການ​ປະຕິບັດ​ກົດໝາຍ ຕໍ່​ພົນລະ​ເມືອງ ລາວ ​ແລະ ຈີນ

by somchan

​ໃນ​ວັນ​ທີ 28 ມີນາ 2017 ນີ້ ພົຕ ສົມ​ແກ້ວ ສີ​ລາ​ວົງ ລັດຖະມົນຕີ​ກະຊວງ ປ້ອງ​ກັນ​ຄວາມ​ສະຫງົບ ລາວ ​ໄດ້​ຕ້ອນຮັບ​ການ​ເຂົ້າ​ຢ້ຽມ​ຂໍ່ານັບ​ຂອງ ທ່ານ ພູ​ເສິງ​ເວ ຮອງ​ເຈົ້າ​ແຂວງ ຫົວໜ້າ​ກອງ​ບັນຊາ​ການ​ປ້ອງ​ກັນ​ຄວາມ​ສະຫງົບ ​ແຂວງ ຊານ​ຊີ ສ ປ ຈີນ ພ້ອມ​ຄະນະ ​ໃນ​ໂອກາດ​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່ ສປປ ລາວ ລະຫວ່າງ ວັນ​ທີ 27-29 ມີນາ 2017 ​ໃນ​ໂອກາດ​ນີ້ ທັງ​ສອງ​ຝ່າຍ ​ໄດ້​ມີ​ການ​ປຶກສາ​ຫາລື, ​ແລກປ່ຽນ​ບົດຮຽນ ກ່ຽວ​ກັບ​ການ​ຮ່ວມ​ມື, ການ​ປະສານ​ສົມທົບ ​ແລກປ່ຽນຂໍ້​ມູນ​ຂ່າວສານ ​ໃນ​ການ​ດຳ​ເນີນ​ການ​ກວດກາ​ບັນດາ​ວິ​ສາ​ຫະກິດ ຫຼື ຫົວໜ່ວຍ​ທຸລະ​ກິດ​ຕ່າງໆ ທີ່​ກ່ຽວຂ້ອງ​ກັບ​ພົນລະ​ເມືອງ ທັງ​ສອງ​ປະ​ເທດ, ການ​ປະຕິບັດ​ຕໍ່​ພົນລະ​ເມືອງ​ທີ່​ກະທຳ​ຜິດ​ກົດໝາຍ,ການ​ສະກັດ​ກັ້ນ ​ແລະ ​ແກ້​ໄຂ​ອາ​ຊະ​ຍາ​ກຳ​ຕາມ​ຊາຍ​ແດນ ​ແລະ ອືນໆ.

​      ເຊີງ​ໃນ​ນີ້​ທ່ານ​ຕູ​ເສິງ​ເວ​ຫົວໜ້າກອງ​ບັນຊາ​ການ​ປ້ອງ​ກັນ​ຄວາມ​ສະຫງົບ​ແຂວງ​ຊານ​ຊີ​ໄດ້​ສະ​ເໜີ​ໃຫ້​ກະຊວງ ປກສ ລາວ​ເອົາ​ໃຈ​ໃສ​ຊີ້​ນຳ​ກອງ​ບັນຊາ​ການ ປກສ​ແຂວງ​ລາວ​ທີ່​ມີ​ຊາຍ​ແດນ​ຕິດ​ກັບ​ແຂວງ​ຊານ​ຊີ​ໃນ​ການ​ດຳ​ເນີນ​ການ​ກວດກາ​ບັນດາ​ວິ​ສະຫະ​ກິດ​ກໍ່​ຄື​ບັນດາ​ຫົວໜ່ວຍທຸລະ​ກິດ​ການ​ຄ້າຂາຍ​ແລະ​ອື່ນໆຂອງ​ນັກທຸລະ​ກິດ​ຈີນ​ເຂົ້າ​ມາ​ລົງ​ທືນຢູ່​ລາວ​ແລະ ມີ​ຄວາມ​ຊຽງຕໍ່​ການ​ອາ​ຊະ​ຍາ​ກຳ,ພ້ອມ​ທັງ​ໄດ້​ສະ​ເໜີກ່ຽວກັບ​ການ​ເພີ​ມທະວີ​ການ​ຮ່ວມ​ມື​ສະກັດ​ກັ້ນ​ແກ້​ໄຂ​ບັນຫາ​ອາ​ສະ​     ຍາ​ກຳ​ຕາມ​ຊາຍ​ແດນ​ເຊັ້ນ:ຢາ​ເສບ​ຕິດ,ຄ້າຂາຍ​ເຖື່ອນ,ການ​ເມືອງ​ຜິດ​ກົດໝາຍ​ ​ແລະ ອືນໆ

ພົຕ ສົມ​ແກ້ວ​ສີ​ລາ​ວົງ ລັດຖະມົນຕີ​ກະຊວງ ປກສ ​ໄດ້​ສະ​ແດງ​ຄວາມ​ຊົມ​ເຊີຍ​ຕໍ່​ທ່ານ​ຫົວໜ້າກອງ​ບັນຊາ​ການ​ປ້ອງ​ກັນ​ຄວາມ​ສະຫງົບ​ແຂວງ​ຊານ​ຊີ​ພ້ອມ​ຄະນະ​ທີ​ໄດ້​ນຳ​ເອົາ​ບັນຫາ​ສຳຄັນ​ຕ່າງໆ​ເຂົ້າ​ຮ່ວມ​ປືກສາ​ຫາລື​ໃນ​ຄັ້ງ​ນີ້​ພ້ອມ​ທັງ​ຢືນ​ຢ້ນວ່າ​ຈະ​ໃຫ້​ຄວາມ​ຮ່ວມ​ມື ​ແລະ ດຳ​ເນີນ​ການ​ຕ່າງໆທີ່​ໄດ້​ປືກສາ​ຫາລື​ມີ​ການສະ​ເໜີຢ່າງ​ເຂ້​ມງວດ ​ແລະ ຖື​ກຕ້ອງ​ທີ່​ສຸດ​ເພື່ອ​ຮັບປະກັນ​ໃນ​ການ​ປົກ​ປ້ອງ​ສິດຜົນປະ​ໂຫຍ​ດ ​ແລະ​ຄຸມ​ຄອງ​ຄວາມ​ປອດ​ໄພ​ໃຫ້​ແກ່​ພົນລະ​ເມືອງ​ທັງ​ສອງ​ປະ​ເທດ.

 

Off

Comments are closed.