29th Mar2017

ເຈົ້າໜ້າທີ່ ຕຳຫຼວດ ຈັບພວກ ຄ້າຂາຍຢາເສບຕິດ 2 ຄົນ ພ້ອມ ຢາບ້າ 6000 ກ່ວາເມັດ ແລະ ເງີນໂດລາປອມ 5 ໝື່ນກ່ວາໂດລາ.

by somchan

ໃນວັນທີ່ 26 ມີນາ 2017 ນີ້ ເຈົ້າໜ້າທີ່ຕຳຫຼວດ ພະແນກສະກັດກັ້ນ ປກສ ແຂວງ ບໍ່ແກ້ວ ໄດ້ສົມທົບກັບກຳລັງ ກໍ່ສ້າງຮາກຖານ 912 ມ້າງຄະດີ ຢາເສບຕິດ ຢູ່ເຂດ ບ້ານມອມ ເມືອງຕົ້ນເຜີງ ແຂວງບໍ່ແກ້ວ ໃນຄະນະທີ່ຜູ້ກະທຳ ຜິດກຳລັງລົງມືການຊື – ຂາຍຢາເສບຕິດ ສາມາດຍືດ ຢາບ້າໄດ້ 6,926 ເມັດ ພ້ອມທັງ ຈັບຜູ້ກະທຳຜິດໄດ້ 2 ຄົນຄື : ທ້າວພັນ ອາຍຸ 46 ປີ ແລະ ນາງ ອຸ່ນແກ້ວ ອາຍຸ 55 ປີ ທັງສອງ ເປັນປະຊາຊົນ ຢູ່ບ້ານມອມ ເມືອງຕົ້ນເຜີງ ແຂວງ ບໍ່ແກ້ວ; ຈາກນັ້ນ ເຈົ້າໜ້າທີ່ຕຳຫຼວດ ຍັງໄດ້ນຳກຳລັງເຂົ້າ ກວດຄົ້ນເຮືອນ ຂອງ ນາງ ອຸນແກ້ວ ສາມາດ ກວດພົບເຫັນ ແລະຍືດເງີນ ໂດລາປອມ ໄດ້ 50.400 ໂດລາ ພ້ອມດ້ວຍເງີນບາດ 110.000 ບາດ, ປີນ 1 ກະບອກ, ລູກປີນ 39 ລູກ ແລະ ແປ້ງສຳລັບນຳໃຊ້ເຂົ້າ ໃນການພະລິດ ຢາເສບຕິດ 32 ກິໂລກະລາມ.

ປະຈຸບັນ ເຈົ້າໜ້າທີ່ ຕຳຫຼວດ ພວມດຳເນີນຄະດີ ກັບພວກກ່ຽວຕາມກົດໝາຍ.

Off

Comments are closed.