28th Apr2017

ເປີດນຳໃຊ້ໂຮງແຮມ ຄຣາວພລາຊາ ວຽງຈັນ ຢ່າງເປັນທາງການ

by somchan

ໂຮງ​ແຮມ ຄຣາວພລາຊາ ວຽງ​ຈັນ ​ເຊິ່ງ​ເປັນ​ວິ​ສາ​ຫະກິດ​ຮ່ວມ​ທຸລະ​ກິດ ລະຫວ່າງ ບໍລິສັດ ລົງ​ທືນພັດທະນາ​ການ​ຜະລິດ ຮ່າ​ລອງ ຈຳກັດ ​ແລະ ກະຊວງ​ປ້ອງ​ກັນ​ຄວາມ​ສະຫງົບ ​ໄດ້​ຈັດ​ພິທີ​ຕັດ​ແຖບ​ຜ້າ​ເປີດ​ການ​ນຳ​ໃຊ້ ຢ່າງ​ເປັນ​ທາງ​ການ ​ໃນ​ວັນ​ທີ 27 ​ເມສາ 2017 ນີ້ ​ໂດຍ​ການ​ເຂົ້າ​ຮ່ວມ​ຕັດ​ແຖບ​ຜ້າ ຂອງ ທ່ານ ທອງ​ລຸນ ສີ​ສຸ​ລິດ ນາຍ​ຍົກ​ລັດຖະມົນຕີ​ແຫ່ງ ສປປ ລາວ ​ແລະ ທ່ານ ຫງວຽນ ຊວນ​ພຸກ ນາຍ​ຍົກ​ລັດຖະມົນຕີ ​ແຫ່ງ ສສ ຫວຽດນາມ ພ້ອມ​ດ້ວຍ​ຄະນະ​ນຳ​ກະຊວງ ປກສ, ​ເອກ​ອັກຄະ​ລັດຖະທູດ ຫວຽດນາມ ປະຈຳ​ລາວ ​ແລະ ນັກ​ລົງ​ທືນຂອງ​ລາວ, ຫວຽດນາມ​ເຂົ້າ​ຮ່ວມ.

ໂຮງ​ແຮມ ຄຣາວພລາຊາ ວຽງ​ຈັນ ​ເປັນ​ໂຮງ​ແຮມ​ລະດັບ 5 ດາວ ຄົບ​ວົງ​ຈອນ ຕັ້ງ​ຢູ່​ໃຈກາງ​ນະຄອນຫຼວງ​ວຽງ​ຈັນ ຕິດ​ກັບ​ຖະໜົນ​ສາມ​ແສນ​ໄທ ມີ​ເນື້ອ​ທີ່ 2 ​​ເຮັກ​ຕາ, ສຳລັບ​ການ​ກໍ່ສ້າງ ​ແມ່ນ​ແບ່ງ​ເປັນ 2 ​ໄລຍະ ຄື ​ໄລຍະ​ໂຄງການ​ລວມ ປະກອບ​ມີ​ການ​ກໍ່ສ້າງ​ອາຄານ ​ໂຮງ​ແຮມ 5 ດາວ, ສູງ 10 ຊັ້ນ, ມີ 200 ຫ້ອງ, ​ໃນ​ນີ້​ມີ​ຫ້ອງ​ພັກ 197 ຫ້ອງ ທີ່​ໄດ້​ມາດຕະຖານ​ສາກົນ ​ແລະ ການ​ກໍ່ສ້າງ​ຫ້ອງ​ໃຫ້​ເຊົ່າ, ສ່ວນ​ໄລຍະ​ທີ່​ສອງ ປະກອບ​ມີ ການ​ກໍ່ສ້າງ​ອາຄານ​ໂຮງ​ແຮມ 4 ດາວ ທີ່​ເປັນ​ສູນ​ລວມການ​ຄ້າ ​ແລະ ​ເຂດ​ສວນ ສຳລັບ​ຍ່າງ​ຫຼີ້ນ ຫຼື ພັກຜ່ອນ, ​ເຊິ່ງມີ​ມູນ​ຄ່​າການ​ກໍ່ສ້າງ​ທັງ​ໝົດ 78.75 ລ້ານ​ໂດ​ລາ.

Off

Comments are closed.