31st Jul2017

ຄະນະ ກຳມະການ ຕ້ານການ ຄ້າມະນຸດ ລະດັບຊາດ ໄດ້ຈັດ ພິທີ ໂຮມຊຸມນຸມ ສະເຫຼີມ ສະຫຼອງ ວັນສາກົນ ຕ້ານການ ຄ້າມະນຸດ ປີ 2017

by somchan

ໃນ​ວັນ​ທີ 29 ກໍລະກົດ 2017 ທີ່​ຫໍ​ວັດທະນະທຳ​ປຫ່ງຊາດ ​ເປັນ​ກຽດ ​ເຂົ້າ​ຮ່ວມ​ໂດຍ ພົຕ ສົມ​ແກ້ວ ສີ​ລາ​ວົງ ລັດຖະມົນຕີ ​ກະຊວງ ປກສ ຮອງປະທານ ຄະນະ​ກຳ​ມະ​ການ ຕ້ານ​ການ​ຄ້າ​ມະນຸດ​ ລະດັບ​ຊາດ (ຜູ້​ປະຈຳການ) ມີ​ບັນດາ​ທ່ານ​ ລັດຖະມົນຕີ,ຮອງ​ ລັດຖະມົນຕີ,ບັນດາ​ທຸ​ຕາ​ນຸທູດ​ ຜູ້​ຕ່າງ​ໜ້າ ​ອົງການ ​ຈັດ​ຕັ້ງ​ສາກົນ ປະຈຳ ສປປລາວ ​ແລະ ພາກສ່ວນ ​ທີ່​ກ່ຽວຂ້ອງ ​ເຂົ້າ​ຮ່ວມ.

​ໃນ​ພິທີ ພົຕ ສົມ​ແກ້ວ ສີ​ລາ​ວົງ ລັດຖະມົນຕີ​ກະຊວງ ປກສ ຮອງປະທານ ຄະນະ​ກຳ​ມະ​ການ ຕ້ານ​ການ​ຄ້າ​ມະນຸດ​ລະດັບ​ຊາດ (ຜູ້​ປະຈຳການ) ​ໄດ້​ຂື້ນ​ກ່າວ​ປາ​ໃສ​ຕໍ່​ພິທີ​ໂຮມ​ຊຸມນຸມ ສະ​ເຫຼີ​ມສະຫຼອງ​ວັນ​ສາກົນຕ້ານ​ການ​ຄ້າ​ມະນຸດ ປີ 2017 ​ເນື້ອ​​ໃນ​ບາງ​ຕອນ​ທ່ານ​ໄດ້​ກ່າວ​ວ່າ ສປປ ລາວ ​ເປັນ​ປະ​ເທດ​ໜຶ່ງ ທີ່​ປະ​ເຊີນ​ໜ້າ​ກັບ​ບັນຫາ​ການ​ຄ້າ​ມະນຸດ ​ເຊິ່ງ​ເປັນ​ປະ​ເທດ​ຕົ້ນ​ທາງ ສະ​ນັ້ນ​ລັດຖະບານ​ໄດ້​ໃຫ້​ຄວາມ​ສຳຄັນ ​ແລະ ​ເອົາ​ໃຈ​ໃສ່​ຕໍ່​ການ​ປ້ອງ​ກັນ​ສະກັດ​ກັ້ນ, ການ​ປົກ​ປ້ອງ​ຊ່ວຍ​ເຫຼືອ​ຜູ້​ຖືກ​ເຄາະ​ຮ້າຍ ຈາກ​ກາ​ນຄ້າ​ມະນຸດ ​ແລະ ການ​ດຳ​ເນີນ​ຄະດີ ກັບ​ຜູ້​ກະທຳ​ຜິດ​ສະຖານ​ການ​ຄ້າ​ມະນຸດ ​ໂດຍ​ໄດ້​ມີ​​ແນວທາງ​ນະ​ໂຍບາຍ, ມີ​ກົດໝາຍ​ເປັນອັນ​ສະ​ເພາະ ​ເປັນ​ຕົ້ນ​ນະ​ໂຍບາຍ ​ແລະ ການ​ຮ່ວມ​ມື, ການ​ປ້ອງ​ກັນ​ສະກັດ​ກັ້ນ, ການ​ດຳ​ເນີນ​ຄະດີ ​ແລະ ບັງຄັບ​ໃຊ້​ກົດໝາຍ, ການ​ປົກ​ປ້ອງ​ຊ່ວຍ​ເຫຼືອ​ຜູ້​ຖືກ​ເຄາະ​ຮ້າຍ.

ຈາກ​ຂໍ້​ມູນ​ຂອງ​ອົງການ​​ແຮງ​ງານ​ສາກົນ ມີຜູ້​ຖືກ​ເຄາະ​ຮ້າຍຈາກ​ການ​ບັງຄັບ​ໃຊ້​ແຮງ​ງານ, ການ​ຂູດ​ຮີດ​ແຮງ​ງານ, ຂູດ​ຮີດ​ທາງ​ເພດ​ໃນ​ທົ່ວ​ໂລກ​ເກືອບ  ລ້ານ​ຄົນ ​ແລະ ຈາກ​ບົດ​ລາຍ​ງານ ຂອງ​ອົງການ​ສະຫະ​ປະຊາ​ຊາດ ​ເພື່ອ​ຕ້ານ​ຢາ​ເສບ​ຕິດ ​ແລະ ອາ​ຊະ​ຍາ​ກຳ ກ່ຽວ​ກັບ​ສະພາບ​ການ​ຄ້າ​ມະນຸດ ປີ2016  ​ໃຫ້​ຮູ້​ວ່າ 71% ຂອງ​ຜູ້​ຖືກ​ເຄາະ​ຮ້າ​ຍ ​ແມ່ນ​ແມ່ຍິງ ​ແລະ ​ເດັກນ້ອຍ ​ແລະ ​ໃນ​ຕໍ່ໜ້າ ສະພາບ​ການ​ຄ້າ​ມະນຸດ ​ແລະ ອາ​ຊະ​ຍາ​ກຳ​ຂ້າມ​ຊາດ ອື່ນໆ ຍັງ​ຈະ​ເປັນ​ໄພ​ຂົ່ມຂູ່ ຕໍ່​ສະຖຽນ​ລະ​ພາບ ​ແລະ ຄວາມ​ໜັ້ນຄົງ​ຂອງ​ບັນດາ​ປະ​ເທດ​ໃນ​ພາກ​ພື້ນ ​ແລະ ສາກົນ ດັ່ງ​ນັ້ນ​ທຸກ​ພາກສ່ວນ ຈົ່ງ​ຮ່ວມ​ກັນ ​ເປັນ​ເຈົ້າ​ການ​ ເພື່ອ​ຕອບ​ໂຕ້​ກັບ​ອາ​ຊະ​ຍາກໍາຄ້າ​ມະນຸດ ຍົກ​ສູງ​ສະຕິ​ລະວັງ​ຕົວ​ຕໍ່​ເລ່ລ່ຽມ​ກົນອຸບາຍ ຂອງ​ພວກ​ຄົນ​ບໍ່​ດີ ​ໂດ​ຍ​ເລີ່​ມຈາກ​ຕົນ​ເອງ,ຄອບຄົວ,ຊຸມ​ຊົນ,ການຈັດ​ຕັ້ງ​ທຸກ​ພາກສ່ວນ ນັບ​ແຕ່​ສູນ​ກາງ​ລົງ​ຮອດ​ຮາກ​ຖານ ​ເພື່ອ​ໃຫ້​ພົນລະ​ເມືອງ​ທຸກ​ຄົນ​ເຫັນ​ໄດ້ ຄວາມ​ເປັນ​ອັນຕະລາຍ ​ແລະ ມີ​ສະຕິ​ລະວັງ​ຕົວ​ບໍ່​ໃຫ້​ຕົກ​ເປັນ​ຜູ້​ຖືກ​ເຄາະ​ຮ້າຍ ຈາກ​ການຄ້າ​ມະນຸດ ຢູ່​ພາຍ​ໃນ ​ແລະ ຕ່າງປະ​ເທດ.

Off

Comments are closed.