20th Sep2017

ກັກຕົວພວກລັກລອບຄ້າຂາຍຢາເສບຕິດ ຂອງກາງເຮໂຣອິນ 24 ຄູ່

by somchan

ໃນວັນທີ 17 ກັນຍາ 2017 ນີ້ ເຈົ້າໜ້າທີ່ພະແນກ ຕ້ານ ແລະ ສະກັດກັ້ນຢາເສບຕິດ ປກສ ແຂວງບໍ່ແກ້ວ ໄດ້ສົມທົບກັບພາກສ່ວນກ່ຽວຂ້ອງ ຈັບຕົວພວກລັກລອບຄ້າຂາຍຢາເສບຕິດ ໄດ້ 2 ຄົນ, ພ້ອມຂອງກາງຢາເສບຕິດປະເພດເຮໂຣອິນ ຈຳນວນ 24 ຄູ່, ເທົ່າກັບ 48 ແທ່ງ ທີ່ຊຸກເຊືອງໄວ ໃນລົດເກງ ຍີ່ຫໍ້ຮຸນໄດອີແລນຕ້າສີຂາວ ບໍ່ມີໝາຍເລກທະບຽນ ຜູ້ຕ້ອງຫາທັງສອງ ຄື: ທ້າວກົວເນັ່ງຊົງ ອາຍຸ 31 ຢູ່ບ້ານຊາງ ເມືອງນ້ຳບາກ ແຂວງຫຼວງພະບາງ ແລະ ທ້າວຍຸງຍີ່ວື ອາຍຸ 29 ປີ ຢູ່ບ້ານໂພນສະຫວັນ ເມືອງແປກ ແຂວງຊຽງຂວາງ ສ່ວນແມ່ຍິງອີກໜຶ່ງຄົນໄດ້ເອົາຕົວລົບໜີໃນເວລາກຳລັງກວດຄົ້ນລົດ.

ຜ່ານການສືບສວນ-ສອບສວນໃນເບື່ອງຕົ້ນ ກົວເນັ່ງຊົງ ຮັບສາລະພາບວ່າເຮໂຣອິນຈຳນວນດັ່ງກ່າວແມ່ນຂອງຜູ້ກ່ຽວແທ້ ເຊິ່ງໄດ້ຮັບມາຈາກຄົນພະມ້າບໍ່ຮູ້ຊື່ ໃນລາຄາຄູ່ລະ 6.800$ (ໂດລາ) ແລະ ຈະໄປສົ່ງໃຫ້ລູກຄ້າຢູ່ແຂວງຫຼວງພະບາງ ໃນລາຄາຄູ່ລະ 8.500$ (ໂດລາ), ສ່ວນທ້າວ ຍຸງຍີ່ວື ແມ່ນຍັງໃຫ້ການປະຕິດເສດວ່າ ບໍ່ຮູ້ກ່ຽວກັບເຮໂຣອິນຈຳນວນດັ່ງກ່າວ ພຽງແຕ່ຂໍຕິດລົດໄປນຳເທົ່ານັ້ນ. ສ່ວນແມ່ຍິງທີ່ເອົາຕົວລົບໜີໄປນັ້ນ ເຈົ້າໜ້າທີ່ພວມເລັ່ງຊອກຕົວມາດຳເນີນຄະດີຕາມລະບຽບກົດໝາຍ.

Off

Comments are closed.