22nd Aug2018

4 ບ້ານ ເມືອງສີໂຄດຕະບອງ ໄດ້ຮັບຜົນກະທົບຈາກໄພນ້ຳຖ້ວມ

by somchan

ທ່ານ ບຸນມີ ໄຊຍະວົງ ຮອງເຈົ້າເມືອງສີໂຄດຕະບອງ ນະຄອນຫຼວງວຽງຈັນ ທັງເປັນຮອງຄະນະກຳມະການຕ້ານ ແລະ ຄວບຄຸມໄພພິບັດຂັ້ນເມືອງ ໄດ້ໃຫ້ສຳພາດ ຕໍ່ນັກຂ່າວວິທະຍຸປ້ອງກັນຄວາມສະຫງົບ

ໃນວັນທີ 21 ສິງຫາ ນີ້ວ່າ ໂດຍໄດ້ຮັບຜົນກະທົບ ຈາກລົມພາຍຸບູເບນກາ ທີ່ເຮັດໃຫ້ມີຝົນຕົກຕິດຕໍ່ກັນຫຼາຍວັນ ສົ່ງຜົນເຮັດໃຫ້ແມ່ນ້ຳຫຼາຍສາຍ ໃນສາຂາທີ່ໄຫຼລົງສູ່ແມ່ນ້ຳຂອງ ມີປະລິມານເພີ່ມຂື້ນ ບວກກັບການລະບາຍນ້ຳ ອອກຈາກເຂື່ອນຫຼາຍແຫ່ງ ເຮັດໃຫ້ປະລິມານແມ່ນ້ຳຂອງເພີ່ມຂື້ນຫຼາຍ ເຊິ່ງປັດຈຸບັນນີ້ ມີບາງຈຸດນ້ຳໄດ້ໄຫຼລົ້ນຕາຝັ່ງ ເຂົ້າຖ້ວມບ້ານເຮືອນ ແລະ ພື້ນທີ່ທຳການຜະລິດ ຂອງປະຊາຊົນ ທີ່ຢູ່ຕາມລຽບແມ່ນ້ຳຂອງ ໃນນີ້ ເມືອງ ສີໂຄດຕະບອງ ນະຄອນຫຼວງວຽງຈັນ ໄດ້ຮັບຜົນກະທົບມີ 4 ບ້ານຄື: ບ້ານໜອງດາ, ບ້ານດ່ານຄຳ, ບ້ານໂນນຂີ້ເຫຼັກ ແລະ ບ້ານຕາດທອງ ລວມມີ 423 ຄອບຄົວ ແລະ ມີພົນລະເມືອງ ສອງພັນກວ່າຄົນໄດ້ຮັບຜົນກະທົບ, ບ້ານ ທີ່ຖືກ ຜົນກະທົບຫຼາຍກວ່າໝູ່ແມ່ນ ບ້ານ ໜອງດາ ມີ 232 ຄອບຄົວ, ມີ ໜຶ່ງພັນກວ່າຄົນ ປະຈຸບັນນີ້ ທາງຄະນະພັກເມືອງ, ອຳນາດການປົກຄອງບ້ານ ແລະ ພາກສ່ວນທີ່ກ່ຽວຂ້ອງໄດ້ໃຫ້ການຊ່ວຍເຫຼືອໃນເບື້ອງຕົ້ນແລ້ວ.

(ຟັງສຽງ ທ່ານ ບຸນມີ ໄຊຍະວົງ ຮອງເຈົ້າເມືອງສີໂຄດຕະບອງ)

Off

Comments are closed.