04th Dec2015

40 ປີແຫ່ງການສ້າງສາ ແລະ ພັດທະນາປະເທດຊາດ ຂອງກຳລັງ ປກສ.

by somchan

ປີ 2015 ນີ້ແມ່ນປີໜຶ່ງທີ່ມີຄວາມໝາຍສຳຄັນ ທາງປະຫວັດສາດຂອງຊາດລາວໂດຍສະເພາະ ວັນຊາດທີ 2 ທັນວານີ້ ທົ່ວພັກ ກຳລັງປ້ອງກັນຄວາມສະຫງົບ ແລະ ປະຊາຊົນລາວບັນດາເຜົ່າໄດ້ສະເຫຼີມສະຫຼອງ ຢ່າງຍິ່ງໃຫຍ່ແຫ່ງການສະຖາປະນາ ສປປລາວ ຄົບຮອບ 40ປີ ເພື່ອຊົມເຊີຍພາລາກິດປົກປັກຮັກສາ ແລະສ້າງສາພັດທະນາປະເທດຊາດຕາມ ແນວທາງປ່ຽນແປງໃຫມ່ແລະ ການການ ນຳພາ ອັນປີຊາສາມາດ ຂອງພັກປະຊາຊົນປະຕິວັດລາວ ບົນພຶ້ນຖານຢຶດໝັ້ນອຸດົມການ ເດີນຕາມເສັ້ນທາງກ້າວສູ່ຈຸດໝາຍສັງຄົມນິຍົມ ເຊິ່ງເຮັດໃຫ້ ສປປລາວ ມີການພັດທະນາຮອບດ້ານ ມີຄວາມເຂັ້ມແຂງ, ໝັ້ນຄົງ,ສະຫງົບ,ປອດໄພ, ເປັນລະບຽບຮຽບຮ້ອຍ ແລະ ສີວິໄລ ພ້ອມທັງເປັນທີ່ຍອມຮັບເຊື້ອໝັ້ນຈາກສາກົນ ແລະ ພາກພຶ້ນ.

ຕະຫຼອດໄລຍະ 40 ຜ່ນມາ, ກໍາລັງປ້ອງກັນຄວາມສະຫງົບໄດ້ເປັນກຳລັງທີ່ສຳຄັນ ໃນການດຳເນີນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ເວົ້າລວມ, ເວົ້າສະເພາະແມ່ນວຽກງານປ້ອງກັນຄວາມສະຫງົບ, ຮັກສາຄວາມເປັນລະບຽບຮຽບຮ້ອຍໃນສັງຄົມ; ພ້ອມທັງໄດ້ຕັ້ງໜ້າຝຶກຝົນຫຼໍ່ຫຼອມ,ປັບປຸງກໍ່ສ້າງ ແລະ ພັດທະນາຕົນເອງ ໃຫ້ເປັນກຳລັງປະກອບອາວຸດທີ່ໄວ້ເນື້ອເຊື້ອໃຈຂອງພັກ-ລັດ ແລະ ປະຊາຊົນລາວ ໃຫ້ມີຄວາມເຕີບໃຫຍ່ເຂັ້ມແຂງ, ມີຄຸນທາດການເມືອງ, ຄຸນສົມບັດສິນທຳປະຕິວັດ, ມີຄວາມຮູ້ຄວາມສາມາດ ແລະ ມີແບບແຜນວິທີເຮັດວຽກທີ່ທັນສະໄໝ ສະແດງອອກໄດ້ເຮັດໜ້າທີ່ປ້ອງກັນຜູ້ນຳພັກ-ລັດ, ສຳນັກງານ-ອົງການ,ກອງປະຊຸມ, ວັນບຸນສຳຄັນ ແລະແຂກໃຫ້ມີຄວາມປອດໄພ 100% ຕັ້ງໜ້າສະກັດກັ້ນກົນອຸບາຍ ການເຄື່ອນໄຫວຂອງອິດທິກໍາລັງປໍລະປັກ ແລະຄົນບໍ່ດີທີ່ຫວັງທຳລາຍລະບອບໃຫມ່ຂອງລາວໄດ້ຢ່າງທັນການ, ສາມາດສະກັດກັ້ນແກ້ໄຂປະກົດການຫຍໍ້ທໍ້ໃນສັງຄົມເປັນຕົ້ນແມ່ນຄະດີອາຍາ ຄະດີຢາເສບຕິດລາຍໃຫຍ່ ແລະ ອື່ນໆໄດ້ສຳເລັດເປັນຢ່າງດີ.

ພ້ອມກັນນີ້ ກຳລັງປ້ອງກັນຄວາມສະຫງົບຍັງເປັນກຳລັງຕົ້ນຕໍ ແລະ ຫັນລົງກໍ່ສ້າງຮາກຖານການເມືອງ ແລະ ພັດທະນາຊົນນະບົດຮອບດ້ານຕາມ 4 ເນື້ອໃນ 4 ຄາດໝາຍ ແລະ ຈັດຕັ້ງຜັນຂະຫຍາຍແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ ຢູ່ຮາກຖານຕິດພັນກັບວຽກງານ 3 ສ້າງ, ລຶບລ້າງຄວາມທຸກຍາກ, ການບ້ານ ກຸ່ມບ້ານພັດທະນາ ແລະ ອື່ນໆ. ຢູ່ບັນດາແຂວງ, ເຂດຫ່າງໄກສອກຫຼີກ,ເຂດຊາຍແດນ ແລະ ເຂດຈຸດສຸມທົ່ວປະເທດ ສະແດງອອກແຕ່ ປີ 1986ເຖິງບັນຈຸບັນ ໄດ້ມີກຳລັງປ້ອງກັນຄວາມສະຫງົບລົງກໍ່ສ້າງຮາກຖານການເມືອງ 6.900 ກ່ວາເທືອຄົນ, ພົ້ນເດັ່ນແມ່ນໃນປັດຈຸບັນແມ່ນການຫັນລົງກໍ່ສ້າງຮາກຖານການເມືອງຢູ່ແຂວງໄຊສົມບູນ ແລະ 9 ເມືອງນະຄອນຫຼວງວຽງຈັນ. ຜ່ານການຫັນລົງກໍ່ສ້າງຮາກຖານການເມືອງຂອງກຳລັງປ້ອງກັນຄວາມສະຫງົບໃນໄລຍະຜ່ານມາ ໄດ້ປະກອບສ່ວນສ້າງບ້ານປ້ອງກັນຊາດໄດ້ 7.014 ບ້ານ, ບ້ານປ້ອງກັນຄວາມສະຫງົບດີ 6.491 ບ້ານບ້ານປອດຄະດີ 5.883 ບ້ານ,ບ້ານປອດຢາເສບຕິດ 5.637 ບ້ານ, ຂຶ້ນທະບຽນສຳມະໂນຄົວໄດ້ສຳເລັດ 1.266.096 ຄອບຄົວ ແລະ ອື່ນໆ.

ຈາກຜົນສຳເລັດ ແລະ ຄຸນງານຄວາມດີຂອງກຳລັງປ້ອງກັນຄວາມສະຫງົບທ່ຍາດມາໄດ້ນັ້ນພັກ-ລັດຖະບານ ແລະ ປະຊາຊົນລາວໄດ້ຍ້ອງຍໍສັນລະເສີນກຳລັງປ້ອງກັນຄວງາມສະຫງົບວ່າ: ເປັນກຳລັງປະກອບອາວຸດທີ່ແຫຼມຄົມ, ຈົ່ງຮັກພັກດີຕໍ່ພັກ, ຕໍ່ປະຊາຊົນບັນດາເຜົ່າ; ສົມແລ້ວທີ່ເປັນກຳລັງປະກອບວຸດວິລະຊົນຂອງຊາດລາວວິລະຊົນ, ເປັນກຳລັງປະກອບສ່ວນເຮັດໃຫ້ເຮັດໃຫ້ປະເທດຊາດໄດ້ຮັບການຍ້ອງຍໍຊົມເຊີຍຈາກເພື່ອນມິດ ແລະ ສາກົນວ່າເປັນປະເທດທີ່ມີສະຖຽນລະພາບທາງດ້ານການເມືອງໜັກແໜ້ນ, ສັງຄົມມີຄວາມສະຫງົບ ເປັນລະບຽບຮຽບຮ້ອຍໂດຍພື້ນຖານ.

ໃນໄລຍະຜ່ານມາ ທົ່ວພັກ, ກຳລັງປະກອບອາວຸດ ແລະ ປວງຊົນ ແມ່ນໄດ້ສຸມທຸກເຫື້ອແຮງສະຕິປັນຍາເຂົ້າໃນການປະຕິບັດໜ້າທີ່ວຽກງານ ກໍ່ຄືສ້າງຂະບວນການຕ່າງໆເພື່ອຮອງຮັບ ແລະ ສ້າງຜົນງານ ເພື່ອສະເຫຼີມສະຫຼອງວັນແຫ່ງສັນຕິພາບ,ວັນແຫ່ງການກ້າວເຂົ້າສູ່ຍຸກສະໄໝໃໝ່ແຫ່ງການສ້າງປະເທດລາວສັນຕິພາບ, ເອກະພາບປະຊາທິປະໄຕ, ເອກະພາບວັດທະນາຖາວອນ ຄືວັນທີ 2 ທັນວາ 1975-2015 ເຊິ່ງເປັນວັນສະຖາປະນາ ສປປລາວຄົບຮອບ 40 ປີ ທັງເປັນໂອກາດສຳຄັນ ເພື່ອສະແດງຄວາມຮູ້ບຸນຄຸນ ແລະ ສັນລະເສີນວັນແຫ່ງໄຊຊະນະອັນຍິ່ງໃຫຍ່ ໃນປະຫວັດສາດການຕໍ່ສູ້ຂອງຊາດລາວເອກອ້າງທະນົງໃຈຕໍ່ອິດສະລະພາບ ມີອະທິປະໄຕຢ່າງຄົບຖ້ວນ ສ່ວນກຳລັງປ້ອງກັນຄວາມສະຫງົບກໍໄດ້ມີການປະກອບສ່ວນເຊັ່ນ: ໄດ້ຝຶກແອບກ້ອນກຳລັງພິທີສວນສະຫນາມ ປະກອບມີ 14 ກ້ອນ ແລະມີຈຳນວນພົນ 2 ພັນກ່ວາຄົນ ໄດ້ຈັດຕັ້ງຂະບວນການແຂ່ງຂັນສ້າງຜົນງານດ້ານວິຊາສະເພາະ, ຂະບວນການສິນລະປະ-ວັນນະຄະດີ, ກິລາ ອອກແຮງງານອານະໄນ ແລະ ປະດັບປະດາສະຖານທີ່ສຳຄັນຕ່າງ. ພິເສດກໍຄືປັດຈຸບັນ ກຳລັງປ້ອງກັນຄວາມສະຫງົບໄດ້ຈຳການຢູ່ຕາມສຳນັກງານ-ອົງການ, ສະຖານທີ່ສຳຄັນ ຕະຫຼອດຮອດບັນດາເມືອງ, ກຸ່ມບ້ານ ແລະ ໃນທົ່ວປະເທດຢ່າງທົ່ວເຖິງເພື່ອຮັບປະກັນເຮັດໃຫ້ໄລຍະສະເຫຼີມສະຫຼອງວັນຊາດທີ 2 ທັນວາຄົບຮອບ 40 ປີໃຫ້ມີຄວາມສະຫງົບປອດໄພ 100%.

 

Off

Comments are closed.