06th Dec2017

ເຫດການໄຟໄວ້ ເວີເທດ ເຊັນເຕີ ເສຍຫາຍ 30 ກວ່າລ້ານກີບ

by somchan

 ໃນວັນທີ 5 ທັນວາ 2017 ນີ້ ພັນໂທ ຈັນທະບູນ ມະນີວົງ ຫົວໜ້າພະແນກຕຳຫຼວດສະກັດກັ້ນ ແລະ ຕ້ານອັກຄີໄພ ປກສ ນະຄອນຫຼວງວຽງຈັນ ໄດ້ຖະແຫຼ່ງຂ່າວກ່ຽວກັບເຫດການໄຟໄໝ້ຕຶກ ເວີເທດເຊັນເຕີ ທີ່ນະຄອນຫຼວງວຽງຈັນ ໃນວັນທີ 3 ທັນວາ ຜ່ານມາວ່າ: ຕຶກອາຄານດັ່ງກ່າວເປັນຕຶກທີ່ ກຳລັງກໍ່ສ້າງໃຫມ່ຍັງບໍ່ທັນສຳເລັດເຊິ່ງເປັນໜຶ່ງໃນ ໂຄງການສຳປະທານໂດຍນາຍທຶນຈີນເພື່ອສ້າງເປັນ ສູນການຄ້າຂະໜາດໃຫຍ່ໃຈກາງນະຄອນຫຼວງວຽງຈັນ ທີ່ຈະເປັນບ່ອນຮອງຮັບກິດຈະການທາງດ້ານເສດຖະກິດຕ່າງໆ ເຊັ່ນ: ສູນການຄ້າ, ສະຖາບັນການເງິນ, ໂຮງແຮມ ແລະ ອື່ນໆ ກ່ຽວກັບເຫດການໄຟໄໝ້ໃນຄັ້ງນີ້ທ່ານໃຫ້ຮູ້ວ່າ: ພາຍຫຼັງເຈົ້າໜ້າທີ່ສາມາດຄວບໄຟໄວໄດ້, 

ຈາກນັ້ນ ເຈົ້າໜ້າທີ່ກໍເຂົ້າໄປຊັນນະສູດສະຖານທີ່ເກີດເຫດພົບວ່າ ສາເຫດທີ່ພາໃຫ້ໄຟໄໝ້ຄັ້ງນີ້ ເກີດຈາກສະເກັດໄຟຈອດອາຄານເຫຼັກຕົກໃສ່ແກັດຫຸ້ມຫໍ່ທໍ່ແອຈຳນວນຫຼາຍຈຶ່ງເຮັດໃຫ້ເກີດໄຟໄໝ້, ສ່ວນໂຄງສ້າງຂອງອາຄານບໍ່ໄດ້ຮັບຜົນກະທົບໃດໆ ແລະ ຍັງໃຊ້ງານໄດ້ປົກກະຕິ, ມູນຄ່າເສຍຫາຍແມ່ນ 30 ກວ່າລ້ານກີບ.

 

Off

Comments are closed.