30th Jan2018

ເກີດເຫດໄຟໄໝ້ ທີ່ເມືອງໄຊທານີ ເສຍຫາຍ ຫຼາຍກວ່າ 600 ລ້ານກີບ

by somchan

ໃນວັນທີ 27 ມັງກອນ 2018 ນີ້ ໄດ້ເກີດເຫດໄຟ ໄໝ້ເຮືອນພັກຂອງພະນັກງານຢູ່ບ້ານດອນຕິ້ວ ເມືອງໄຊທານີ ນະຄອນຫຼວງວຽງຈັນ ເຊິ່ງເປັນ ເຮືອນຫ້ອງແຖວຊັ້ນດຽວ ມີ 3 ຫຼັງ ລວມມີ 15 ຫ້ອງ ເສຍຫາຍທັງໝົດ. ໄຟໄດ້ໄໝ້ຈາກຫ້ອງ ທ້າວຈັນດີ ອາຍຸ 40 ປີ ຈາກນັ້ນຈຶ່ງໄດ້ລາມໃສ່ຫ້ອງຂ້າງ ເຈົ້າໜ້າທີ່ໄດ້ໃຊ້ລົດມອດໄຟ 6 ຄັນໃຊ້ເວລາ 4 ຊົ່ວໂມງ ຈຶ່ງຄວມຄຸມໄຟໄວ້ໄດ້ ລວມມູນຄ່າເສຍຫາຍ 600 ລ້ານກວ່າກີບ ສາເຫດຂອງການເກີດອັນຄີໄພ ໃນຄັ້ງນີ້ ຂັ້ນຢູ່ໃນຂັ້ນຕອນການສືບສວນ-ສອບສວນ ຂອງເຈົ້າໜ້າທີ່ຕຳຫຼວດ.

ໃນວັນທີ 28 ເວລາ 15 ໂມງໄດ້ເກີດເຫດໄຟໄໝ້ສາງມ້ຽນເຄື່ອງອຸປະກອນເຕັກນິກ ແລະ ສິນຄ້າຂອງບໍລິສັດສະຕາໂທລະຄົມ ຂອງທ້າວນາມເຈືອງວັນ ອາຍຸ 40 ປີ ສາງດັ່ງກ່າວແມ່ນຕັ້ນຢູ່ບ້ານສະພັງຄະນົງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ຕຳຫຼວດໄດ້ໃຊ້ລົດມອດໄຟຈຳນວນ 3 ຄັນ ໃຊ້ເວລາ 3 ຊົ່ວໂມງ ຈຶ່ງສາມາດຄວບຄຸມໄຟໄວ້ໄດ້ ສ່ວນສາເຫດຂອງການເກີດອັກຄີໄພ ຍ້ອນປະຊາຊົນເຂດນັ້ນ ຈູດປ່າ ແລ້ວລາມໃສ່. ສ່ວນຜົນເສຍຫາຍຍັງຢູ່ໃນຂັ້ນຕອນການເກັບກຳຂໍ້ມູນຂອງເຈົ້າໜ້າທີ່ຕຳຫຼວດ.

 

Off

Comments are closed.