30th Mar2018

ການຈັດຕັ້ງປະຕິບັດວຽກງານກໍ່ສ້າງຮາກຖານ ການເມືອງ ກະຊວງ ປກສ ໃນໄລຍະ 3 ເດືອນຕົ້ນປີ 2018

by somchan

ພທ ສຸກພະຈັນ ບຸດດາຄຳ ຫົວໜ້າຫ້ອງການເມືອງ ກອງບັນຊາການ ປກສ ນະຄອນຫຼວງວຽງຈັນ ທັງເປັນຫົວໜ້າກອງເສນາວຽກງານກໍ່ສ້າງ ຮາກຖານການເມືອງຢູ່ນະຄອນຫຼວງວຽງຈັນ ໃຫ້ຮູ້ວ່າ: ການຈັດຕັ້ງປະຕິບັດຕາມແຜນການ ໂຄງການວຽກງານວິຊາສະເພາະທີ່ໄດ້ຮັບມອບໝາຍຈາກ ຂັ້ນເທິງ ໃນໄລຍະ 3 ເດືອນຜ່ານມາ ຄະນະຊີ້ນຳກໍ່ສ້າງຮາກຖານການເມືອງ ກະຊວງປ້ອງກັນຄວາມສະຫງົບ ຢູ່ນະຄອນຫຼວງວຽງຈັນ ໄດ້ສຸມໃສ່ປະຕິບັດວຽກງານຢ່າງຕັ້ງໜ້າ ສາມາດສ້າງໄດ້ຜົນງານຫຼາຍດ້ານ ສະແດງອອກ: ວຽກງານຄຸ້ມຄອງສຳມະໂນຄົວ ໃນ 3 ເດືອນຕົ້ນປີ 2018 ນີ້ ໄດ້ຮັບຄຳຮ້ອງຂໍຂຶ້ນທະບຽນສຳມະໂນຄົວຢູ່ໃນນະຄອນຫຼວງວຽງຈັນ 175 ສະບັບ, ມີ 450 ຄົນ, ໄດ້ຮັບອະນຸຍາດຂຶ້ນທະບຽນສຳມະໂນຄົວແລ້ວ 81 ສະບັບ,​ມີ 245 ຄົນ, ກວດກາ ແລະ ເກັບກຳການຕີງເໜັງຂອງພົນລະເມືອງ ມີຈຳນວນເພີ່ມຂຶ້ນ 195 ຄົນ, ໃນນີ້, ເກີດໃຫມ່ 165 ຄົນ, ຍົກຍ້າຍມາມີ 3 ຄອບຄົວ, ມີ 30 ຄົນ, ຈຳນວນຫຼຸດລົງ 98 ຄົນ, ເສຍຊີວິດ 75 ຄົນ, ພ້ອມນີ້ຍັງໄດ້ກວດກາພົບເຫັນ ຄົນມາພັກເຊົາມີ 1.966 ຄົນ, ໃນນີ້ ພັກເຊົາບໍ່ຖືກຕ້ອງຕາມລະບຽບມີ 924 ຄົນ, ເຊິ່ງສ່ວນຫຼາຍແມ່ນມາຊອກວຽກເຮັດງານທຳ ຕາມໂຮງຈັກ, ໂຮງງານ, ຮ້ານອາຫານ ແລະ ຮ້ານບໍລິການ ທາງເຈົ້າໜ້າທີ່ໄດ້ສຶກສາອົບຮົມປຸກລະດົມໃຫ້ກັບທ້ອງຖິ່ນ ຈຳນວນໜຶ່ງ ເກັບກຳຂຶ້ນບັນຊີຄົວເຮືອນ ແລະ ອອກປ້າຍເຮືອນປຸກໃຫມ່ຍັງບໍ່ມີປ້າຍ 129 ຫຼັງຄາ ແລະ ປ້າຍເຮືອນແຕກຫັກ ຂໍເຮັດໃຫມ່ 27 ຫຼັງຄາ, ກວດກາຂຶ້ນບັນຊີຄຸ້ມຄອງເຮືອນຫ້ອງແຖວ ຈຳນວນ 250 ຫຼັງ ທີ່ມີຄວາມສ່ຽງ ບໍ່ຮັບປະກັນຄວາມປອດໄພ ແລະ ເປັນແຫຼ່ງມົ້ວສຸມ 123 ຫຼັງ ພ້ອມນັ້ນ, ກໍ່ໄດ້ກວດກາເອກະສານຂໍອະນຸຍາດນຳໃຊ້ກາປະທັບ 13 ຊຸດ, ມີ 26 ໜ່ວຍ ນອກຈາກນັ້ນ, ຍັງໄດ້ນຳພາເຮັດວຽກງານປ້ອງກັນຄວາມສະຫງົບພາຍໃນບ້ານ ແລະ ບັນຊີຄຸ້ມຄອງເປົ້້າໝາຍພາຍໃນບ້ານເຊັ່ນ: ເປົ້າໝາຍຂີ້ລັກງັດແງະ ແລະ ມົ້ວສຸມ ເສບຕິດມີ 423 ຄົນ, ຍິງ 84 ຄົນ ໄດ້ສຶກສາອົບຮົມຢູ່ຂັ້ນບ້ານ ແລະ ອື່ນໆ.

Off

Comments are closed.