07th May2018

ກົມປ້ອງກັນພາຍໃນກົມໃຫຍ່ສັນຕິບານ ຈັດກອງປະຊຸມປຶກສາຫາລື-ພົບປະແລກປ່ຽນ.

by somchan

ກົມປ້ອງພາຍໃນກົມໃຫຍ່ສັນຕິບານ ກະຊວງ ປ້ອງກັນຄວາມສະຫງົບ ຈັດກອງປະຊຸມ ປຶກສາຫາລື-ພົບປະແລກປ່ຽນ ການຈັດຕັ້ງ ປະຕິບັດວຽກງານ ແລະ ພ້ອມກັນຄົ້ນຄວ້າ ວາງທິດທາງແຜນການໃນຕໍ່ໜ້າ ໃນວັນທີ 3 ພຶດສະພາ 2018 ນີ້ ໂດຍການ ເຂົ້າຮ່ວມຂອງ ພົຈວ ບຸນມີ ແສງຄຳຢອງ ຫົວໜ້າກົມໃຫຍ່ສັນຕິບານກະຊວງປ້ອງກັນ ຄວາມສະຫງົບ ມີຜູ້ຕ່າງໜ້າຈາກກະຊວງ ປ້ອງກັນປະເທດ, ກົມກອງອ້ອມຂ້າງກະຊວງ ປກສ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ພັທ ເພັງຄຳ ວົງສົມບັດ ຫົວໜ້າກົມປ້ອງກັນພາຍໃນ ກົມໃຫຍ່ສັນຕິບານ ກະຊວງ ປກສ ໄດ້ໃຫ້ຮູ້ວ່າ: ກອງປະຊຸມປຶກສາຫາລື-ພົບປະແລກປ່ຽນ ການຈັດຕັ້ງປະຕິບັດວຽກງານປ້ອງກັນພາຍໃນຄັ້ງນີ້ ເພື່ອກະກຽມໃຫ້ແກ່ກອງປະຊຸມວຽກງານປ້ອງກັນພາຍໃນທົ່ວປະເທດ ແລະ ແນໃສ່ເຮັດໃຫ້ພາຍໃນກົງຈັກການຈັດຕັ້ງຂອງພັກ-ລັດ ມີຄວາມສະຫງົບປອດໄພຢ່າງໜັກແໜ້ນ, ທັງເປັນການຈັດຕັ້ງຜັນຂະຫຍາຍວຽກງານປ້ອງກັນພາຍໃນໃຫ້ຮັບປະກັນຄວາມສະຫງົບປອດໄພ, ຄວາມຖືກຕ້ອງສອດຄ່ອງກັບວຽກງານຕົວຈິງ ແລະ ມີຄວາມໝັ້ນຄົງໃນລະບົບການເມືອງ, ການປົກຄອງຂອງປະເທດ ໂດຍສະເພາະແມ່ນ ພາລະບົດບາດນຳພາຂອງພັກໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນເຊິ່ງເປັນປັດໃຈສຳຄັນ ໃນການຕອບຕ້ານກົນອຸບາຍຂອງກຸ່ມຄົນບໍ່ດີ, ທີ່ມ້າງເພທຳລາຍ ແລະ ແຊກຊ້ອນ ເຂົ້າໃນຖັນແຖວ ສະມາຊິກພັກ-ພະນັກງານ, ທະຫານ, ຕຳຫຼອດ ເຮັດໃຫ້ມີປະກົດການຫຍໍ້ທໍ້ຕ່າງໆດ້ວຍຫຼາຍຮູບແບບໃນສັງຄົມ.

ການປືກສາຫາລື-ພົບປະແລກປ່ຽນສະພາບການຄັ້ງນີ້ ຈຶ່ງມີຄວາມສຳຄັນເພື່ອພ້ອມກັນຄົ້ນຄວ້າສ້າງແຜນປ້ອງກັນ, ຍຸດທະວີທີໃນການຕ້ານເລ້ຫຼ່ຽມກົນອຸບາຍມ້າງເພຂອງກຸ່ມຄົນບໍ່ດີ.

Off

Comments are closed.