10th May2018

ກັກຕົວຜູ້ຖືກຫາທຳລາຍຂອງສ່ວນລວມ ມູນຄ່າເສຍຫາຍ 200 ກວ່າລ້ານ

by somchan

ຕົ້ນເດືອນພຶດສາພານີ້ ເຈົ້າໜ້າທີ່ຕຳຫຼວດ ປກສ ເມືອງໄຊເສດຖາ ນະຄອນຫຼວງວຽງຈັນ ໄດ້ກັກຕົວ ທ້າວ ໂສມ ອາຍຸ 22 ປີ ພັກເຊົາຢູ່ບ້ານວຽງແກ້ວ ເມືອງສີໂຄດຕະບອງ ນະຄອນຫຼວງວຽງຈັນ ໃນຂໍ້ຫາ ທຳລາຍຂອງສ່ວນລວມຄື: ຜູ້ກ່ຽວໄດ້ໃຊ້ກ້ອນຫີນ ທຸບຝາແກ້ວຕາມບ່ອນັ່ງຖ້າລົດເມ ຢູ່ແຄມເສັ້ນທາງ ໃນຂອບເຂດບ້ານໂພນພະເນົາ ທັງໝົດ 3 ຈຸດ ເຮັດສ້າງຄວາມເສຍຫາຍແກ່ຊັບສິນຂອງລວມໝູ່ ລວມມູນຄ່າເສຍຫາຍ 200 ກວ່າລ້ານກີບ.

ປັດຈຸບັນ ເຈົ້າໜ້າທີ່ຕຳຫຼວດໄດ້ດຳເນີນຄະດີຜູ້ກ່ຽວຕາມກົດໝາຍ.

Comments are closed.