16th Jul2018

ປກສ ນະຄອນຫຼວງວຽງຈັນແກ້ໄຂຄະດີ ລັກຊັບ ແລະ ຊື້ຂາຍຊັບເມືອງ ລະພົນລະເມືອງຜິດກົດໝາຍ ສາມາດກັກຕົວເປົ້າໝາຍ ໄດ້ 14 ຄົນ

by somchan

ເມືອບໍ່ດົນມານີ້ ເຈົ້າໜ້າທີ່ຕຳຫຼວດສືບສວນ-ສອບສວນ ແລະ ສືບຂ່າວຄະດີອາຍາກອງບັນຊາການ ປກສ ນະຄອນຫຼວງວຽງຈັນ ໄດ້ແກ້ໄຂເປົ້າໝາຍເຄື່ອນໄຫວ ກຊັບ ແລະ ຊື້-ຂາຍຊັບຂອງເມືອງລະພົນລະເມືອງຜິດກົດໝາຍ. ສາມາດກັກຕົວເປົ້າໝາຍໄດ້ 14 ຄົນ ພ້ອມລົດຈັກ 23 ຄັນ. ໃນນີ້ເປົ້າໝາຍລັກລົດຈັກມີ 6 ຄົນຄື: ທ້າວ ອຸດົມພອນ ອາຍຸ 29 ປີ ປະຊາຊົນຢູ່ບ້ານທົ່ງສັງນາງ ເມືອງຈັນທະບູລີ, ທ້າວລຸນ ອາຍຸ 25 ປີ ປະຊາຊົນບ້ານນາແຄ, ທ. ໂຄຈອນ ອາຍຸ 29 ປີ ປະຊາຊົນບ້ານສີວິໄລ, ທ້າວຄຳຫຼ້າ ອາຍຸ 18 ປີ ຢູ່ບ້ານຈອມມະນີ ທັງສາມຢູ່ເມືອງໄຊທານີ ນະຄອນຫຼວງວຽງຈັນ ແລະ ນ. ສີວິໄລ ອາຍຸ 39 ປີ ປະຊາຊົນບ້ານຄຳສະຫວາດ ເມືອງໄຊເສດຖາ ນະຄອນຫຼວງວຽງຈັນ. ປະຈຸບັນ ເຈົ້າໜ້າທີ່ຕຳຫຼວດພວມດຳເນີນຄະດີກັບພວກກ່ຽວຕາມຂັ້ນຕອນຂອງກົດໝາຍ.

Off

Comments are closed.