09th Sep2019

6 ເດືອນຕົ້ນປີ ເມືອງຈັນທະບູລີ ມີຄະດີເກີດຂຶ້ນ 148 ເລື່ອງ

by somchan

ພັນໂທ ຊຽງພັນ ອິນທະປັນຍາ ຮັກສາການຫົວໜ້າກອງບັນຊາການ ປກສ ເມືອງຈັນທະບູລີ ໄດ້ໃຫ້ສຳພາດກ່ຽວກັບການຈັດຕັ້ງປະຕິບັດໜ້າທີ່ວິຊາສະເພາະໃນໄລຍະຜ່ານມາ ຄະນະກອງບັນຊາການໄດ້ເອົາໃຈໃສ່ ເຮັດວຽກງານວິຊາສະເພາະດ້ວຍຄວາມຕັ້ງໜ້າ, ບົນພື້ນຖານການສູ້ຊົນຈັດຕັ້ງປະຕິບັດ 4 ຄາດໝາຍ 4 ບຸກທະລຸ 13 ວຽກຍຸດທະສາດກໍ່ຄືທິດທາງແຜນການຂອງກອງບັນຊາການ ປກສ ນະຄອນຫຼວງວຽງຈັນ ວາງອອກ

ແລະ ອີງໃສ່ສະພາບຈຸດພິເສດຂອງເມືອງຈັນທະບູລີ, ຄະນະພັກ-ຄະນະກອງບັນຊາການ ລົງຊີ້ນຳໆພາໂດຍກົງຢ່າງໃກ້ຊິດຢູ່ແຕ່ລະພະແນກ, ປກສ ກຸ່ມ, ກອງຮ້ອຍ ແລະ ສະຖານີຮັບແຈ້ງ-ແກ້ໄຂເຫດສຸກເສີມ, ເຊິ່ງເຮັດໃຫ້ພະນັກງານ-ນັກຮົບມີຄວາມຮັບຜິດຊອບສູງຕໍ່ການປະຕິບັດໜ້າທີ່ວິຊາສະເພາະ ໂດຍສະເພາະແມ່ນການແກ້ໄຂປະກົດການຫຍໍ້ທໍ້ຕ່າງໆ ສະແດງອອກ 6 ເດືອນຕົ້ນປີ 2019. ມີຄະດີເກີດຂື້ນ 148 ເລື່ອງ, ສາມາດແກ້ໄຂໄດ້ 66 ເລື່ອງ, ກັກຜູ້ຖືກຫາໄດ້ 92 ຄົນ, ໃນນີ້ພົ້ນເດັ່ນກວ່າໝູ່ແມ່ນລັກຊັບພົນລະເມືອງ 62 ເລື່ອງ, ແກ້ໄຂໄດ້ 25 ເລື່ອງ, ຜົນເສຍຫາຍລົດໃຫ່ຍ 6 ຄັນ, ລົດຈັກ 50 ຄັນ, ຄອມພິວເຕີໂນດບຸກ 54 ໜ່ວຍ, ຄຳ 14 ບາດ, ເງີນ 85 ລ້ານກີບ, ເງີນບາດ 2 ແສນ 8 ໜຶ່ນ ກວ່າບາດ, ເງີນໂດລາ 1 ໜຶ່ນກວ່າໂດລາ, ເຄື່ອງໃຊ້ໄຟຟ້າມູນຄ່າ 25 ລ້ານກີບ ແລະ ວັດຖຸອື່ນໆອີກຈຳນວນໜຶ່ງ.

ໃນນີ້ເຈົ້າໜ້າທີ່ສາມາດເກັບກູ້ຄືນໄດ້ມີລົດໃຫ່ຍ 4 ຄັນ, ລົດຈັກ 15 ຄັນ, ເງີນບາດ 9 ແສນກວ່າບາດ, ເງີນກີບ 79 ລ້ານກີບ ແລະ ຊັບສິນອື່ນໆອີກຈຳນວນໜຶ່ງ.

 

Comments are closed.