15th Jan2019

ຈັບຜູ້ຂົນສົ່ງເຮໂຣອິນ 180 ແທ່ງ ແລະ ຢາບ້າ 5,700,000 ກວ່າເມັດ

by somchan

ໃນວັນທີ 13 ມັງກອນ 2019 ນີ້ ເຈົ້າໜ້າທີ່ຫ້ອງການ ປກຊ-ປກສ ໄດ້ສົມທົບກັບກອງປະຕິບັດງານສືບຂ່າວ 034 ແລະ ກອງຮ້ອຍຊາຍແດນ 122 ແຂວງບໍ່ແກ້ວ ກວດຄົ້ນລົດກະບະວີໂກ້ ໝາຍເລກທະບຽນ ນຂ 5888 ກຳແພງນະຄອນ ເຊິ່ງເປັນລົດເປົ້າໝາຍຕ້ອງສົງໄສເຄື່ອນໄຫວຂົນສົ່ງຢາເສບຕິດ  ຜ່ານການກວດຄົ້ນລົດຄັນດັ່ງກ່າວພົບເຫັນ ຢາເສບຕິດປະເພດຢາບ້າລວມມີ 2,883 ມັດ ເທົ່າກັບ 5,764,000 ເມັດ, ເຮໂຣອິນ 90 ຄູ່ ເທົ່າກັບ 180 ແທ່ງ, ເງີນບາດໄທ 15,000 ບາດ ລົດຄັນດັ່ງກ່າວ ຂັບຂີ່ໂດຍ ທ້າວຊົງທໍ ອາຍຸ 27 ປີ, ຢູ່ບ້ານ ທ່າບູ້ ເມືອງນ້ຳບາກ ແຂວງຫຼວງພະບາງ.

ຜ່ານການສືບສວນ-ສອບສວນ ທ້າວ ຊົງທໍ ໄດ້ໃຫ້ການຮັບສາລະພາບວ່າ ຢາເສບຕິດຈຳນວນດັ່ງກ່າວ ແມ່ນຕົນເອງໄດ້ຮັບຈ້າງຂົນສົ່ງ ເຊິ່ງໄດ້ຮັບມາຈາກຄູ່ຮ່ວມຂະບວນການ ເພື່ອໄປສົ່ງຕໍ່ຢູ່ຈຸດນັດໝາຍ ໂດຍໄດ້ຮັບຄ່າຈ້າງຂົນສົ່ງຈຳນວນ 2 ຮ້ອຍລ້ານກີບ ແຕ່ຍັງບໍ່ທັນໄດ້ສົ່ງ ຖືກເຈົ້າໜ້າທີ່ຈັບຕົວໄດ້ກ່ອນ.

ປະຈຸບັນເຈົ້າໜ້າທີ່ຕຳຫຼວດພວມດຳເນີນຄະດີຕໍ່ຜູ້ກ່ຽວຕາມລະບຽບກົດໝາຍ

Off

Comments are closed.