15th Jan2019

ເອກອັກຄະລາຊະທູດຍີ່ປຸ່ນ ຢ້ຽມຂ່ຳນັບລັດຖະມົນຕີ ກະຊວງ ປກສ

by somchan

ໃນວັນທີ 14 ມັງກອນ ນີ້ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານ ຕາເຄຊິ ຮິກິຮາຣະ ເອກອັກຄະລາຊະທູດຍີ່ປຸ່ນ ປະຈຳ ສປປ ລາວ ໃນໂອກາດທີ່ ພົທ ວິໄລ ຫຼ້າຄຳຟອງ ໄດ້ຖືກແຕ່ງຕັ້ງເປັນ ລັດຖະມົນຕີກະຊວງປ້ອງກັນຄວາມສະຫງົບຄົນໃໝ່.

ໂອກາດດັ່ງກ່າວ ທ່ານລັດຖະມົນຕີໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການພົວພັນຮ່ວມມືກັນໃນໄລຍະຜ່ານມາຂອງສອງລັດຖະບານເວົ້າລວມ ເວົ້າສະເພາະແມ່ນສະຖານທູດຍີ່ປຸ່ນກັບກະຊວງປ້ອງກັນຄວາມສະຫງົບ ພ້ອມນີ້ທັງສອງຝ່າຍກໍ່ໄດ້ພົບປະໂອ້ລົມກັນໃນການພົວພັນຮ່ວມມືຍຸດທະສາດ ແລະ ການຊ່ວຍເຫຼືອຂອງລັດຖະບານຍີ່ປຸ່ນໃຫ້ແກ່ກະຊວງປ້ອງກັນຄວາມສະຫງົບ ໂດຍສະເພາະແມ່ນການຮ່ວມມືຕ້ານການກໍ່ອາຊະຍາກຳ, ການຊ່ວຍເຫຼືອເຄື່ອງກວດກາຄົນເຂົ້າ-ອອກເມືອງ ແລະ ວຽກງານອື່ນໆ ເພື່ອເຮັດໃຫ້ວຽກງານປ້ອງກັນຄວາມສະຫງົບໄດ້ຮັບປະສິດທິຜົນສູງຂື້ນກວ່າເກົ່າ ເພີ່ມທະວີຮ່ວມມືກັນໃນການສະກັດກັ້ນ ແລະ ຕ້ານບັນຫາການກໍ່ອາຊະຍາກຳຕ່າງໆ ຮັບປະກັນຄວາມສະຫງົບປອດໄພ ພ້ອມທັງເພີ່ມທະວີພົວພັນຮ່ວມມື ແລະ ຊ່ວຍເຫຼືອເຊິ່ງກັນ ໃນການພັດທະນາກຳລັງ ແລະ ໂຄງການອື່ນໆທີ່ພົວພັນເຖິງວຽກງານປ້ອງກັນຄວາມສະຫງົບ.

Off

Comments are closed.