16th Jan2019

ປີ 2018 ທົ່ວປະເທດມີຄະດີເກີດຂື້ນ 6,000 ກ່ວາ ລາຍ.

by somchan

ພົຈວ ສີສະຫວາດ ແກ້ວມາລາວົງ ຄະນະປະຈຳພັກກະຊວງ ຫົວໜ້າຫ້ອງວ່າການກະຊວງ ປກສ ໄດ້ລາຍງານການຈັດຕັ້ງປະຕິບັດ 4 ຄາດໝາຍ 4 ແຜນງານ ແລະ 41 ໂຄງການທີ່ກະຊວງ ປກສ ວາງອອກຂອງກຳລັງ ປກສ ທົ່ວປະເທດໃນໜື່ງປີຜ່ານມາ

ຄະນະນຳກະຊວງປ້ອງກັນຄວາມສະຫງົບ ໄດ້ເອົາໃຈໃສ່ສືກສາອົບຮົມການເມືອງແນວຄິດໃຫ້ນາຍ ແລະ ພົນຕຳຫຼວດຕາມແນວທາງນະໂຍບາຍຂອງພັກ-ລັດ ໂດຍສະເພາະໄດ້ນຳພາຈັດຕັ້ງ ຄົ້ນຄ້ວາຮຳຮຽນເຊື່ອມຊືມມະຕິຄຳສັ່ງແນະນຳຕ່າງໆເປັນປົກກະຕິຕໍ່ເນື່ອງ ແລະ ຍັງໄດ້ປັບປຸງກົງຈັກການຈັດຕັ້ງບາງຫົວໜ່ວຍຢູ່ບັນດາກົມກອງອ້ອມຂ້າງກະຊວງ-ທ້ອງຖີ່ນ, ໄດ້ຂະຫຍາຍມະຫາຊົນກ້າວໜ້າເຂົ້າພັກ, ປະດັບຊັ້ນ ແລະ ຍ້ອງຍໍຂັ້ນຕ່າງໆເປັນຈຳນວນຫຼວງຫຼາຍຄຽງຄູ່ກັນນີ້ຍັງໄດ້ນຳພາກຳລັງວິຊາສະເພາະແຕ່ລະຂັ້ນປະຕິບັດງານຕ້ານສະກັດກັ້ນແກ້ໄຂປະກົດການຫຍໍ້ທໍໃນສັງຄົມສະແດງອອກໃນ 1 ປີ ທົ່ວປະເທດມີຄະດີເກີດຂື້ນ 6,365 ລາຍ ໃນນີ້ສາມາດມ້າງຄະດີໄດ້ 5141 ລາຍ, ກັກຜູ້ກະທຳຜິດໄດ້ 7,591 ຄົນ, ຄົນຕ່າງປະເທດໄດ້ 131 ຄົນ ທຽບໃສ່ປີຜ່ານມາ ເພີມຂື້ນ 159 ລາຍ, ອຸປະຕິເຫດເກີດຂື້ນ 5,793 ລາຍ, ພາຫານະເປເພ 10 ພັນກ່ວາຄັນ ຄົນໄດ້ຮັບບາດເຈັບ 9 ພັນກ່ວາຄົນ ເສຍຊິວີດ 987 ຄົນ ໄດ້ແກ້ໄຂບັນຫາຢາເສບຕິດ ທົ່ວປະເທດໄດ້ 3,300 ລາຍ ກັກຜູ້ກະທຳຜິດໄດ້ 4,674 ຄົນ ພ້ອມດຽວກັນນີ້ຍັງໄດ້ເອົາໃຈໃສ່ໃນການຫັັນກຳລັງວິຊາສະເພາະລົງເຮັດວຽກງານກໍ່ສ້າງຮາກຖານການເມືອງພັດທະນາຊົນນະບົດຮອບດ້ານຕິດພັນກັບວຽກງານສາມສ້າງຢູ່ນະຄອນຫຼວງວຽງຈັນ, ແຂວງບໍ່ແກ້ວ ແລະ ແຂວງອື່ນໆ ໃນນີ້ໄດ້ນຳພາ ອອກປືມສຳມະໂນຄົວໃຫ້ພົນລະເມືອງລາວໄດ້ 1 ລ້ານກ່ວາຂອບຄົວ, ສຳມະໂນຄົວຕ່າງດ້າວ 3,177 ຄອບຄົວ, ອອກບັດປະຈຳຕົວແບບໃໝ່ໄດ້ທັງໝົດ 68 ພັນກ່ວາບັດ.

Off

Comments are closed.