22nd Jan2019

ກົມໃຫ່ຍການເມືອງ ປກສ ອວຍພອນ ກົມໃຫ່ຍການເມືອງກອງທັບ

by somchan

ກົມໃຫ່ຍການເມືອງປ້ອງກັນຄວາມສະຫງົບ ໄດ້ເຂົ້າອວຍພອນ ກົມໃຫ່ຍການເມືອງກອງທັບ ໃນທ້າຍອາທິດຜ່ານມານີ້, ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ເຊິ່ງນຳໂດຍ ພົຈວ ອາລູ ວາລືຊື່ ຫົວໜ້າກົມໃຫ່ຍການເມືອງປ້ອງກັນຄວາມສະຫງົບ ໃຫ້ກຽດຕ້ອນຮັບໂດຍ ພົຕ ວັນທອງ ກອງມະນີ ຮອງຫົວໜ້າກົມໃຫ່ຍການເມືອງກອງທັບ.

ໂອກາດດັ່ງກ່າວ ພົຈວ ອາລູ ວາລືຊື່ ໄດ້ຕາງໜ້າໃຫ້ກົມໃຫ່ຍການເມືອງປ້ອງກັນຄວາມສະຫງົບ ອວຍພອນໃຫ້ຄະນະພັກ-ຄະນະນຳ ແລະ ພະນັກງານ-ນັກຮົບທົ່ວກົມໃຫ່ຍການເມືອງກອງທັບ  ກໍ່ຄືກຳລັງກອງທັບປະຊາຊົນລາວ ທຸກທົ່ວໜ້າ ຈົ່ງມີສຸຂະພາບເຂັ້ມແຂງ,  ສືບຕໍ່ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງຂື້ນໄປເລື່ອຍໆ. ໂອກາດດຽວກັນນີ້ ພົຕ ວັນທອງ ກອງມະນີ ຮອງຫົວໜ້າກົມໃຫ່ຍການເມືອງກອງທັບ ໄດ້ສະແດງຄວາມຂອບໃຈຕໍ່ກົມໃຫ່ຍການເມືອງ ປ້ອງກັນຄວາມສະຫງົບ ທີ່ເຂົ້າອວຍພອນໃນຄັ້ງນີ້ ເຊິ່ງສອງກຳລັງປ້ອງກັນຊາດ-ປ້ອງກັນຄວາມສະຫງົບ ເວລາໃດກໍ່ໄດ້ມີການພົວພັນປະສານສົມທົບກັນໃນພາລະກິດປົກປັກຮັກສາຄວາມສະຫງົບສຸກຂອງປະເທດຊາດ ແລະ ພ້ອມກັນສືບຕໍ່ປະຕິບັດວຽກງານທີ່ຂັ້ນເທີງມອບໝາຍໃຫ້ສຳເລັດ.

Off

Comments are closed.