22nd Jan2019

ຮອງລັດຖະມົນຕີ ກະຊວງ ປກສ ຕ້ອນຮັບ ການເຂົ້າພົບປະຮອງປະທານບໍລິສັດ MK-SP

by somchan

ໃນວັນທີ 21 ມັງກອນ 2019 ນີ້ ພົຕ ກົງທອງວົງວິຈິດ ຮອງລັດຖະມົນຕີ ກະຊວງ ປກສ ພ້ອມດ້ວຍຄະນະ ໄດ້ຕ້ອນຮັບການເຂົ້າພົບປະຂອງ ດຣ ອາເລັກເຊວີ ອາເລມອນ ຮອງປະທານບໍລິສັດ MK-SP ພ້ອມຄະນະ, ການເຂົ້າພົບປະຄັ້ງນີ້, ແມ່ນເພື່ອລາຍງານຜົນສຳເລັດ ຂອງໂຄງການໜ້ງສືຜ່ານແດນ ອີເລັກໂທນີກ ຫຼື ອີກພັດສະປອດ ທີ່ທັນສະໄໝ ເຊີ່ງໂຄງການດັ່ງກ່າວນີ້ ໄດ້ຈັດຕັ້ງປະຕິບັດມາໄດ້ 3 ປີ ໂດຍແມ່ນບໍລິສັດ MK-SP ປະເທດລັດເຊຍເປັນຜູ້ລົງທືນຮັບເໝົາກໍ່ສ້າງ ໂດຍການຮ່ວມມືກັບກະຊວງການຕ່າງປະເທດລາວ, ໂຄງການນີ້ແມ່ນໄດ້ເລີມຈັດຕັ້ງປະຕິບັດຢູ່ດ່ານສາກົນ ສະໝາມບີນວັດໄຕ ແລະ ດ່ານສາກົນຂົວມິດຕະພາບລາວ-ໄທ 1, ໃນໄລຍະສາມປີຜ່ານມາ ເຫັນວ່າມີຜົນສຳເລັດທາງດ້ານການຮັກສາຄວາມປອດໄພ,ມີປະສິດທິພາບສູງ ແລະ ມີຄວາມສະດວກວອ່ງໄວທັນສະໄໝຂື້ນ ແລະ ເພື່ອສືບຕໍ່ຈັດຕັ້ງປະຕິບັດໂຄງການດັ່ງກ່າວຢູ່ບັນດາດ່ານສາກົນແຫ່ງຕ່າງໆໃນຂອບເຂດທົ່ວປະເທດຂອງລາວໃຫ້ມີຜົນສຳເລັດ

ໂອກາດນີ້ ພົຕ ກົງທອງ ວົງວິຈິດ ຮອງລັດຖະມົນຕີ ກະຊວງ ປກສ ໄດ້ສະແດງຄວາມຍ້ອງຍໍຊົມເຊີຍຕໍ່ວຽກງານດັ່ງກ່າວທີ່ມີຜົນສຳເລັດ ແລະ ທັງຮັບປະກັນໄດ້ທາງດ້ານວຽກງານປ້ອງກັນຮັກສາຄວາມສະຫງົບຢູ່ພາຍໃນດ່ານ ແລະ ທັງເປັນການຮັດແໜ້ນຄວາມຮັກແພງສາມັກຄີ ລະຫວ່າງ ສປປ ລາວ ແລະ ສະຫະພັນລັດເຊຍໃຫ້ນັບມື້ແໜ້ນແຝນຍີ່ງໆຂື້ນ.

Off

Comments are closed.