22nd Jan2019

ປະດັບຫຼຽນຄຳແຫ່ງຊາດໃຫ້ ກະຊວງປ້ອງກັນປະເທດ

by somchan

ພິທີປະດັບຫຼຽນຄຳແຫ່ງຊາດໃຫ້ ກະຊວງປ້ອງກັນປະເທດໄດ້ຈັດຂື້ນ ໃນທ້າຍອາທິດຜ່ານມານີ້ ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງກອງທັບປະຊາຊົນປະຕິວັດລາວ ຄົບຮອບ 70 ປີ (20 ມັງກອນ 1949-20ມັງກອນ 2019) ໃຫ້ກຽດປະດັບໂດຍ ທ່ານບຸນຍັງວໍລະຈິດ ປະທານປະເທດ, ມີບັນດາຄະນະພັກ-ຄະນະນຳ ພ້ອມດ້ວຍພະນັກງານຫຼັກແຫຼ່ງອ້ອມຂ້າງກະຊວງ ປ້ອງກັນປະເທດ ແລະ ແຂກຖືກເຊີນເຂົ້າຮ່ວມ.

ທ່ານ ສີພຸກ ວົງພັກດີ ຮອງລັດຖະມົນຕີກະຊວງພາຍໃນ ໄດ້ຜ່ານລັດທະດຳລັດຂອງປະທານປະເທດວ່າດ້ວຍການປະດັບຫຼຽນຄຳແຫ່ງຊາດເຊີ່ງເປັນຫຼຽນສູງສຸດຂອງ ສປປ ລາວ ໃຫ້ກະຊວງປ້ອງກັນປະເທດທີ່ມີຜົນງານອັນໃຫ່ຍຫຼວງໃນການຕໍ່ສູ້ກູ້ຊາດຕ້ານຈັກກະພັດຜູ້ຮຸກຮານ ແລະ ໄລຍະແຫ່ງການປົກປັກຮັກສາສ້າງສາພັດທະນາປະເທດຊາດ ກອງທັບຍາດມາໄດ້ກໍ່ມີຄວາມຈົ່ງຮັກພັກດີຕໍ່ປະເທດຊາດ ປົກປັກຮັກສາຜືນແຜ່ນດີນອັນຄົບຖ້ວນຂອງ ສປປ ລາວ ໄດ້ເປັນຢ່າງດີ ເຮັດໃຫ້ ສປປ ລາວ ມີຄວາມໝັ້ນຄົງ ແລະ ຄວາມສະຫງົບສຸກ.

ຈາກນັ້ນ ພົຕ ອ່ອນສີ ແສນສຸກ ຮອງລັດຖະມົນຕີກະຊວງປ້ອງກັນປະເທດໄດ້ຜ່ານລັດທະດຳລັດ ຂອງປະທານປະເທດວ່າດ້ວຍການປະດັບຫຼຽນໄຊ ແລະ ຫຼຽນໄຊອິດສະຫຼະ ແລະ ຫຼຽນໄຊແຮງງານໃຫ້ນາຍ ແລະ ພົນທະຫານ ກົມກອງລວມໝູ່ທົ່ວກອງທັບໃນນັ້ນປະດັບຫຼຽນໄຊອິດສະຫຼະຊັ້ນ II ໃຫ້ບຸກຄົນຈຳນວນ 487 ສະຫາຍ ກົມກອງລວມໝູ່ 66 ກົມກອງ, ຫຼຽນໄຊອິດສະຫຼະຊັ້ນ III ໃຫ້ບຸກຄົນ 896 ສະຫາຍ, ກົມກອງລວມໝູ່ 126 ກົມກອງ ປະດັບຫຼຽນໄຊແຮງງານຊັ້ນ II ໃຫ້ບຸກຄົນ 4,885 ສະຫາຍ ແລະ ກົມກອງລວມໝູ່ 275 ກົມກອງ, ຫຼຽນໄຊແຮງງານຊັ້ນ III ໃຫ້ບຸກຄົນ 12,363 ສະຫາຍ ແລະ ກົມກອງລວມໝູ່ 527 ກົມກອງ ແລະ ຜ່ານດຳລັດຂອງນາຍົກລັດຖະມົນຕີວ່າດ້ວຍການປະດັບຫຼຽນກາແຮງງານ ແລະ ມອບໃບຍ້ອງຍໍລັດຖະບານໃຫ້ນາຍແລະພົນທະຫານ ໃນນັ້ນປະດັບຫຼຽນກາແຮງງານຈຳນວນ 18521 ສະຫາຍ, ໃບຍ້ອງຍໍ 14,522 ສະຫາຍ ແລະ ກົມກອງລວມໝູ່ 192 ກົມກອງມີຜົນງານດີເດັ່ນປະກອບສວນເຂົ້າໃນການປະຕິບັດໜ້າທີ່ວຽກງານປ້ອງກັນຊາດ-ປ້ອງກັນຄວາມສະຫງົບຕຳຫຼອດໄລຍະປີ 2014-2019 ນອກນັ້ນຍັງໄດ້ຍ້ອງຍໍສັນລະເສີນຜົນງານ 5 ປີ ເພື່ອຂຳນັບຮັບຕ້ອນ ແລະ ສະເຫຼີມສະຫຼອງວັນສ້າງຕັ້ງກອງທັບຄົບຮອບ 70 ປີ ໃຫັກົມກອງລວມໝູ່ ແລະ ບຸກຄົນໃນນັ້ນປະດັບຫຼຽນໄຊພິລະອາດຫານຊັ້ນ I ໃຫັ 7 ກົມກອງ ແລະ 9 ສະຫາຍ, ຫຼຽນໄຊພິລະອາດຫານຊັ້ນ II ໃຫ້ 140 ກົມກອງ ແລະ 4,635 ສະຫາຍ, ມອບໃບຍ້ອງຍໍກະຊວງປ້ອງກັນປະເທດໃຫ້ 26 ກົມກອງ ແລະ 11,059 ສະຫາຍ.

Off

Comments are closed.