25th Jan2019

ກອງປະຊຸມປືກສາຫາລືແລະແລກປ່ງນ ບົດຮຽນທັງສອງຝ່າຍລະຫວ່າງກະຊວງ ປ້ອງກັນຄວາມສະຫງົບລາວ ແລະ ກະຊວງພາຍໃນແຫ່ງຣາຊະອານາຈັກ ກຳປູເຈຍ

by somchan

 

ກອງປະຊຸມປືກສາຫາລືແລະແລກປ່ຽນບົດຮຽນ ລະຫວ່າງກອງບັນຊາການປ້ອງກັນສູນກາງ ກະຊວງປ້ອງກັນຄວາມສະຫງົບ ແຫ່ງສາທາລະນະລັດປະຊາທິປະໄຕປະຊາຊົນລາວ ແລະ ກົມສັນຕິບານ ສຳນັກງານຕຳຫຼວດແຫ່ງ ຊາດ , ກະຊວງພາຍໃນແຫ່ງລາສະອານາຈັກ ກຳປູເຈຍ , ຈັດຂື້ນໃນວັນທີ່ 23 ມັງກອນນີ້ ຢູ່ທີ່ກອງບັນຊາການປ້ອງກັນສູນກາງ ໂດຍພາຍໃຕ້ການເປັນປະທານ ຮ່ວມຂອງ ພັອ ຄຳເຄື່ອງ ບຸນວິໄລ, ຫົວໜ້າກອງ ບັນຊາການປ້ອງກັນສູນກາງ ແລະ ພົທ ຕຶມ ສາເຮືອນ ຮອງຫົວໜ້າກົມປ້ອງກັນພາຍໃນ ກົມສັນຕິບານ ສຳນັກງານຕຳຫຼວດແຫ່ງຊາດ ຣາຊະອານາຈັກກຳປູເຈຍ ມີ່ຜູ້ແທນສອງຝ່າຍເຂົ້າຮ່ວມ.

ກອງປະຊຸມໃນຄັ້ງນີ້ທັງສອງຝ່າຍໄດ້ລາຍງານສະພາບທີ່ຕັ້ງ ,ໂຄງຮ່າງ, ພາລະບົດບາດ-ສິດໜ້າທີໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະ ແລະ ຜົນງານການຈັດຕັ້ງປະຕິບັດບົດບັນທືກການຮ່ວມມືສອງຝ່າຍ ລະຫວ່າງ ກະຊວງປ້ອງກັນຄວາມສະຫງົບລາວ ແລະ ກະຊວງພາຍໃນແຫ່ງ ຣາຊະອານາຈັກກຳປູເຈຍ ເວົ້າລວມ, ເວົ້າສະເພາະ ແມ່ນວຽກງານຂອງສອງກົມ ໃຫັກັນແລະກັນໄດ້ຮັບຊາບ ໃນນີ້ ພັອ ຄຳເຄື່ອງ ບຸນວິໄລ ຫົວໜ້າກອງບັນຊາການປ້ອງກັນສູນກາງ ໄດ້ມີຄຳເຫັນປືກສາຫາລື ພົບປະແລກປ່ຽນວຽກງານວິຊາສະເພາະໃນຄັ້ງນີ້ ວ່າ ກອງປະຊຸມປືກສາຫາລືພົບປະແລກປ່ງນບົດຮຽນ ລະຫວ່າງຜູ້ແທນກົມປ້ອງກັນພາຍໃນ ກົມສັນຕິບານ ສຳນັກງານຕຳຫຼວດແຫ່ງຊາດ ຣາຊະອານາຈັກກຳປູເຈຍ ແລະ ກອງບັນຊາການປ້ອງກັນສູນກາງ ກະຊວງປ້ອງກັນຄວາມສະຫງົບ ລາວ ແມ່ນເປັນຂິດໝາຍອັນສຳຄັນໃນການຈັດຕັ້ງຜັນຂະຫຍາຍບົດບັນທືກການຮ່ວມມືສອງຝ່າຍ ລະຫວ່າງລາວ ແລະ ກຳປູເຈຍ ໃຫ້ປະກົດຜົນເປັນຈີງ ທັງເປັນການປູພື້ນຖານຂອງການຮ່ວມມື ລະຫວ່າງສອງກະຊວງ ເວົ້າລວມ-ເວົ້າສະເພາະແມ່ນກອງບັນຊາການ ປ້ອງກັນສູນກາງ ແລະ ກົມປ້ອງກັນພາຍໃນ ກົມສັນຕິບານ ສຳນັກງານຕຳຫຼວດແຫ່ງຊາດ ຣາຊະອານາຈັກກຳປູເຈຍໃຫ້ມີການພົວພັນຮ່ວມມືກັນແໜ້ນແຝ້ນຍີ່ງໆຂື້ນ ໃນຊຸມປີຕໍ່ໜ້າ ແລະ ນຳເອົາເນືອໃນບົດຮຽນໃນກອງປະຊຸມໃນຄັ້ງນີ້ໄປຈັດຕັ້ງຜັນຂະຫຍາຍໃຫ້ເຂົ້າຊູ່ລວງເລີກ.

ແລະວັນດຽວກັນນີ້ຄະນະຜູ້ແທນ ກົມປ້ອງກັນພາຍໃນ ກົມສັນຕິບານສຳນັກງານຕຳຫຼວດແຫ່ງຊາດ ຣາຊະອານາຈັກກຳປູເຈຍ ນຳໂດຍ ພົທ ດຶມ ສາເຮືອນ ຮອງກົມປ້ອງກັນພາຍໃນ ກົມສັນຕິບານ ສຳນັກງານຕຳຫຼວດແຫ່ງຊາດ ຣາຊະອານາຈັກກຳປູເຈຍ ໄດ້ເຂົ້າຢຽ້ມຂັບນັບ ພົຕ ສີນທະວົງ ໄຊຍະກອນ ຮອງລັດຖະມົນຕີກະຊວງປ້ອງກັນຄວາມສະຫງົບ ທີຫ້ອງຮັບແຂກກະຊວງປ້ອງກັນຄວາມສະຫງົບ ໃນໂອກາດທີ່ທ່ານໄດ້ເດີນທາງມາຢ້ຽມຢາມ ແລະ ເຮັດວຽກຮ່ວມກັບກອງບັນຊາການປ້ອງກັນສູນກາງ ກະຊວງປ້ອງກັນຄວາມສະຫງົບລາວ ໃນລະຫວ່າງວັນທີ່ 22-23 ມັງກອນ 2019 ນີ້ ພົທ ດຶມ ສາເຮືອນ ໄດ້ລາຍງານຈຸດປະສົງໃນການຢ້ຽມຢາມ ແລະ ເຮັດວຽກຢູ່ສາທາລະນະລັດ ປະຊາທິປະໄຕປະຊາຊົນລາວ ໃຫ້ທ່ານ ຮອງລັດຖະມົນຕີ ໄດ້ຮັບຊາບ ເປັນຕົ້ນແມ່ນການພົວພັນຮ່ວມມືເຮັດວຽກຮ່ວມກັນກອງບັນຊາການປ້ອງກັນສູນກາງໃນການພົວພັນຮ່ວມມືຊ່ວຍເຫຼືອເຊີ່ງກັນແລະກັນ ໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະ ພ້ອມນີ້ ທ່ານ ຮອງລັດຖະມົນກະຊວງປ້ອງກັນຄວາມສະຫງົບ ໄດ້ສະແດງຄວາມຕ້ອນຮັບອັນອົບອຸ່ນ ແລະ ຕີລາຄາສູງ ຕໍ່ການມາຢ້ຽມຢາມ ແລະ ເຮັດວຽກຮ່ວມກັບກອງບັນຊາການປ້ອງກັນສູນກາງ ກະຊວງປ້ອງກັນຄວາມສະຫງົບ ຂອງຄະນະຜູ້ແທນ ກົມປ້ອງກັນພາຍໃນ ກົມສັນຕິບານ ສຳນັກງານຕຳຫຼວດແຫ່ງຊາດ ຣາຊະອານາຈັກກຳປູເຈຍ ໃນຄັ້ງນີ້ ເຊີ່ງເປັນຂີດໝາຍອັນສຳຄັນໃນການພົວພັນຮ່ວມມື ສອງກະຊວງປ້ອງກັນຄວາມສະຫງົບໃຫ້ແໜ້ນແຝ້ນ ເປັນຕົ້ນແມ່ນການຈັດຕັ້ງຜັນຂະຫຍາຍ ບົດບັນທືກການຮ່ວມມືສອງຝ່າຍ ລະຫວ່າງລາວ ແລະ ກຳປູເຈຍ ໃຫ້ປະກົດຜົນເປັນຈີງ ເວົ້າລວມເວົ້າສະເພາະແມ່ນການພົວພັນຮ່ວມມືລະຫວາງສອງກົມກອງວິຊາສະເພາະໃຫ້ມີການພົວພັນຊ່ວຍເຫຼືອເຊີ່ງກັນແລພກັນໃຫ້ໄດ້ຮັບໝາກຜົນດີຍີ່ງຂື້ນສາມາດປົກປັກຮັກສາຄວາມສະຫງົບຄວາມປອດໄພໃຫ້ແກ່ການນຳລະຫວ່າງສອງປະເທດ.

Off

Comments are closed.