25th Mar2019

ລັດຖະມົົນຕີກະຊວງ ປກສ ເດີນທາງໄປຢ້ຽມຢາມ ສັນຖະວະໄມຕີ ສະຫະພາບມຽນມາ

by somchan

ໃນວັນທີ 24 ມີນາ 2019 ນີ້, ພົທ ວິໄລ ຫຼ້າຄຳຟອງ ລັດຖະມົນຕີກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ, ໄດ້ເດີນທາງໄປຢ້ຽມຢາມສັນຖະວະໄມຕີ ແລະ ເຂົ້າຮ່ວມກອງປະຊຸມວ່າດ້ວຍການຮ່ວມມື 2 ຝ່າຍ ກ່ຽວກັບວຽກງານຕ້ານ ແລະ ສະກັດກັ້ນອາດຊະຍາກຳຂ້າມຊາດ ລະຫວ່າງກະຊວງ ປ້ອງກັນຄວາມສະຫງົບ ແຫ່ງ ສປປ ລາວ ແລະ ກະຊວງພາຍໃນ ສາທາລະນະລັດ ສະຫະພາບມຽນມາ, ໃນລະຫວ່າງ 25-27 ມີນາ 2019.

ການເດີນທາງໄປຢ້ຽມຢາມສັນຖະວະໄມຕີ ແລະ ເຂົ້າຮ່ວມກອງປະຊຸມໃນຄັ້ງນີ້ ຍັງເປັນການສືບສານການຮ່ວມມືກ່ຽວກັບວຽກງານຕ້ານ ແລະ ສະກັດກັ້ນອາຊະຍາກຳຂ້າມຊາດ, ການກໍ່ການຮ້າຍ ແລະ ອື່ນໆ ໃຫ້ນັບມືແໜ້ນແຟ້ນຍິ່ງໆຂື້ນ, ພ້ອມທັງໄດ້ປຶກສາຫາລື ແລະ ແລກປ່ຽນບົດຮຽນຂໍ້ມູນຂ່າວສານຕ່າງໆ ກ່ຽວກັບວຽກງານປ້ອງກັນຕ້ານ ແລະ ສະກັດກັ້ນອາດຊະຍາກຳຂ້າມຊາດ, ນອກນີ້ຍັງເປັນຂີດໝາຍອັນສຳຄັນຂອງການພົວພັນຮ່ວມມື ແລະ ປະສານງານລະຫວ່າງ ສປປ ລາວ ແລະ ສາທາລະນະລັດ ສະຫະພາບມຽນມາ ເວົ້າລວມ, ເວົ້າສະເພາະແມ່ນກະຊວງປ້ອງກັນຄວາມສະຫງົບລາວ ແລະ ກະຊວງພາຍໃນມຽນມາ.

Off

Comments are closed.