25th Mar2019

ສອງກະຊວງ ປາຖະກະຖາລະນຶກວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

by somchan

ກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ ໄດ້ໂຮມຊຸມນຸມປາຖະກະຖາລະນຶກວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 64 ປີ ຢູ່ທີ່ສະໂມສອນກະຊວງປ້ອງກັນປະເທດ ໂດຍການເຂົ້າຮ່ວມເປັນກຽດຂອງສະຫາຍ ບຸນຍັງ ວໍລະຈິດ ເລຂາທິການ ເລຂາທິການໃຫ່ຍ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດ ມີສະຫາຍ ພົນເອກ ຈັນສະໜອນ ຈັນຍາລາດ, ກຳມະການກົມການເມືອງສູນກາງພັກ, ເລຂາຄະນະພັກ ລັດຖະມົນຕີກະຊວງປ້ອງກັນປະເທດ, ພົນຕີ ສົມຫວັງ ທຳມະສິດ ຄະນະປະຈຳພັກກະຊວງ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ມີບັນດາຫົວໜ້າກົມໃຫ່ຍ, ພະນັກງານຫຼັກແຫຼ່ງນຳພາ-ບັນຊາ ນາຍທະຫານ ແລະ ນາຍຕຳຫຼວດ ກຳລັງປ້ອງກັນຊາດ-ປ້ອງກັນຄວາມສະຫງົບ ເຂົ້າຮ່ວມຈຳນວຫຼວງຫຼາຍ.

ພົຕ ປອ ທອງລອຍ ສິລິວົງ ກຳມະການສູນກາງພັກ, ຮອງລັດຖະມົນຕີ ກະຊວງປ້ອງກັນປະເທດ, ຫົວໜ້າກົມໃຫ່ຍການເມືອງກອງທັບ ໄດ້ຫວນຄືນມູນເຊື່ອແຫ່ງການສ້າງຕັ້ງພັກປະຊາຊົນປະຕິວັດລາວ ຄົບຮອບ 64 ປີ ເຊິ່ງທ່ານໄດ້ກ່າວວ່າ ຊາດລາວແມ່ນຊາດໜຶ່ງທີ່ມີປະຫວັດສາດອັນຍາວນານ, ມີມູນເຊື່ອຮັກຊາດອັນດູດດື່ມ ແລະ ພິລະອາດຫານໃນການຕໍ່ສູ້ຕີເອົາຊະນະສັດຕູຜູ້ຮຸກຮານ, ມີມູນເຊື່ອໃນການປົກປັກຮັກສາ ແລະ ສ້າງສາປະເທດຊາດ, ຕໍ່ໜ້າຄວາມຮຽກຮ້ອງຕ້ອງການຂອງການປະຕິວັດ ແລະ ປະຕິບັດຕາມມະຕິຂອງກອງປະຊຸມໃຫ່ຍຄັ້ງທີ່ II ຂອງພັກກອມມູນິດອິນດູຈີນ, ບັນດານັກກອມມູນິດລາວພາຍຫຼັງທີ່ໄດ້ກະກຽມຄວາມພ້ອມດ້ານຕ່າງໆ ເປັນເວລາ 4 ປີ ຈຶ່ງໄດ້ເປີດກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ່ I ເພື່ອສ້າງຕັ້ງພັກປະຕິວັດຂອງຕົນຂື້ນໃນວັນທີ 22 ມີນາ 1955 ໂດຍໃສ່ຊື່ວ່າ ພັກປະຊາຊົນລາວ, ພາຍຫຼັງພັກປະຊາຊົນລາວໄດ້ຮັບການສ້າງຕັ້ງຂື້ນ ກໍ່ໄດ້ແບກຫາບພາລະກຳປະຫວັດສາດອັນໜັກໜ່ວງ ເພື່ອນຳພາປວງຊົນລາວທັງຊາດຕໍ່ສູ້ຕ້ານການຮຸກຮານຂອງຈັກກະພັດ ແລະ ລູກມືປະຕິການຂາຍຊາດຢ່າງດຸເດືອດ ຂ້ຽວຂາດກ້າວໄປເຖິງການປົດປ່ອຍປະເທດຊາດຢ່າງສົມບູນ.ພາຍຫຼັງປະເທດຊາດໄດ້ຮັບການປົດປ່ອຍພັກປະຊາຊົນປະຕິວັດລາວກໍ່ຍັງສືບຕໍ່ນຳພາປວງຊົນລາວທັງຊາດ ປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ.

ສະຫາຍບຸນຍັງ ວໍລະຈິດ ເລຂາທິການໃຫ່ຍ ຄະນະບໍລິຫານງານສູນກາງພັກ ປະຊາຊົນປະຕິວັດລາວ ປະທານປະເທດ ໄດ້ພົບປະໂອ້ລົມ ບັນດາການນຳ ແລະ ພະນັກງານຫຼັກແຫຼ່ງ ຂອງກຳລັງປ້ອງກັນຊາດ-ປ້ອງກັນຄວາມສະຫງົບໃນໂອກາດໄດ້ເຂົ້າຮ່ວມພິທີໂຮມຊຸມນຸມສະເຫຼີມສະຫຼອງວັນສ້າງຕັ້ຽພັກປະຊາຊົນປະຕິວັດລາວ ຄົບຮອບ 64 ປີ ຢູ່ທີຫ້ອງປະຊຸມກົມໃຫ່ຍການເມືອງ ກອງທັບໃນວັນທີ 25 ມີນາ ນີ້ ໃນໂອກາດທີມີຄວາມສຳຄັນນີ້ສະຫາຍບຸນຍັງ ວໍລະຈິດ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີກຳລັງປ້ອງກັນຊາດ-ປ້ອງກັນຄວາມສະຫງົບຍາດມາໄດ້ໃນໄລຍະຜ່ານມາ, ພ້ອມທັງເນັ້ນໜັກໃນຄະນະພັກ, ຄະນະນຳກຳລັງປ້ອງກັນຊາດ-ປ້ອງກັນຄວາມສະຫງົບຕ້ອງໄດ້ເພີມທະວີສືບຕໍ່ເອົາໃຈໃສ່ຫຼາຍວຽກງານທີພັກ-ລັດ ແລະ ປະຊາຊົນມອບໝາຍໃຫ້ເປັນຕົ້ນແມ່ນວຽກງານກໍ່ສ້າງຮາກຖານການເມືອງພັດທະນາຊົນນະບົດຮອບດ້ານຕິດພັນກັບວຽກງານສາມສ້າງ, ວຽກງານສະກັດກັ້ນແລະແກ້ໄຂປະກົດການຫຍໍ້ທໍ້ຢູ່ໃນສັງຄົມ, ວຽກງານປັບປຸງພັກ, ພະນັກງານຢູ່ໃນກຳລັງປ້ອງກັນຊາດ-ປ້ອງກັນຄວາມສະຫງົບຕິດພັນກັບແບບແຜນນຳພາບັນຊາ ສຸມສະຕິປັນຍາເຂົ້າໃນວຽກງານວິຊາສະເພາະຢ່າງຮອບດ້ານການລ້ຽງດູກຳລັງ ແລະ ວຽກງານອື່ນໆ.

Off

Comments are closed.