01st Apr2019

ບັນດາບໍລິສັດຕ່າງໆມອບເຄື່ອງອຸປະຖຳ ຊຸກຍູ້ໃຫ້ແກ່ກະຊວງປ້ອງກັນຄວາມສະຫງົບ

by somchan

 

ໃນວັນທີ 19 ມີນາ 2019 ນີ້ ທ່ານ ພອນປະເສີດ ອີນທະໜອມ ປະທານບໍລິສັດ 3S ພັດທະນາຈຳກັດຜູ້ດຽວ ໄດ້ນຳເຄືອງຮັບໃຊ້ຫ້ອງການ ຄອມພີວເຕີຕັ້ງໂຕະ: 30 ຊຸດ ແລະ ເງີນ ລວມມູນຄ່າ 120 ລ້ານກີບ ແລະ ທ່ານ ເອກກະພັນ ພະພິທັກ ປະທານບໍລິສັດ ສີເມືອງກູບຈຳກັດ ໄດ້ນຳໂທລະພາບສີ 20 ໜ່ວຍ ແລະ ຄອມພີວເຕີ 5 ຊຸດ, ປີນເຕີ 5 ໜ່ວຍ, ເຄືອງສະແກນເນີ 1 ໜ່ວຍ, ລວມມູນຄ່າ 91 ລ້ານກ່ວາກີບ ມາມອບໃຫ້ກະຊວງປ້ອງກັນຄວາມສະຫງົບ ໂດຍໃຫ້ກຽດກ່າວຮັບໂດຍ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ເຊີ່ງເຄື່ອງຈຳນວນດັ່ງກ່າວຈະໄດ້ໄປແຈກຍັາຍໃຫ້ບັນດາກົມກອງອ້ອມຂ້າງກະຊວງເພື່ອຮັບໃຊ້ເຂົ້າໃນວຽກງານວິຊາສະເພາະຂອງຕົນ ເວົ້າລວມເວົ້າສະເພາະແມ່ນເພື່ອປະກອບສ່ວນຮັບໃຊ້ເຂົ້າໃນວຽກງານປ້ອງກັນຄວາມສະຫງົບ.

ໃນໂອກາດນີ້ ທ່ານ ລັດຖະມົນຕີ ກະຊວງ ປກສ ກໍ່ໄດ້ກ່າວຄຳຍ້ອງຍໍຊົມເຊີຍ ແລະ ຂອບໃຈນຳບັນດາບໍລິສັດທີໄດ້ນຳເງີນ ແລະ ເຄື່ອງໃຊ້ຫ້ອງການມາມອບໃຫ້ໃນຄັ້ງນີ້

ຂ່າວຍັງໃຫ້ຮູ້ຕືມວ່າ: ໃນວັນທີ 1 ເມສາ ນີ້ ກົມໃຫ່ຍການເມືອງກອງທັບ ໄດ້ອວຍພອນກົມໃຫ່ຍການເມືອງປ້ອງກັນຄວາມສະຫງົບ ເນືອງໃນໂອກາດວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 58 ປີ ເຊີ່ງນຳໂດຍ ພົຈວ ຜາລົມ ລີນທອງ ຮອງຫົວໜ້າກົມໃຫ່ຍການເມືອງກອງທັບ ພ້ອມຄະນະ ຕາງໜ້າຮັບອວຍພອນໂດຍ ພົຈວ ຄຳກີ່ງ ຜຸຍຫຼ້າມະນີວົງ ຮອງຫົວໜ້າກົມໃຫ່ຍການເມືອງປ້ອງກັນຄວາມສະຫງົບພ້ອມຄະນະ.

ໂອກາດດັ່ງກ່າວ ພົຈວ ຜາລົມ ລີນທອງ ໄດ້ກ່າວອວຍພອນແກ່ຄະນະພັກຄະນະນຳກົມໃຫ່ຍ ການເມືອງ ປກສ ຕະຫຼອດຮອດພະນັກງານ-ນັກຮົບໃນທົ່ວກຳລັງປ້ອງກັນຄວາມສະຫງົບຈົງມີສຸກຂະພາບເຂັ້ມແຂງ ສືບຕໍ່ປະຕິບັດໜ້າທີ່ວຽກງານວິຊາສະເພາະທີ່ພັກ-ລັດມອບໝາຍໃຫ້ສຳເລັດ, ເຊີ່ງກຳລັງປ້ອງກັນຊາດ-ປ້ອງກັນຄວາມສະຫງົບເວລາໃດກໍ່ມີການພົວພັນເຊີ່ງກັນແລະກັນມນວຽກງານປົກປັກຮັກສາ ແລະ ສ້າງສາພັດທະນາປະເທດຊາດ. ໂອກາດດຽວກັນນີ້ ພົຈວ ຄຳກີ່ງ ຜຸຍຫຼ້າມະນີ ໄດ້ສະແດງຄວາມຂອບໃຈຕໍ່ຄະນະກົມໃຫ່ຍການເມືອງກອງທັບທີໃຫ້ການອວຍພອນໃນຄັ້ງນີ້ ເວລາໃດກໍ່ໃຫ້ຄວາມສຳຄັນແກ່ກຳລັງປ້ອງກັນຄວາມສະຫງົບຕະຫຼອດມາ ແລະ ພ້ອມກັນສືບຕໍ່ພົວພັນຮ່ວມມືຊ່ວຍເຫຼືອເຊີ່ງກັນແລະກັນເພື່ອພ້ອມກັນປະຕິບັດໜ້າທີປົກປັກຮັກສາພັດທະນາປະເທດຊາດຢ່າງບໍ່ຢຸດຢັ້ງ.

Off

Comments are closed.