01st Apr2019

ການນຳກະຊວງກະຊວງ ກປສ ສ້າງຂະບວນການກິລາເຕະບານມິດຕະພາບ ກັບການນຳກະຊວງແຜນການແລະການລົງທືນ

by somchan

ການນຳກະຊວງປ້ອງກັນຄວາມສະຫງົບ ໄດ້ສ້າງຂະບວນການແຂ່ງຂັນເຕະບານ ມິດຕະພາບນັດພິເສດຮ່ວມກັບການນຳ ກະຊວງແຜນການ ແລະ ການລົງທືນເພື່ອຂັບນັບຮັບຕ້ອນວັນສ້າງຕ້ງ ກຳລັງປ້ອງກັນຄວາມສະຫງົບ ຄົບຮອບ 58 ປີ ໃນວັນທີ 29 ມີນາ 2019 ນີ້ ຢູ່ທີສະໝາມກິລາເຈົ້າອານຸວົງ ນະຄອນຫຼວງວຽງຈັນ ເຂົ້າຮ່ວມຮັບຊົມມີ ພົຕ ສີນທະວົງໄຊຍະນິກອນ ກຳມະການສູນກາງພັກ ຮອງເລຂາຄະນະພັກກະຊວງ ຮອງລັດຖະມົນຕີກະຊວງປ້ອງກັນຄວາມສະຫງົບ, ປອ ສຸພັນ ແກ້ວມີໄຊ ກຳມະການສູນກາງພັກ, ເລຂາຄະນະພັກກະຊວງ ລັດຖະມົນຕີກະຊວງແຜນການ ແລະ ການລົງທືນ, ມີຮອງລັດຖະມົນຕີ, ຫົວໜ້າກົມໃຫ່ຍ, ຫ້ອງວ່າການກະຊວງປ້ອງກັນຄວາມສະຫງົບ ແລະ ພະນັກງານຫຼັກແຫຼ່ງນຳພາບັນຊາສອງກະຊວງ ແລະ ກອງເຊຍສອງຝ່າຍເຂົ້າຮ່ວມ.

ພັອ ແສນອາໄລ ບົວອາພອນ ຄະນະຮັບຜິດຊອບການແຂ່ງຂັນກິລາບານເຕະ ເພື່ອຂໍ່ານັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບຄົບຮອບ 58 ປີ ໄດ້ມີຄຳເຫັນກ່າວເປີດຂະບວນການແຂ່ງຂັນກິລາເຕະບານມິດຕະພາບລະຫວ່າງກະຊວງປ້ອງກັນຄວາມສະຫງົບ ແລະ ກະຊວງແຜນການແລະການລົງທືນເຊີ່ງທ່ານໄດ້ກ່າວວ່າ ຈຸດປະສົງໃນການສ້າງຂະບວນການກິລາເຕະບານມິດຕະພາບນັດພິເສດໃນຄັ້ງນີ້ກໍ່ເພື່ອເປັນການສ້າງຂະບວນການຂຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 58 ປີ ຄືໃນວັນທີ 5 ເມສາ 1961-5 ເມສາ 2019 ໃຫ້ເປັນຂະບວນການຟົດຟື້ນ ແລະ ທັງເປັນການສ້າງຄວາມສາມັກຄີຮັກແພງລະຫວ່າງສອງການນຳກະຊວງ ແລະ ພະນັກງານນັກຮົບ ໃຫ້ມີຄວາມແໜ້ນແຟ້ນ ແລະ ມີສຸກຂະພາບແຂງແຮງ ສືບຕໍ່ຈັດຕັ້ງປະຕິບັດພາລະກິດທີພັກ-ລັດ ແລະ ປະຊາຊົນມອບໝາຍໃຫ້ບັນລຸຈຸດປະສົງຄາດໝາຍທີ່ວາງໄວ້ ແລະ ສ້າງໄດ້ຜົນງານອັນຍີ່ງໃຫ່ຍ.

ຜ່ານການແຂ່ງຂັນກິລາເຕະບານມິດຕະພາບນັດພິເສດ ລະຫວ່າງການນຳກະຊວງປ້ອງກັນຄວາມສະຫງົບ ແລະ ການນຳກະຊວງແຜນການ ແລະ ການລົງທືນ ໃນ 90 ນາທີ ກະຊວງປ້ອງກັນຄວາມສະຫງົບເອົາຊະນະທີມການນຳ ກະຊວງແຜນການ ແລະ ການລົງທືນ 2 ປະຕູ ຕໍ່ 1 ແລະພ້ອມນີ້ການນຳກະຊວງປ້ອງກັນຄວາມສະຫງົບກໍ່ໄດ້ມອບຂັນເຕະບານມິດຕະພາບໃນຄັ້ງນີ້ໃຫ້ກະຊວງແຜນການ ແລະ ການລົງທືນ ໃຫ້ກຽດມອບໂດຍ ພົຕ ສີນທະວົງ ໄຊຍະນິກອນ ກຳມະການສູນກາງພັກ ຮອງເລຂາຄະນະພັກ ຮອງລັດຖະມົນຕີກະຊວງປ້ອງກັນຄວາມສະຫງົບ ແລະ ຮັບໂດຍ ປອ ສຸພັນ ແກ້ວມີໄຊ ກຳມະການສູນກາງພັກ ເລຂາຄະນະພັກ ລັດຖະມົນຕີກະຊວງແຜນການແລະການລົງທືນ

Off

Comments are closed.