24th Apr2019

ເປີດບຳລຸງວຽກງານ ປກຊ-ປກສ ໃຫ້ການນຳພັກລັດ ຊຸດທີ XVII

by somchan

ວິທະຍາຄານປ້ອງກັນຊາດໄກສອນ ພົມວິຫານ ກະຊວງປ້ອງກັນປະເທດ ໄດ້ຈັດຊຸດບຳລຸງວຽກງານ ປກຊ-ປກສ ໃຫ້ການນຳພັກ-ລັດ ໄລຍະ 64 ວັນ ຊຸດທີ XVII ໃນວັນທີ 23 ເມສາ 2019, ເປັນກຽດເຂົ້າຮ່ວມໂດຍ ທ່ານ ພັນຄຳ ວິພາວັນ ຮອງປະທານປະເທດ, ມີ ພົຕ ຄຳຫຼ້າ ພັນໄຊຍະສຸກ ຫົວໜ້າການເມືອງ ວິທະຍາຄານປ້ອງກັນຊາດ ໄກສອນ ພົມວິຫານ, ມີຄະນະພັກ-ຄະນະບັນຊາ, ແຂກຮັບເຊີນ ແລະ ນັກສຳມະນາກອນເຂົ້າຮ່ວມ.

ພັອ ປອ ສົງກາ ບຸນຄຸນ ຮອງຫົວໜ້າການທະຫານ, ຫົວໜ້າກົມອົບຮົມ-ກໍ່ສ້າງວິທະຍາຄານປ້ອງກັນຊາດ ກ່າວວ່າ: ການເປີດບຳລຸງວຽກງານ ປກຊ-ປກສ ໃຫ້ການນຳພັກ-ລັດ ໄລຍະ 64 ວັນ ຊຸດທີ XVII ຄັ້ງນີ້ ເພື່ອແນໃສ່ກຳແໜ້ນທັດສະນະ ແລະ ກົນໄກນຳພາ, ລັດຄຸມຄອງທາງດ້ານວຽກງານປ້ອງກັນຊາດ-ປ້ອງກັນຄວາມສະຫງົບ ທົວປວງຊົນຮອບດ້ານ ຕິດພັນກັບການພັດທະນາເສດຖະກິດ-ສັງຄົມ ແລະ ການປະຕິບັດມະຕິສາມສ້າງຂອງກົມການສູນກາງພັກ, ຍົກລະດັບຄວາມຮັບຜິດຊອບຄວາມເປັນເຈົ້າການ, ເອກກະລາດດ ປະດິດສ້າງ ໃນການຄົ້ນຄ້ວາຮຳຮຽນລັກການ ແລະ ສົມທຽບບົດຮຽນພືດຕິກຳຕົວຈີງຂອງອົງການ, ກົມກອງທ້ອງຖີ່ນ, ສ້າງທັດສະນະຄວາມຮັບຮູ້ເຂົ້າໃຈ ແລະ ຖືກຕ້ອງກັບວຽກງານປ້ອງກັນຊາດ-ປ້ອງກັນຄວາມສະຫງົບ, ເປັນເອກກະພາບໃນຂອບເຂດທົ່ວປະເທດ, ເສີມຂະຫຍາຍພາລະບົດບາດ ເປັນເສານທິການທາງດ້ານວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ແກ່ສູນກາງພັກ, ລັດຖະບານຢູ່ແຕ່ລະຂັ້ນ, ແຕ່ລະທ້ອງຖີ່ນ, ຊຸດບຳລຸງຄັ້ງນີ້ ມີສຳມະນາກອນ 28 ທ່ານ, ໃນນີ້ຈາກສູນກາງ 13 ທ່ານ ແລະ ທ້ອງຖີ່ນ 15 ທ່ານ ເຊີ່ງມີຕຳແໜ່ງຮອງເລຂາ ຄະນະພັກສະຖາບັນ 1 ທ່ານ, ກຳມະການພັກກະຊວງ ແລະ ທຽບເທົ່າ 11 ທ່ານ, ຄະນະປະຈຳພັກແຂວງ 1 ທ່ານ ແລະກຳມະການພັກແຂວງ 14 ທ່ານ ສຳລັບເນື້ອໃນອົບຮົມແບ່ງອອກເປັນສາມກຸ່ມເນື້ອໃນຄື: ກຸ່ມເນື້ອໃນອົບຮົມຈຸດໜັກລວມມີ 17 ບົດ, ກຸ່ມອົບຮົມເນື້ອໃນເພີມຕື່ມຈຳນວນໜື່ງ ແລະ ຂຽນບົດເກັບກ່ຽວ.

ໂອກາດດຽວກັນ ທ່ານ ຄຳພັນ ວິພາວັນ ໄດ້ໃຫ້ທິດຊີ້ນຳຕໍ່ສຳມະນາກອນ ທີເຂົ້າບຳລຸງຄັ້ງນີ້ວ່າ: ຕ້ອງຖືເອົາການບຳລຸງນີ້ ເປັນການຕີລາຄາຕົນເອງ ພ້ອມທັງທູມເທເຮື່ອແຮງ, ສະຕິປັນຍາເຂົ້າໃນການຄົ້ນຄ້ວາຮຳຮຽນ, ພ້ອມກັນເປັນເຈົ້າການເອົາໃຈໃສ່ປະຕິບັດໂມງເວລາເຂົ້າຫ້ອງຮຳຮຽນຕາມຕາຕະລາງຢ່າງເຂັ້ມງວດ, ຕັ້ງໃຈຮັບຟັງການເຜີຍແຜ່ຂອງວິທະຍາກອນ ເພື່ອເຮັດໃຫ້ການບຳລຸງຄັ້ງນີ້ເປັນການຍົກລະດັບຄວາມຮູ້ຄວາມສາມາດຂອງບັນດາທ່ານໃຫ້ສູງຂື້ນ.

Off

Comments are closed.