17th May2019

ຈັບຜູ້ກໍ່ເຫດໄດ້ 3 ຄົນໃນຂໍ້ຫາລັກຊັບ ເປັນເງີນຈຳນວນ 26 ລ້ານ ກີບ

by somchan

 

ໃນວັນທີ 14 ພຶດສະພາ 2019 ນີ້ ເຈົ້າໜ້າທີ່ຕຳຫຼວດ ເມືອງໄຊທານີ ນະຄອນຫຼວງວຽງຈັນ ປະສານສົມທົບ ກັບເຈົ້າໜ້າທີ່ຕຳຫຼວດ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ກັກ ທ້າວ ວາງຄາຍແຢນ ອາຍຸ 42 ປີ ພັກເຊົາຢູ່ບ້ານນາຄຳ, ທ້າວ ເຕີເຫີ່ວນ ອາຍຸ 45 ປີ ພັກເຊົາຢູ່ບ້ານໜອງສະໂນ ແລະ ທ້າວ ຫ່ວງອ່ນເຢີນ ອາຍຸ 35 ປີ ພັກເຊົາຢູ່ບ້ານນາຄຳ ເມືອງສີໂຄດຕະບອງ ນະຄອນຫຼວງວຽງຈັນ.

ຂໍ້ຫາລັກຊັບຄືໃນວັນທີ 13 ພືດສະພາ 2019 ພວກກ່ຽວໄດ້ຮ່ວມກັນກໍ່ເຫດລັກເອົາເງີນ ຈຳນວນ 26 ລ້ານ ກີບ ທີ່ຜູ້ເສຍຫາຍໄດ້ເກັບມ້ຽນຢູ່ໃນລົດ ແລະ ຈອດຢູ່ແຄມທາງ ເຂດບ້ານພະຂາວ ເມືອງໄຊທານີ ນະຄອນຫຼວງວຽງຈັນ ຜ່ານການຕິດຕາມຂອງເຈົ້າໜ້າທີ່ ຕຳຫຼວດ ຮອດວັນທີ 14 ພຶດສະພາ 2019 ນີ້ ຈືງສາມາດຈັບຕົວພວກກໍ່ເຫດທັງ 3 ຄົນ ມາດຳເນີນຄະດີຕາມກົດໝາຍ ແລະ ໃນປະຈຸບັນພວມຢູ່ໃນຂັ້ນຕອນດຳເນີນຄະດີ ຂອງເຈົ້າໜ້າທີ່ຕຳຫຼວດ.

Off

Comments are closed.