24th May2019

ລມຕ ກະຊວງ ປກສ ເຄື່ອນໄຫວຊີ້ນຳວຽກງານວິຊາສະເພາະ ຢູ່ ປກສ ແຂວງຫຼວງພະບາງ

by somchan

ໃນວັນທີ 13 ພຶດສະພາ 2019 ນີ້ ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ ໄດ້ເຄື່ອນໄຫວພົບປະຢ້ຽມຢາມ ແລະ ຊີ້ນຳວຽກງານວິຊາສະເພາະຢູ່ ກອງບັນຊາການ ປກສ ແຂວງ ຫຼວງພະບາງ ໂດຍການຕ້ອນຮັບຂອງ ພົຈວ ສົມຈັນ ແກ້ວຈັນດາ ຫົວໜ້າກອງບັນຊາການ ປກສ ແຂວງ ພ້ອມດ້ວຍຄະນະ ແລະ ພະນັກງານຫຼັກແຫຼ່ງ ກອງບັນຊາການ ປກສ ແຂວງ

ພົຈວ ສົມຈັນ ແກ້ວຈັນດາ ໄດ້ລາຍງານກ່ຽວກັບການຊີ້ນຳ-ນຳພາ ກຳລັງ ປກສ ແຂວງ ຕະຫຼອດໄລຍະຜ່ານມາຄະນະພັກ-ຄະນະບັນຊາ ໄດ້ເອົາໃຈໃສ່ເຮັດວຽກງານນຳພາດ້ານການເມືອງ-ແນວຄິດ ໃຫ້ນາຍແລະພົນຕຳຫຼວດ ຢູ່ພາຍໃຕ້ຄວາມຮັບຜິດຊອບຂອງຕົນ ໃຫ້ມີຄວາມໜັກແໜ້ນ ທາງດ້ານການເມືອງແນວຄິດ ເຂັ້ມແຂງທາງດ້ານການຈັດຕັ້ງ ມີລະບຽບວິໄນເຂັ້ມງວດ ມີຄວາມຮັບຜິດຊອບ ຕໍ່ໜ້າທີທີ່ໄດ້ຮັບມອບໝາຍ, ດ້ານວຽກງານວິຊາສະເພາະກໍ່ໄດ້ຮັບການປັບປຸງ ໃຫ້ເຂັ້ມແຂງ ໂດຍສຸມໃສ່ຈັດຕັ້=ປະຕິບັດຕາມທິດຊີ້ນຳຂອງຂັ້ນເທີງ ໂດຍສະເພາະການປ້ອງກັນສະກັດກັ້ນແກ້ໄຂກຸ່ມຄົນບໍດີທີ່ເຄື່ອນໄຫວສ້າງຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍໃນສັງຄົມເປັນຕົ້ນແມ່ນ ບັນຫາຂີ້ລັກງັດແງະ, ປຸ້ນຈີຊີງຊັບ ຢາເສບຕິດ ແລະ ອື່ນໆ ເຊີ່ງສາມາດແກ້ໄຂໄດ້ຫຼາຍກໍລະນີ ພ້ອມທັງດຳເນີນຄະດີຕໍ່ຜູ້ເຄື່ອນໄຫວກະທຳຜິດ ຕາມຂັ້ນຕອນຂອງກົດໝາຍ ແລະ ມີຜົນສຳເລັດສ່ວນໃນຕໍ່ໜ້າຈະສືບຕໍ່ສະກັດກັ້ນ ແລະ ແກ້ໄຂບັນຫາປະກົດການຫຍໍ້ທໍ້ຕ່າງໆ ໃຫ້ລຸດໜອຍຖອຍລົງ ເພື່ອເຮັດໃຫ້ແຂງມີຄວາມສະຫງົບ ແລະ ເປັນລະບຽບຮຽບຮ້ອຍດີ

ໂອກາດນີ້ ທ່ານ ລັດຖະມົນຕີກະຊວງປ້ອງກັນຄວາມສະຫງົບ ກໍ່ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານ ແລະ ຜົົນສຳເລັດທີຄະນະພັກ-ຄະນະບັນຊາແຕ່ລະຂັ້ນຈົ່ງສືບຕໍ່ເສີບຂະຫຍາຍຜົນງານດ້ານດີ ແລະ ເພີມທະວີປັບປຸງ ແກ້ໄຂຂໍ້ບົກຜ່ອງທີ່ເປັນບັນຫາຫຍໍ້ທໍ້ໃຫ້ໝົດໄປ, ເອົາໃຈໃສ່ສືກສາອົບຮົມການເມືອງແນວຄິດ ໃຫ້ພະນັກງານນັກຮົບໃຫ້ທົ່ວເຖີງ, ຮັກສາຄວາມສາມັກຄີພາຍໃນໃຫ້ແໜ້ນແຟ້ນ, ສຸມໃສ່ປະກົດການຫຍໍ້ທໍ້ໃນສັງຄົມໃຫ້ໝົດໄປ ຫາກມີບັນຫາເກີດຂື້ນຢູ່ບ່ອນໃດຕ້ອງຮີບຮ້ອນແກ້ໄຂຢູ່ບ່ອນນັ້ນໃຫ້ທັນການ ແລະ ຖືກຕ້ອງ, ສືບຕໍ່ຫັນພະນັກງານລົງກໍ່ສ້າງຮາກຖານປຸກລະດົມປະຊາຊົນໃຫ້ມີສ່ວນຮ່ວມແນ່ໃສ່ສະກັດກັ້ນແກ້ໄຂບັນຫາຢາເສບຕິດ, ສໍ້ໂກງຊັບ, ລັກຊັບ ແລະ ບັນຫາອື່ນໆໃຫ້ລຸດໜ້ອຍຖອຍລົງ.

Off

Comments are closed.