29th May2019

ກົມໃຫ່ຍການເມືອງປະກາດເລື່ອນຊັ້ນ ໃຫ້ນາຍຕຳຫຼວດ ແລະ ເຜີຍແຜ່ເອກະສານສຳຄັນ.

by somchan

ກົມໃຫ່ຍການເມືອງປ້ອງກັນຄວາມສະຫງົບ ໄດ້ມອບບັດສະມາຊິກພັກ, ປະກາດເລື່ອນຊັ້ນໃຫ້ນາຍຕຳຫຼວດ ແລະ ເຜີຍແຜ່ເອກະສານສຳຄັນຕ່າງໆ, ໃນວັນທີ 28 ພຶດສະພາ ນີ້, ເປັນກຽດເຂົ້າຮ່ວມຂອງ ພົນຕີ ວັນທອງ ກອງມະນີ ຫົວໜ້າກົມໃຫ່ຍການເມືອງ ປກສ, ມີຄະນະພັກ, ຄະນະບັນຊາ, ພະນັກງານຫຼັກແຫຼ່ງອ້ອມຂ້າງກົມໃຫ່ຍການເມືອງເຂົ້າຮ່ວມ.

ພັນເອກ ນາງ ວິໄລທອງ ມັງໝໍ່ເມກ ຫົວໜ້າຫ້ອງການເມືອງ ກົມໃຫ່ຍການເມືອງ ປກສ ໄດ້ຜ່ານມະຕິຕົກລົງວ່າດ້ວຍການຮັບຮອງອອກບັດໃຫ້ສະມາຊິກພັກສົມບູນ, ໃນນີ້ຮັບຮອງເອົາການສະເໜີອອກບັດສະມາຊິກພັກຊຸດທີ່XI  ໃຫ້ສະມາຊິກພັກສົມບູນອ້ອມຂ້າງກົມໃຫ່ຍການເມືອງມີ 112 ບັດ ທັງນີ້ເພື່ອເຮັດໃຫ້ວຽກງານຄຸ້ມຄອງ ແລະ ນຳໃຊ້ບັດສະມາຊິກພັກໄດ້ຮັບການຈັດຕັ້ງປະຕິບັດຖືກຕ້ອງຕາມບົດແນະນຳຂອງຄະນະຈັດຕັ້ງສູນກາງພັກ.

 

ພ້ອມນີ້ຍັງໄດ້ຜ່ານຂໍ້ຕົກລົງວ່າດ້ວຍການເລື່ອນຊັ້ນໃຫ້ນາຍຕຳຫຼວດກົມໃຫ່ຍການເມືອງ ປກສ ມີ 31 ຄົນ, ໃນນັ້ນເລື່ອນຊັ້ນຂັ້ນນາຍພັນ ມີ 16 ຄົນ ແລະ ຂັ້ນນາຍຮ້ອຍ ມີ 15 ຄົນ, ໃຫ້ກຽດປະດັບຊັ້ນໂດຍ ພົນຕີ ວັນທອງ ກອງມະນີ ຫົວໜ້າກົມໃຫ່ຍການເມືອງ ປກສ ພ້ອມດຽວກັນນີ້ຍັງໄດ້ເຜີຍແຜ່ຂໍ້ຕົກລົງວ່າດ້ວຍຂໍ້ຫ້າມຕໍ່ນາຍ ແລະ ພົນຕຳຫຼວດ, ຂໍ້ກຳນົດວ່າດ້ວຍການຂະຫຍາຍພັກ ແລະ ຄຳສັ່ງວ່າດ້ວຍການນຳໃຊ້ສື່ສັງຄົມອອນລາຍໃນກຳລັງປ້ອງກັນຄວາມສະຫງົບ, ທັງນີ້ເພື່ອເຮັດໃຫ້ຄະນະພັກ-ຄະນະບັນຊາພະນັກງານຫຼັກແຫຼ່ງອ້ອມຂ້າງກົມໃຫ່ຍການເມືອງໄດ້ຮັບຮູ້ເຊື່ອມຊຶມ ແລະ ຈັດຕັ້ງປະຕິບັດເຂົ້າໃນວຽກງານວິຊາສະເພາະຕົວຈິງໃຫ້ຖືກຕ້ອງ ແລະ ປະກົດຜົນເປັນຈິງ.

 

ຂ່າວຍັງໃຫ້ຮູ້ຕື່ມວ່າ:

ໃນໄລຍະດຽວກັນນີ້ ວິທະຍາຄານສັນຕິບານປະຊາຊົນ ແລະ ວິທະຍາຄານຕຳຫຼວດປະຊາຊົນ ກໍ່ໄດ້ຈັດຕັ້ງພິທີປະກາດເລື່ອນຊັ້ນໃຫ້ນາຍ ແລະ ພົນຕຳຫຼວດເຊັ່ນດຽວກັນ ໃນນັ້ນເລື່ອນຊັ້ນຂັ້ນນາຍພັນ 29 ຄົນ ແລະ ຂັ້ນນາຍຮ້ອຍ 25 ຄົນ.

Off

Comments are closed.