29th May2019

ກະຊວງຕຳຫຼວດຫວຽດນາມ ມາຢ້ຽມຢາມ ແລະ ເຮັດວຽກຮ່ວມກັບໂຮງໝໍ 5 ເມສາ ກະຊວງ ປກສ.

by somchan

ໃນວັນທີ 28 ພຶດສະພານີ້ ພົນຕີ ປອ ສົມຫວັງ ທຳມະສິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ພັນເອກ ປອ ເຈີນ ກວັກ ຮຸ່ງ ຮອງອຳນວຍການໂຮງໝໍ 198 ກະຊວງຕຳຫຼວດຫວຽດນາມ ໃນໂອກາດທີ່ມາຢ້ຽມຢາມ ແລະ ເຮັດວຽກຮ່ວມກັບໂຮງໝໍ 5 ເມສາ ກະຊວງປ້ອງກັນຄວາມສະຫງົບ ເພື່ອກວດສຸຂະພາບໃຫ້ການນໍາກະຊວງປ້ອງກັນຄວາມສະຫງົບ.

ໂອກາດດັ່ງກ່າວ ພັນເອກ ປອ ເຈີນ ກວັກ ຮຸ່ງ ໄດ້ລາຍງານການມາເຮັດວຽກກັບໂຮງໝໍ 5 ເມສາ ໃຫ້ທ່ານຮອງລັດຖະມົນຕີຮັບຊາບ, ພ້ອມດຽວກັນນີ້ທ່ານຮອງລັດຖະມົນຕີ ກໍໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການມາເຮັດວຽກໃນຄັ້ງນີ້ ຊຶ່ງໄດ້ສະແດງໃຫ້ເຫັນເຖິງການພົວພັນຮ່ວມມືກັນລະຫວ່າງສອງພັກ-ສອງລັດເວົ້າລວມ, ເວົ້າສະເພາະສອງກະຊວງປ້ອງກັນຄວາມສະຫງົບລາວ ແລະ ກະຊວງຕຳຫຼວດຫວຽດນາມ ທີ່ມີການແລກປ່ຽນບົດຮຽນຊ່ວຍເຫຼືອເຊິງກັນ ແລະ ກັນ.ພ້ອມທັງເຊື່ອໜັ້ນວ່າສາຍພົວພັນຮ່ວມມືລະຫວ່າງສອງຊາດລາວ-ຫວຽດນາມເວົ້າລວມ, ເວົ້າສະເພາະກໍຄືສອງກະຊວງແມ່ນມີຄວາມແໜ້ນແຟ້ນຍິ່ງຂື້ນ.

 

Off

Comments are closed.