04th Jun2019

ສັນຕິບານເຜີຍແຜ່ຄຳສັ່ງການນຳໃຊ້ສື່ສັງຄົມອອນລາຍ ແລະ ປາຖະກະຖາວັນວິລະກຳ ໂຕນຄຸກຢ່າງມະຫັດສະຈັນ

by somchan

ກົມໃຫ່ຍສັນຕິບານ ກະຊວງປ້ອງກັນຄວາມສະຫງົບ ໄດ້ຈັດຕັ້ງປາຖະກະຖາວັນວິລະກຳໂຕນຄຸກຢ່າງມະຫັດສະຈັນຂອງບັນດາຜູ້ນຳຂອງພັກ ແລະ ແນວລາວຮັກຊາດຄົບຮອບ 59 ປີຄື: ທີ 24 ພຶດສະພາ 1960- 24 ພຶດສະພາ 2019. ໃນວັນທີ 4 ມິຖຸນານີ້. ໂດຍການເຂົ້າຮ່ວມ ແລະ ເຜີຍແຜ່ໂດຍ ພົນຈັດຕະວາ ບຸນມີ ແສງຄຳຢອງ  ຫົວໜ້າກົມໃຫ່ຍສັນຕິບານ. ມີຄະນະກົມ, ພະນັກງານຫຼັກແຫຼ່ງ ແລະ ພະນັກງານ-ນັກຮົບກົມກອງອ້ອມຂ້າງ ກົມໃຫ່ຍສັນຕິບານ ເຂົ້າຮ່ວມ.

ພົນຈັດຕະວາ ບຸນມີ ແສງຄຳຢອງ ໄດ້ຍົກໃຫ້ເຫັນສະພາບ ແລະ ການເຄື່ອນໄຫວປະຕິວັດຂອງບັນດາຜູ້ນຳ ແລະ ແນວລາວຮັກຊາດໃນໄລຍະປີ 1957-1959, ແຜນຍຸດທະສາດ, ການກະກຽມໂຕນອອກຈາກຄຸກຢ່າງມະຫັດສະຈັນ ຂອງບັນດາຜູ້ນຳໄປສູ່ເຂດທີ່ໜັ້ນຂອງການປະຕິວັດຢ່າງປອດໄພ.ຍ້ອນການນຳອັນສະຫຼາດສ່ອງໃສ ແລະ ປີຊາສາມາດຂອງປະທານໄກສອນພົມວິຫານ ແລະ ສູນກາງພັກ, ຍ້ອນນ້ຳໃຈຮັກຊາດອັນແຮງກ້າຂອງບັນດາຜູ້ນຳທີ່ມີຄວາມກ້າຫານ, ຕັດສິນໃຈຕໍ່ສູ້ບໍ່ຍອມຈຳນົນຕໍ່ສັດຕູ ມີຄວາມປີຊາສາມາດຂົນຂວາຍ, ສຶກສາອົບຮົມສາລະວັດທະຫານ ເຮັດໃຫ້ສັດຕູກາຍເປັນມິດສະຫາຍຮ່ວມຕາຍນຳກັນ, ຍ້ອນຄວາມຕື່ນຕົວຮັກຊາດຂອງປະຊາຊົນ, ທຸກຊັ້ນຄົນ ແລະ ທົ່ວປະເທດ ໂດຍການປຸກລະດົມຂົນຂວາຍຈາກກອງໜູນ, ມີຄວາມຕື່ນຕົວ, ດຳເນີນການຕໍ່ສູ້ເລັ່ງທວງໃຫ້ພວກປະຕິການປ່ອຍຜູ້ນຳໃຫ້ກັບຄືນສູ່ເຂດທີ່ໜັ້ນຍຸດທະສາດຢ່າງປອດໄພ. ພ້ອມນີ້ໃນພິທີຍັງໄດ້ເຜີຍແຜ່ຄຳສັ່ງຂອງລັດຖະມົນຕີກະຊວງ ປກສ ວ່າດ້ວຍການນຳໃຊ້ສື່ສັງຄົມອອນລາຍໃນກຳລັງປ້ອງກັນຄວາມສະຫງົບ, ທັງນີ້ເພື່ອເຮັດໃຫ້ຄະນະພັກ-ຄະນະບັນຊາພະນັກງານ-ນັກຮົບພາຍໃນກົມໃຫ່ຍສັນຕິບານໄດ້ຮັບຮູ້ເຊື່ອມຊືມ ແລະ ນຳໄປໜູນໃຊ້ເຂົ້າໃນວຽກງານວິຊາສະເພາະຂອງຕົນໃຫ້ມີປະສິດທິຜົນ.

Off

Comments are closed.