04th Jun2019

ຕຳຫຼວດລາວ-ຫວຽດນາມພົບປະແລກປ່ຽນບົດຮຽນວຽກງານພັກ-ການເມືອງ

by somchan

ກອງປະຊຸມພົບປະແລກປ່ຽນບົດຮຽນ ລະຫວ່າງກົມໃຫ່ຍການເມືອງ ກະຊວງປ້ອງກັນຄວາມສະຫງົບ ລາວ ແລະ ກົມຈັດຕັ້ງພະນັກງານ,ກົມກໍ່ສ້າງກຳລັງ ກົມວຽກງານພັກ ແລະ ວຽກງານການເມືອງ ກະຊວງຕຳຫຼວດຫວຽດນາມ ຈັດຂື້ນໃນຕອນເຊົ້າວັນທີ 4 ມີຖຸນານີ້ ຢູ່ທີຫ້ອງປະຊຸມກະຊວງປ້ອງກັນຄວາມສະຫງົບ. ພາຍໃຕ້ການເປັນປະທານຮ່ວມຂອງ ພົຈວ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫ່ຍການເມືອງ ແລະ ພັອ ຫງວຽນຊຸຍ ຊັວດ ຮອງຫົວໜ້າກົມຈັດຕັ້ງ ກະຊວງຕຳຫຼວດຫວຽດນາມ ມີຄະນະຜູ້ແທນທັງສອງຝ່າຍເຂົ້າຮ່ວມ.

ໃນກອງປະຊຸມທັງສອງຝ່າຍ ໄດ້ລາຍງານສະພາບການຈັດຕັ້ງປະຕິບັດໜ້າທີວຽກງານ ວິຊາສະເພາະໃນການຊີ້ນຳ-ນຳພາບັນຊາກໍ່ສ້າງປັບປຸງກຳລັງ ແລະ ວຽກງານອື່ນໆ ພ້ອມນີ້ທັງສອງຝ່າຍຍັງໄດ້ລາຍງານກ່ຽວກັບການພົວພັນຮ່ວມມືລະຫວ່າງ ກົມຈັດຕັ້ງພະນັກງານ, ກົມວຽກງານພັກ ແລະ ວຽກງານການເມືອງ ກະຊວງຕຳຫຼວດຫວຽດນາມ ກັບກົມໃຫ່ຍການເມືອງ ກະຊວງປ້ອງກັນຄວາມສະຫງົບລາວ ໃນປີຜ່ານມາແລະບາງບັນຫາທີຈະສືບຕໍ່ຮ່ວມມືໃນຕໍ່ໜ້າເປັນຕົ້ນແມ່ນເອົາໃຈໃສ່ສືບຕໍ່ປະຕິບັດສັນຍາຮ່ວມມືທັງສອງກະຊວງໄດ້ເຊັນກັນໃຫ້ໄດ້ຮັບການຈັດຕັ້ງປະຕິບັດເກີດດອກອອກຜົນຕົວຈິງ, ສືບຕໍ່ໃນການບຳລຸງກໍ່ສ້າງພະນັກງານນັກຮົບ ແລະ ສືບຕໍ່ແລກປ່ຽນບົດຮຽນເຊີ່ງກັນແລະກັນລະຫວ່າງຄະນະຜູ້ແທນທັງສອງຝ່າຍ ໃຫ້ເຂົ້າສູ່ລວງເລີກ ແລະ ກ້ວາງຂວາງກ່ວາເກົ່າ, ກອງປະຊຸມພົບປະແລກປ່ຽນບົດຮຽນ ທັງສອງຝ່າຍໃນຄັ້ງນີ້ເປັນການປະກອບສ່ວນອັນສຳຄັນເຂົ້າໃນການເພີມທະວີຮັດແໜ້ນສາຍພົວພັນມິດຕະພາບ ຄວາມສາມັກຄີພິເສດ ແລະ ການຮ່ວມມືຮອບດ້ານ ທີເປັນມູນເຊື້ອຂອງສອງຊາດສອງກຳລັງ ເວົ້າລວມເວົ້າສະເພາະ ແມ່ນກົມການເມືອງ ປ້ອງກັນຄວາມສະຫງົບ ກັບກະຊວງຕຳຫຼວດຫວຽດນາມໃຫ້ແໜ້ນແຟ້ນຂະຫຍາຍຕົວຍີ່ງໆຂື້ນ.

Off

Comments are closed.