21st Jun2019

ປກສ ນະຄອນຫຼວງວຽງຈັນ ຈັດກອງປະຊຸມສ່ອງແສງປະຈຳໄຕມາດສອງ, ຂອງວຽກງານພັກ-ວຽກງານການເມືອງ

by somchan

ພົນຈັດຕະວາ ບຸບຜາ ສີພົມມາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ ໄດ້ສະຫຼຸບລາຍງານຕໍ່ກອງປະຊຸມສ່ອງແສງປະຈຳໄຕມາດສອງ, ຂອງວຽກງານພັກ-ວຽກງານການເມືຶຶອງ ຂອງກຳລັງປ້ອງກັນຄວາມ ສະຫງົບ ໃນລະຫວ່າງບໍ່ດົນມານີ້ວ່າ

ສະພາບປະກົດການຫຍໍ້ທໍ້ໃນສັງຄົມ ບັນດາເປົ້າໝາຍອາຍາຍັງສືບຕໍ່ເຄື່ອນໄຫວກໍ່ຄວາມບໍ່ສະຫງົບ, ຄວາມບໍ່ເປັນລະບຽບຮຽບຮ້ອຍໃນສັງຄົມຢູ່ນະຄອນຫຼວງວຽງຈັນ, ມີຫຼາຍກໍລະນີ, ຫຼາຍຮູບການທີ່ສົ່ງຜົນກະທົບ ຕໍ່ການພັດທະນາເສດຖະກິດ-ສັງຄົມ ແລະ ສ້າງຜົນເສຍຫາຍທາງດ້ານວັດຖຸ, ຊັບສິນ, ຊີວິດ ແລະ ອື່ນໆໃຫ້ແກ່ປະຊາຊົນພົນລະເມືອງທັງຄົນລາວ ແລະ ຊາວຕ່າງປະເທດ ທີ່ດຳລົງຊີວິດຢູ່ໃນນະຄອນຫຼວງວຽງຈັນ, ອັນພົ້ນເດັ່ນແມ່ນ ບັນຫາການມົ້ວສຸມ ແລະ ຄ້າຂາຍຢາເສບຕິດ, ລັກຊັບ, ຊິງຊັບ, ສໍ້ໂກງຊັບ, ບັນຫາອຸປະຕິເຫດ, ອັກຄີໄພ ແລະ ອື່ນໆ ເຊິ່ງໃນໄຕມາດສອງຜ່ານມານີ້ ມີສະພາບປະກົດການຫຍໍ້ທໍ້ເກີດຂື້ນ 516 ເລື່ອງ, ສາມາດແກ້ໄຂໄດ້ 241 ເລື່ອງ, ກັກຕົວຜູ້ກະທຳຜິດມາດຳເນີນຄະດີໄດ້ 698 ຄົນ, ຍິງ 78 ຄົນ ແລະ ອື່ນໆ.

ສຳລັບແຜນການວຽກງານຈຸດສຸມໃນໄຕມາດສາມ ທ່ານໄດ້ກ່າວວ່າ: ຄະນະພັກ, ຄະນະບັນຊາ ແລະ ພະນັກງານຫຼັກແຫຼ່ງ ກອງບັນຊາການ ປກສ ນະຄອນຫຼວງວຽງຈັນ, ຈະສຸມໃສ່ເພີ່ມທະວີເຄື່ອນໄຫວວຽກງານສຶກສາ ອົບຮົມການເມືອງນຳພາແນວຄິດໃຫ້ກຳລັງ ໂດຍຕິດພັນກັບການດຳລົງຊີວິດການເມືອງ ກະກຽມກອງປະຊຸມໃຫ່ຍ 3 ຂັ້ນຂອງພັກ, ຕິດພັນກັບການເຄື່ອນໄຫວວຽກງານວິຊາສະເພາະ ໂດຍນຳເອົາມະຕິຄຳສັ່ງ ຂອງ ກະຊວງປ້ອງກັນຄວາມສະຫງົບ ແລະ ຄະນະພັກ-ອົງການປົກຄອງນະຄອນຫຼວງວຽງຈັນ ຈັດຕັ້ງເຊື່ອມຊຶມໃຫ້ທົ່ວເຖິງ ແລະ ເພີ່ມທະວີການຊີ້ນຳ-ບັນຊາ ບັນດາເລົ່າລົບວິຊາສະເພາະອ້ອມຂ້າງກອງບັນຊາການ ປກສ ນະຄອນຫຼວງວຽງຈັນ, ສຸມໃສ່ການເຄື່ອນໄຫວຮັກສາສະຖຽນລະພາບທາງດ້ານການເມືອງ, ຄວາມເປັນລະບຽບຮຽບຮ້ອຍຂອງສັງຄົມໃຫ້ມີຄວາມໜັກແໜ້ນ, ເດັດດຽວແກ້ໄຂປະກົດການຫຍໍ້ທໍ້ ທີ່ເກີດຂື້ນຢູ່ໃນສັງຄົມ ໃຫ້ຫຼຸດລົງເທື່ອລະກ້າວ.

Off

Comments are closed.